2 Samuel 19:28 - Ohiatonhseratokénti

²⁸ Asèken ratikwé꞉kon ne rakení꞉ha raowátsire tehonaténhtion nahonwatinonwarhiá꞉khon raohén꞉ton natiá꞉ner ronnontí꞉io; ók thóh kiskwáren skát꞉ne tsi nihá꞉ti ne thóh teonatskáhon satekhwárane. Onhnahiotónhake ne sénha ahontianerenhseraién꞉take, nék, nahiʼianiténhtase ne ronnontí꞉io”

2 Samuel 19:28 ပူးပေါင်းရင်းမြစ်များ

Genesis 32:10

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

2 Samuel 14:17

Ne sanhátsera wahé꞉re, ‘Ne raowénhna Natiá꞉ner ne ne ronnontí꞉io kwáh enhakateriswénhtoseʼ; asèken natiá꞉ner ne ne ronnontí꞉io kwáh neh teshiatié꞉ren ne raoronhiakeró꞉non Ní꞉io, ieharíhwakens ne ioiá꞉nere tánon ne kariwahét꞉ken. Ne Roiá꞉ner Saní꞉io kwáh senikweʼkónhak!’”

2 Samuel 14:20

Ne nahiontónhon tahonsontáton nahonsonttátonke noriwasónhas ne ne í꞉i Joab thóh ná꞉tiere. Ók natiá꞉ner ronikonrowánen kwáh tsi nihonikonrowánen ne raoronhiakeró꞉non ne Ní꞉io tsi roteriéntare oriwakwé꞉kon tsi ní꞉iot nonwenhtsá꞉ke.”

2 Samuel 15:26

Ók tó꞉ka enhénron, ‘Iáh othènon tewakonweséntha ne shonháke,’ kén꞉en í꞉kes thóh natatiéras tsi ní꞉rehre ioiá꞉nere ne raonhá꞉ke.”

2 Samuel 16:3

Ne ronnontí꞉io wahén꞉ron, “Tánon kaʼnón꞉we ní꞉res ne iahiatakweʼní꞉io roteréha?” Ne Ziba wahawénhase ne ronnontí꞉io, “Thóh thénteron Jerusalem; asèken rá꞉wen, ‘Ónwa wenhniseráte kwáh tentʼthá꞉kon ne rakshótha raonontiʼiótsera.’”

2 Samuel 19:29

Ne ronnontí꞉io wahawénhase, “Onhnonhtiéren tsi sénha ishiʼnónwe nasatá꞉ti ne sarihwashón꞉ahs? Tewatiatorénton: í꞉se tánon ne Ziba kwáh tensenihiá꞉ke nohón꞉tsa.”

2 Samuel 9:10

Í꞉se tánon ne sanekenteronhtserashón꞉ahs tánon sanhatseraókons kwáh tentsitsatonhontsaʼríten, tánon entesewá꞉hawe ne kaientwáhkwen, ne káti ne iánhas roteré꞉ha nahokwaién꞉take nahronhnékwen; ók ne iánhas roteré꞉ha Mephibosheth kwáh nenʼné꞉e tiókonte tsi tenhoskáhonʼke nakhwatekhwárane.” Nón꞉wa ne Ziba wísk neiawénhre nionekenteronhtseraien꞉takwe tánon tewáhsen nihátikwe ronhatseraién꞉takwe.

2 Samuel 9:13

Ne Mephibosheth Jerusalem ne nón꞉we nihaná꞉kerehkwe, asèken ne raónha kwáh tiókonte thóh tehoskáonkwe ronnontí꞉io raotekhwárane. Ónenh kíʼ ne raónha iotakenhéion tetsá꞉ronkwe ne rashitákes.

2 Kings 8:3

Tsi iahontók꞉ten ne tsáta niʼioseráke Israerʼró꞉nonke ionhsàwe tánon ronnontí꞉ioke niahá꞉he nahorihwanóntonse nètho aonónsa ó꞉ni nahohóntsa nahonsakaiéna.

1 Samuel 26:16

Kí꞉ken tsi nashá꞉tiere iáh teioiá꞉nereh. Kwáh ne Roiá꞉ner tsi nirónhnhe, ní꞉se tesaténtion nasíheʼie, tsioríhwa tsi iáh tetiatenhnikonrahrá꞉ton ne Iaiá꞉ner, ne ne Roiá꞉ner roiataráhkwen. Satkátho kiʼ ó꞉nen, kanieiawénon ne ronnontí꞉io raoshí꞉kwara, ó꞉ni ne watnekarákwah kát꞉tse nètho kaiéntakwe tsi iehakonhéntakwe?”