2 Samuel 18:28 - Ohiatonhseratokénti

²⁸ Ehʼthóhʼne ne Ahimaaz iathohén꞉rete rahonhá꞉ke ne ronnontí꞉io, “Akwé꞉kon tseioiá꞉nere!” Wahatatsiatiénenhte raohén꞉ton ne ronnontí꞉io kwáh tsehakónsaienhohontsá꞉ke, tánon wahén꞉ron, “Tehonwanonweráton ne Roiá꞉ner Saní꞉io í꞉ken, rahónha táhion natesenhniétsera tsi waʼhesatkónten tsi sanontí꞉io í꞉ken.”

2 Samuel 18:28 ပူးပေါင်းရင်းမြစ်များ

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

Genesis 24:27

tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

2 Samuel 1:2

Nasénhaton siwenhniseraʼkéhaton, rón꞉kwe wá꞉rawe thóh nontáre ne Saul tsi thotahtó꞉serote, neh raoʼtserón꞉nia ioteratiónkwen tánon rokenrá꞉reh ranontsíne. Nó꞉nen shiaoiatórenhne ne Táwit, ohontsáke iahaiatiénenhne tánon wathatentʼtsóten.

2 Samuel 14:4

Nó꞉nen ne iónkwe ne Tekoaró꞉non iahón꞉we ronnontí꞉ioke, wakaiatiénenhne tiaʼkakonshó꞉tane ohontsá꞉ke tánon ne nawéneste kakwenienstátsera, tánon wakénron, “Tatiehnawas, Ó sanontí꞉io!”

2 Samuel 22:27

ne rotiʼiá꞉nere í꞉ken ní꞉se waséneste iateshiá꞉ti tsi sariwakwarí꞉shion, tánon ne tehonahtsiátʼton ní꞉se waséneste tsi sarihwaníron í꞉ken.

2 Chronicles 20:26

Né kaieríhaton shiʼwenhniserakéhaton wahontsataróhroʼke né꞉ne Beracah Ahonráhkwahkon nón꞉we tánon wathonwanonweráhton ne Roiá꞉ner norihwakwé꞉kon tsi naháiere. Né kíʼ aoríhwa nahonráhkwahkon né konwanatónhkwah “Beracah.” Kí꞉ken kasénhna né Hebrew né꞉ne kéntons “Tahiontenonweráton.”

Psalms 115:1

Iáh nontionháke, Ó Saiá꞉ner, iáh nontionháke, ók sahsénhna táhson ne kaiatanerakwáhtshera, asèken ne aorihónhniat ne sáwenk iorihwaʼtóken kanoronhkwáhtshera tánon ne sarihwaʼtokentítshera.

Psalms 124:6

Tetsitewanonhweráton ne Roiá꞉ner, ne rahónha tsi iáh teshakorihwáhwi ne hionkhísons nahionkhiʼiatónhton.

Psalms 31:8

tánon iáh tieskatiakwahríhshion ronnónhake ne iónkshons; theteskáwi nakathatewenhniʼiósehra né kwák tsikʼnón꞉we niáke tsi nahontakaskáneke.

Exodus 18:10

tánon wahénron, “Tehonwanonhweráhton ne Roiá꞉ner, tsi nikáien ne sahiaʼniákenʼte tsi nòkwah ne Egypt ronhnonhtí꞉io ó꞉ni nonhkweshón꞉ʼas ne Egypt! Tehonwanonhwaráhton ne Roiá꞉ner, tsi rahonʼa sashá꞉koniákenʼthe ne rahonkwetaʼshón꞉as tsi ronwatiʼnaskónhniskwe!

1 Samuel 17:46

Kwáh nón꞉wa wenhniseráte ne Roiá꞉ner kwáh entʼiátʼkawe thóh katiá꞉nake, tánon ní꞉i kwáh enkonhiatiénenhte tánon enkonhnontsístsiaʼke; tánon kwáh ne entekhéhion notsitenhó꞉kons ne tsi ioweráhre kontítses ne ronenhé꞉ions raonenheiónhtas ne Philistiaró꞉nons ronterí꞉ios ne ne kwáh nón꞉wa wenhniseráte ó꞉ni ne kontírios kontitshénen ne tsi ionwenhtsá꞉te, ne ká꞉ti nohontsakwékon aiá꞉wens ahonateriéntahrane thóh nón꞉we Israeronónke tsi Rotiniʼioseraiénhse,

1 Samuel 24:18

Ón꞉wa wenhniseráte ní꞉se wasenikonraién꞉thate tsi ní꞉ioht ní꞉se tsi nashé꞉reh ne ioiá꞉nere tsi nòkwah ní꞉i, neh tsi iáh teskenonwaʼriákhon nó꞉nenh ne Roiá꞉ner thóh wahakátkawe satshanáke.

1 Samuel 25:23

Nó꞉nen ne Abigail sahonwáhken ne Táwit, wahtiosteríhen tánon shóntsnenhte tsi iosaténhtsiene ne tewahóntes, raohén꞉ton wakaiatahiéntahne ne Táwit tsakakonshótane, tewattsatʼtenhátons ohontsá꞉ke.

1 Samuel 26:8

Né Abishai wahonwénhase ne Táwit, “Ne Ní꞉io táhion ne shonkwetashón꞉ahs ronterí꞉ios satshanáke nón꞉wa wenhniseráte; ó꞉nenh káti thóh niiá꞉wenh takerí꞉hon riʼiatanénhtat thóh ohontsáke enskák khók tsi enhiʼiáhase ne raoshí꞉kwahra; kwáh iáh tékeni tsahónteratste tsi thahiʼiáhase.”