2 Samuel 19:41 - Ohiatonhseratokénti

⁴¹ Eʼthóhʼne ratikwé꞉kon nonkweʼókons NIsraerʼronónke ronnontí꞉ioke niahónhne, tánon wahonwénhase, “Onhnón꞉tiere ne iakwatatekénʼahs ne Judahró꞉nons tsi éhren wahesaiatenhá꞉wite nontionhá꞉ke, tánon tahonwahiaténhawe ne ronnontí꞉io ó꞉ni ne raowátsire wathonwahiaiát꞉te ne Jordan kaniataratátsie, tánon ratikwé꞉kon ne Táwit raonkweʼtashón꞉ahs?”

2 Samuel 19:41 ပူးပေါင်းရင်းမြစ်များ

2 Samuel 19:11

Ne Ronnontí꞉io Táwit iashakoteriwaniétase ne tenitsihénstatsi Zadok ó꞉ni ne Abiathar, “Ietsiʼiénhas ne rotikstenokónhas ne Judah nón꞉we, ‘Onhnontiéren tsi í꞉se nonáken ahiʼtsiʼionniate ne ronnontí꞉io tahontáre tsi rononshó꞉te? Tsi niʼiakótharon ratikwé꞉kon NIsraerʼronónke nón꞉wa rahonhá꞉ke ne ronnontí꞉io.

2 Samuel 19:12

Í꞉se ne tewataténons, í꞉se nastsienshónhas í꞉ken ó꞉ni nakewáron; onhnontsiéren kíʼ tsi í꞉se nonàken ahitiónhniaʼte ne tahontatsisewahiaténhawe ne ronnontí꞉io kén꞉en?’

2 Samuel 19:3

Ne ronterí꞉ios wahatirihwásehte tsi kanatowanénhke niá꞉hon nètho wenhniserá꞉tekwe ne ronterí꞉ios roʼtiriwasénton ne roʼnón꞉ha tsi nihontéhens tsi nithonatékwen nateriʼioseráke.

Judges 12:1

Né ronhnónhkwe ne Ephraim nónhwe wahontateʼweienéntaʼne nahonterí꞉io; waʼthatinataríhiake ne Jordan né꞉ne Zaphon niahónhne tánon wahonwénhase ne Jephthah, “Onh niʼhiotséren tsi watesehristíhiake tsi ahiʼsehwaterí꞉io ne Ammonró꞉nons tánon tsi iáh theteskwenhnónhkon nahonthetewaténhrohwe? Enhiakwahtenonhkwénhthaʼwe tsi sanónhsohthe tánon thóh kanónskon enhtheshiʼterónhtake!”

Judges 8:1

Ethòne nonhkweshón꞉as ne Ephraim nónhwe wahonwénhase ne Gideon, “Onh nihiotséren tsi iáh tseskwenhnónhkon nó꞉nen shiahisewaténhti nahisewaterí꞉io ne Midianró꞉nons? Nonhtséren tsi éhtho naskwahiéraʼse?” Kwáh í꞉ken tsi wahonwanatʼthéthen.