2 Samuel 18:4 - Ohiatonhseratokénti

⁴ Ne ronnontí꞉io wasakawénhase, “Tsi nahó꞉ten í꞉sewere ioiá꞉nere ne sewariwáhke thóh kíʼ nénhtiere.” Káti ne ronnontí꞉io tho wathá꞉tane ákta tsi iotenhenrakáronhte, tsi nikaríwes ne ronterí꞉io iahatiʼnenrehnékenʼne ne ne tehonhnienhniáwes tánon tehonnienniawehetseráhsens nihá꞉ti.

2 Samuel 18:4 ပူးပေါင်းရင်းမြစ်များ

2 Samuel 18:1

Ehʼthóhʼne ne Táwit wasakoiataróhroke ne ronnónkwe tsi nikaienratikwekonhá꞉tieskwe, tánon washakoiatarakwenháton ne ronteriʼioserakweʼní꞉ios ahónʼteriónten washakotiʼtsiokonhniánion tewenhniawehetseráhsen tánon ne ronteriʼioserakweʼní꞉ios ne tewenhniaweʼhét꞉kons niháti asakotihéntense.

2 Samuel 18:24

Nón꞉wa ne Táwit thóh nón꞉we nihenskwáhere tsi natetsiá꞉tere ne iotenhenrakáronte. Ne tehaʼtashontanónhna iaharát꞉ten ne tsi ioteronhkwená꞉here tsi iotenhenrakáronte ne tsi tewasonthátatse, tánon nó꞉nenh sahaʼtarakétsko, wahó꞉ken rónkwe rahonhatsíwa tahatát꞉ke.

2 Samuel 18:5

Ne ronnontí꞉io washakotewenhnatsaníten ne Joab tánon Abishai tánon ne Ittai, ratónhnions, “Tasewatewé꞉ienton ní꞉i akerihwáke tsi nòkwah ne kén nithoiónha Absalom.” Tánon ratikwé꞉kon nonkweʼókons wahakothónhtene nó꞉nen ne ronnontí꞉io shasakotewenhnatianíten ratikwé꞉kon ne ronteriʼioserakweʼní꞉ios ne ne raorihwáke ne Absalom.

Isaiah 28:6

tánon ne akakenʼenniónhon ne kaiá꞉neren tsi nikáien nónhka enhá꞉tsien naharihwenhtàke, ó꞉ni ahotiʼshatstenhseraʼién꞉take tsi niháti nahonsahónkʼthate nateriʼióshera ne tsi iothenhenrakáronte.

1 Samuel 29:2

Ne wísk nihatinontiʼioseráke iahatiʼnenhrínekenkwe skát꞉ne ne skentsiokwátions ne raotitsió꞉kwas ne ne tewenhniawehét꞉kons tánon tewenhniawehetserásens nihá꞉ti, tánon ne Táwit ó꞉ni ne raotsió꞉kwas thóh neh nonnahóntoheste onáhken nokwáhti skát꞉ne ne Ronnontí꞉io Achish,