2 Samuel 19:13 - Ohiatonhseratokénti

¹³ Tánon tsi sewénhas ne Amasa, ‘Ní꞉se iáh kén í꞉i tetiaʼtaténon? Káti aiá꞉wens ne Ní꞉io thóh nahatiérase, ó꞉ni sénha ishiʼnón, tó꞉ka ní꞉se iáh ó꞉nen í꞉se thatesheseniarotárion nakitsió꞉kwa ronterí꞉ios ne kénʼen ienwatásawen, ne raonaktáke Joab.’”

2 Samuel 19:13 ပူးပေါင်းရင်းမြစ်များ

Genesis 29:14

tánon ne Laban wahawènhahse, “Orihwiioʼón꞉we tsi kwáh né seteninekwènhsa í꞉ken!” Tánon enhniʼtakwé꞉kon skátne niʼterón꞉tahkwe.

2 Samuel 17:25

Nón꞉wa ne Absalom ne shahorihón꞉ten ne Amasa tsi ratitsió꞉kwaien ronterí꞉ios ne tonsahonaktákwen ne Joab, Ne Amasa ne ne roní꞉ha ne Ithra ronwáiats ne ne Ishmaelró꞉non ne nenhʼné꞉e rotiniá꞉konhne Abigail ne ne Nahash sakoiénha, ne iatenhosènha ne Zeruiah, ne ne Joab ronisténha.

2 Samuel 18:11

Ne Joab wahawénhaʼse ne rónkwe ónka wahesaró꞉ri, “Onhnahóten, í꞉se wáts꞉ken! Onhnontiéren tsi iáh tethetsiaténton thóh ohontsá꞉ke? Kwáh ní꞉i akhatsenhnonniatserákon tsi akonwistawíken oiéri nikawístate kawistaráken tánon atiatána.”

2 Samuel 20:4

Ehʼthóhʼne ne ronnontí꞉io wahawénhase ne Amasa, “Iasénonk ne ronnónkwe ne Judah nón꞉we skátne ahiakwáton tsi niʼó꞉re nasénhaton nón꞉ta, tánon ní꞉se kénʼen shé꞉set.”

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Samuel 5:1

Eʼthóhʼne ratikwé꞉kon tsi niotitsió꞉kwakes ne Israerʼronónke wahonwaiatórenhne Táwit thóh nón꞉we Hebron, tánon wahonníron, “Satkátho, ní꞉i tánon nonkwatsákes neh saonkwashót꞉tseras.

2 Samuel 8:16

Ne Joab ne ne roní꞉ha ne Zeruiah neh sakoteriwatsterístase ronterí꞉ios; Jehoshaphat ne ne roní꞉ha ne Ahilud ne sakohiatónhniskwe;

1 Kings 19:2

Nahónha iahoterihwaniéthase ne Elijah: “Aiáwens ne ratiní꞉ios ahiónhtienʼte nakíheʼie thóh nakaháwike nenhiórenhne tsi nónhwa nihiowistáhe né iáh thóh thaʼkonhierásere tsi né niseiérase ne rothithokenhséhakwe.”

1 Chronicles 12:18

Ethóhʼne ne Ronikonratokénti wahotiénhase ne Amasai, onakènʼke rahónʼa rasenhnowánen sahá꞉ton ne “áhsen-niwasenhnihátiʼkwe,” tánon iathohénreʼte, né kénʼen iákwes í꞉se sonhkwetaʼshón꞉as! Aisaterihwaʼthéntsiaʼse tánon tsi nihá꞉ti nenhiesaiénawaʼse! “Táwit ne Jesse iaiénha, né kénʼen iákwes í꞉se shonkwetaʼshón꞉as! Aisaterihwathénhtsaʼse tánon tsi nihá꞉ti nenhiesasniénion! Né Rawenni꞉io í꞉seke nowahti í꞉rate.” Né Táwit waʼshakohonkáron tánon waʼshakorihontónhnion né tsi rotsokwáhien ne ronterí꞉ios.

Ruth 1:17

Tsi nón꞉ nenhsíheie tho kiʼ niʼ ní꞉i nón꞉ nenkíheie, tho nón꞉we neniontià꞉tata. Tóka káti ne Roiá꞉ner ne tiaonhá꞉ʼa ahakʼrewáhte, nek enkakwé꞉ni ne kenhéion, taionkenikáhsi tóka enkoniatewén꞉teʼte!”