2 Samuel 19:39 - Ohiatonhseratokénti

³⁹ Eʼthó꞉ne kíʼ ó꞉nenh kwáh kanenhrakwékon wathatiniatarí꞉iake ne Jordan, ó꞉ni ne ronnontí꞉io wathaiáhiake; ne ronnontí꞉io wathonoronhkwánion ne Barzillai tánon wahoiatatériste, tánon thóh nionsáre tsi thonónshoʼte.

2 Samuel 19:39 ပူးပေါင်းရင်းမြစ်များ

Genesis 14:19

Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 31:55

Kwáh siiohrhonʼkéhstsi ne Laban wahatkétsko, waʼtehshakonoronhkwánion ne shakotereʼokón꞉aʼhs ó꞉ni ne shakoioʼokón꞉ʼa kontiiá꞉taseʼs tánon wahshakoiaʼtaté꞉riste; eʼthó꞉ne tonsahontetkháhsi tánon sahahtén꞉ti.

Genesis 45:15

Tánon ratikwé꞉kon waʼtehshakonoronhkwánion ne rontateʼkoʼokón꞉ʼahs tánon tethahsénthos; eʼthó꞉neʼ khók ó꞉nen ne rontateʼkoʼoʼkón꞉ʼahs wahatikwé꞉ni waʼthatihthá꞉ren ne ráonha.

Genesis 47:10

Eʼthó꞉ne ó꞉nen shé꞉kon ne Jacob sahoiaʼtaté꞉rihste ne Pharaoh, tánon sahaiá꞉kenʼne tsi rèn꞉teron ne Pharaoh.

Genesis 47:7

Eʼthó꞉ne ne Só꞉se tahoiaʼtínionʼte ne roʼníha Jacob ne tahotenró꞉seron ne Pharaoh, tánon ne Jacob wahoiaʼtaté꞉rihste ne Pharaoh.

2 Samuel 13:25

Ók ne ronnontí꞉io wahawénhase ne Absalom, “Iáh, konién꞉ha, áhnion tó꞉sa tewakwé꞉kon éhʼthoh iétewe, khéhs á꞉re kwáh enkwarieniastéten ní꞉se.” Ne raónha sénhak iahakónhtakwe, ók ronnontí꞉io iáh ne tiehawénon ók kíʼ wahoteráskwen.

2 Samuel 14:33

Ehʼthóhʼne ne Joab ronnontí꞉ioʼke niaháre tánon wahoró꞉ri; tánon iahó꞉nonke ne Absalom. Káti iahá꞉rawe ronnontí꞉ioke tánon wahatatsiatiénenhte tsiahakonshótane ohontsá꞉ke raohén꞉ton ne ronnontí꞉io; tánon ne ronnontí꞉io watonoronkwáhnion Absalom.

2 Samuel 19:38

Ne ronnontí꞉io wahthariʼwaserá꞉ko, “Ne Chimham kwáh kíʼ ne enhiákene, tánon thóh nenhiʼiatiérase tsi natesatonhón꞉tiohni; tánon akwé꞉kon tsi nisaská꞉neks ní꞉i thóh nenhkoniá꞉tierase.”

2 Samuel 6:18

Nó꞉nenh ne Táwit sahá꞉sa tsi roteskón꞉tahkwe tánon tsi washakótatʼtse ne otsiokwahtokénti, washakoiathatériste nonkweʼókons thóh raosénhnakon ne Sakoiá꞉ner ne ratironhiakerónons,

2 Samuel 6:20

Ne Táwit ionsáhreh ne tahonsahontátʼken ne raowá꞉tsireh. Ók ne Michal ne ne sakoién꞉ha ne Saul takaiá꞉kenʼne ne tahiatátken Táwit, tánon wakén꞉ron, “Kwáh ne ronnontí꞉io NÍsraerʼronónke wahatatʼtsenówanate nón꞉wa wennhniseráte, tsi wahathatenotstón꞉ni ahotihénton ne raonhatserashón꞉ʼahs konnón꞉kwe, tsi ní꞉ioht ne kwáh tsikhónkak ne teotenonwahroʼrítonhte rónkwe nontiérenk ahathatenhostónhni!”

1 Kings 19:20

Ethòne ne Elisha ehʼiékeneʼthe ne tehiotinákares, Elijah wahó꞉sere, tánon wahénron, “Takeríhon niáreʼkwe iatesetʼkhenoronhkwáhnion ne rakeʼníha ó꞉ni nakenisténha tsi kaʼthenhtiónhen, tánon ki ethòne entsítheʼne.” Elijah watharihwaseráko, “Thoʼniʼiáwenh, wáhsʼkiʼ thóh nionhshá꞉se. Iáh tekonhné꞉se!”

Numbers 24:25

Ethóne ne Balaam wahatateweienénhthane tánon shaʼhaténhti, tánon ne Balak hionhsahaʼthahíta nènhneʼe.

Luke 2:34

Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhiontennikonratihatanionkȣe nonkȣeokon.

Acts 20:37

Rathikwékon tehonséntʼthos tsi wahonwaniása tonsahonwanonronkwánion tsi sahaténti.

1 Thessalonians 5:26

Teietʼtsihiaróton ratikwékon ne thoʼnetákwen ne teietʼtsinoronkwáhniont ne skénʼnon.

Ruth 1:14

Sók á꞉re tonsatiahséntho. Thó꞉ne Orpah waʼtiakonoronkwá꞉nion nakosá꞉wha tánon tho nionsá꞉ien tsi nón꞉ tienakeréhkwe. Sók ne Ruth iaʼontatié꞉na ne Naomi.

1 Samuel 24:22

Káti ne Táwit wahorahrátsten ne Saul. Eʼthóhʼne kiʼ ó꞉nenh ne Saul sahaténhti tsi thóh nón꞉shote nionsáreh; ók ne Táwit tánon ne raonkwetashón꞉ʼahs sahontahsehtáhna tsi nón꞉we thóh natahséhtonhne.