2 Samuel 19:43 - Ohiatonhseratokénti

⁴³ Ók nʼIsraerʼró꞉nons watonwatiriwaserá꞉kwase ne Judahró꞉nons, “Oiéri niʼiorihwáke sénha í꞉i ionkwariwaien ne raonhá꞉ke ne ronnontí꞉io. Ne nònhne sá꞉ka ne Táwit sénha tsi ní꞉iot ní꞉se. Onhnontiéren káti tsi waskwakénron ní꞉i? Iáh kén í꞉i tetionkwatierénton tsi wahakwénron tentetsiʼtewahiaténhawe ne ronnontí꞉io?” Ók ne raotiwenhnaókons ne Judahró꞉nons sénha ne iateononniáton ne raotiwenhnaókons tsi ní꞉iot nʼIsraerʼró꞉nons.

2 Samuel 19:43 ပူးပေါင်းရင်းမြစ်များ

2 Samuel 19:14

Amasa waʼtesakonikonrakénhni ratikwé꞉kon nonkweʼókons ne Judah nón꞉we kwáh sakanikónrat wahonhnón꞉ni, tánon iahonwatewenhnateniéten ne ronnontí꞉io, “Thontá꞉se, sewakwé꞉kon ó꞉ni ratikwé꞉kon ne sanhatierashón꞉ahs.”

2 Samuel 19:9

Ratikwé꞉kon nonkweʼókons tehotiriwakénen kwáh ratikwé꞉kon tsi niateotitá꞉rakes NIsraerʼronónke, rontónhnions, “Ne ronnontí꞉io shashonkwahiatotarísi tsi nòkwah ne ionkísons, tánon shashonkwanónsthate tsi nòkwah ne Philistines; tánon ó꞉nen wahatèko ne tsi ionwenhtsá꞉ien ne raoríhwa Absalom.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

2 Samuel 20:6

Ne Táwit wahawénhase ne Abishai, “Nón꞉wa ne Sheba ne roiénha ne Bichri sénha rahónha enshonkwaʼkarónhni tsi ní꞉iot ne Absalom; iahetsiʼiaténhaf nakenhatseras tánon shaʼtsisewahiatiʼsák꞉kha, khék nontiérek kwáh enhatsénri ne tekanatanákton kanatowánen tánon enshonkwaʼniá꞉kenhse.”

2 Samuel 5:1

Eʼthóhʼne ratikwé꞉kon tsi niotitsió꞉kwakes ne Israerʼronónke wahonwaiatórenhne Táwit thóh nón꞉we Hebron, tánon wahonníron, “Satkátho, ní꞉i tánon nonkwatsákes neh saonkwashót꞉tseras.

1 Kings 12:16

Nó꞉nen nonhkweshón꞉as sahónt꞉thoke né ronhnontí꞉io tsi iáh seh thaʼsakotahónsathaʼte, wathotihénrethe, “Thorèsek ne Táwit ó꞉ni ne rahowátsire! Kát꞉ke onhtèken ne tkhènhne nahionhkhihiatséraʼse? Né tsiónhkwe Nisraerʼró꞉nonke, Áhnion tsi tewathénhti! Iawerohátien ne Rehoboam rahónha rathatsiatakéna!” Káti nonhkweshón꞉as Nisraerʼró꞉nonke tahotinákwen,

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Proverbs 17:14

Nentewatáhsawen tahsatewennotón꞉ko ne shá꞉ka aontontié꞉renhte ne taká꞉rihte ohné꞉ka tsi ieió꞉re tewahsónhtote; téstahst ohén꞉ton tsi niió꞉re isiʼnón nienhén꞉we.

Proverbs 18:19

Sheiaʼtakéhnha ne sewatátenonhkwe tánon ronónha ó꞉ni eniesaiaʼtanónhstate tsi ní꞉ioht ne kanatowá꞉nen tewahsónhtote otstèn꞉ra. Tókaʼ tensewaterihwakén꞉ni enthatihnhó꞉ton tsi ronatehnhonhká꞉ronte ne sarihwà꞉ke.

Romans 12:21

Tóhsa satʼthóntat nahisasénʼni ne kariwáksen; kék, neh sehsénniont ne kariwáksen ne ioʼiánere.

Galatians 5:15

Nók tóhka thóh nensheweiennoténhake tsi ní꞉ioht ne kárhio, tesewatatkarewátha ó꞉ni tesewatatkenrenserónnis tsi natesewátere, káti sewatatenikonrárak, nontiérek kwáh sewakwékon ensewawéntho.

Galatians 5:20

konwatisénnaiens kaiatonnisónhas ó꞉ni iontenénnaras. Nonkwesónhas tenhotiriwaráseron ó꞉ni enhonterihioháton; tánon enhatinosháseke, enhotinakwenhénhake, ó꞉ni enhonatetʼtséntake. Enhonnitiokonniánion;

Galatians 5:26

Kwáh iáh tehionkwaríwaien naʼitewathatonníheke tóhkaʼ ó꞉ni ne taitewathateriwaientáten tsi naʼtethewátere tóhkaʼ ó꞉ni ne taitewathatenósha.

Philippians 2:3

Tóhsa shenosásek tóhka ó꞉ni asatatonníheke, nók kíʼ tasariwaiérik tanon iaseieʼhiáran notsiakéson tsi sénhase roʼnónha rathiriwhásta tsi níʼioht neh sewátsiake.

Ne꞉ne Sák Rohiaton 1:20

Nahiakonákwen nónkwe iáh thetieriwaiérits ne Rawenni꞉io rahoriwakwarishióntseras tsi nahiotónhake.

Judges 8:1

Ethòne nonhkweshón꞉as ne Ephraim nónhwe wahonwénhase ne Gideon, “Onh nihiotséren tsi iáh tseskwenhnónhkon nó꞉nen shiahisewaténhti nahisewaterí꞉io ne Midianró꞉nons? Nonhtséren tsi éhtho naskwahiéraʼse?” Kwáh í꞉ken tsi wahonwanatʼthéthen.

Judges 9:23

Ne Rawenni꞉io washakotsirón꞉nien tsi natehóntere ne Abimelech tánon nonkweshón꞉has ne Shechem tánon tahotinákwen.