2 Samuel 18:31 - Ohiatonhseratokénti

³¹ Ehʼthóhʼne ne Cushró꞉non wárawe; tánon ne Cushró꞉non wahén꞉ron, “Kaʼriwí꞉io ne raoriwá꞉ke natiá꞉ner ne ronnontí꞉io! Asèken ne Roiá꞉ner kwáh sahiaiatotarísi ní꞉se tsi nòkwah ne raotishaststénsera ratikwé꞉kon ne tethotitáhon niaiesatiaʼtónti.”

2 Samuel 18:31 ပူးပေါင်းရင်းမြစ်များ

2 Samuel 18:19

Ehʼthóhʼne Ahimaaz ne ne roiénha ne Zadok wahén꞉ron, “Ahnion takerí꞉hon niatakarátate, tánon iakeriwénhawe ne kariwí꞉io rahonháke ne ronnontí꞉io nètho Roiá꞉ner tsi sahohiatotarí꞉si tsi nòkwah ne raotishaststénsera ne ronwásons.”

2 Samuel 18:28

Ehʼthóhʼne ne Ahimaaz iathohén꞉rete rahonhá꞉ke ne ronnontí꞉io, “Akwé꞉kon tseioiá꞉nere!” Wahatatsiatiénenhte raohén꞉ton ne ronnontí꞉io kwáh tsehakónsaienhohontsá꞉ke, tánon wahén꞉ron, “Tehonwanonweráton ne Roiá꞉ner Saní꞉io í꞉ken, rahónha táhion natesenhniétsera tsi waʼhesatkónten tsi sanontí꞉io í꞉ken.”

2 Samuel 18:30

Né ronnontí꞉io wahén꞉ron, “Tesatkaraténi, tánon tástann kénʼen.” Káti watʼtatkaraténi, tánon thóh wathátane sakʼthíken.

Psalms 58:10

Né tiokwetaiéris enhontonhnáren nó꞉nen enhontkátho skakarhiákon; kwáh thóh enhonrashitóhare raotinekwenhsáke ne hionkwetahét꞉kens.

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Judges 5:31

Aiáwens kíʼ ratikwékon ne shasóhtar thóh ní꞉ioht tsi ahonhníheie, O Saiá꞉ner, ók aiáwens ne sateró꞉seras thóh ní꞉ioht tsi tahononhkwetátʼtheke tsi ní꞉ioht ne tahiorakwenhnikenhátie! Tánon káti skénnenk thikènʼne ne tsi ionhontsáien né꞉ne kaiéri niwásenh nihiosehráke kènhʼne.