2 Samuel 19:10 - Ohiatonhseratokénti

¹⁰ Ók ne Absalom, tsi raónha tsi tewahiatará꞉kwen, rawenhé꞉ion ateriʼioseráke. Nón꞉wa ne kariwaientákwen onontsiéren tsi iáh othènon tesewáton tsi nòkwah ne tahontatsitewaiathénhawe ne ronnontí꞉io ne kénʼen?”

2 Samuel 19:10 ပူးပေါင်းရင်းမြစ်များ

2 Samuel 15:14

Ehʼthóhʼne ne Táwit wasakawénhase ratikwé꞉kon ne raonhatseraókons tsi nihá꞉ti ne ronwanonterátieskwe ne Jerusalem. “Tesewá꞉tan! Áhnion tewatèko, khés iáh kanèka thahonsónton nahonshatsitewahniákenhse ne Absalom. Tesewasterí꞉hen, khéhs kwáh iostó꞉re enshonkwanonhtérane, tánon ne enshonkwahérase ne kariwahetkénhsera nontionhá꞉ke, tánon ienhatsatónhti ne kanatowanénhke ne énratste ne iosahrothíʼie.”

2 Samuel 15:16

Káti ne Táwit tonsahattháhakwe, ronwanonterá꞉tie ne raowátsire, nek khók ne oiéri nikónti ne tehatiʼterón꞉takwe thóh neh tasakótʼkaʼwe ne nakontenhnikonrá꞉ren tsi ronónshoʼte.

2 Samuel 18:14

Ne Joab wahén꞉ron, “Ní꞉i kwáh iáh thakatsesá꞉te tsi nikawistá꞉heks skát꞉ne ní꞉se.” Ne raónha wák꞉rakwe áhsen níkon oshí꞉kwaras wahattháwa, tánon thóh thatawerhiasáweheste Absalom, kwáh shé꞉kon shirónhnhekwe tsi iorónhtoʼte ne karí꞉ton.

2 Samuel 19:11

Ne Ronnontí꞉io Táwit iashakoteriwaniétase ne tenitsihénstatsi Zadok ó꞉ni ne Abiathar, “Ietsiʼiénhas ne rotikstenokónhas ne Judah nón꞉we, ‘Onhnontiéren tsi í꞉se nonáken ahiʼtsiʼionniate ne ronnontí꞉io tahontáre tsi rononshó꞉te? Tsi niʼiakótharon ratikwé꞉kon NIsraerʼronónke nón꞉wa rahonhá꞉ke ne ronnontí꞉io.

2 Samuel 19:40

Ne ronnontí꞉io thóh ne nón꞉we niahá꞉re Gilgal, tánon Chimham wahiateró꞉sen; ratikwé꞉kon ne Judahró꞉nons ó꞉ni ne satekanenhrí꞉en NIsraerʼronónke, wahonteró꞉sen ne ronnontí꞉io.

2 Samuel 19:9

Ratikwé꞉kon nonkweʼókons tehotiriwakénen kwáh ratikwé꞉kon tsi niateotitá꞉rakes NIsraerʼronónke, rontónhnions, “Ne ronnontí꞉io shashonkwahiatotarísi tsi nòkwah ne ionkísons, tánon shashonkwanónsthate tsi nòkwah ne Philistines; tánon ó꞉nen wahatèko ne tsi ionwenhtsá꞉ien ne raoríhwa Absalom.

Hosea 8:4

Washakotinontiiotseronhniá꞉nion, ók iáh kí akonhà꞉ke nón꞉we tetsawé꞉non; washakotiiatarakwenhá꞉ton nahonwatihénthenhse, ók kí iáh kí tekherihwanirá꞉ti. Né꞉ne raonáwenk kawistará꞉kens tánon nowistanó꞉rons ne wahontsatonhniseronhniátakwe kwáh ronhnón꞉ha wahontatónhnien nahotiiathatónhte.

Judges 18:9

“Káts,” watatirihwasehráko. “Ánion ieietʼtihiatsathónhti ne Laish. Wahakwatʼkátho ne tsi ionhontsáien, tánon kwáh í꞉ken tsi iohontsí꞉io. Tó꞉sa sewaterahiátat niahí꞉sehwe né nónhwe tánon iasehwatsénawast!