2 Samuel 18:27 - Ohiatonhseratokénti

²⁷ Ne tehatasontanónhne wahén꞉ron, “Íh꞉kere ne rahén꞉tene thóh niiót tsi ratát꞉kene kwáh ne ne Ahimaaz né roní꞉ha ne ne Zadok.” Ne ronnontí꞉io wahén꞉ron, “Tronʼkwetaiéri nenhné꞉e, tánon tahariwenháwi kariwí꞉io.”

2 Samuel 18:27 ပူးပေါင်းရင်းမြစ်များ

2 Samuel 18:26

Ehʼthóhʼne ne tehatasontanónhne sahó꞉ken ó꞉ia rónkwe tahatátʼke raonhatsíwa; tánon ne tehatasonhtanónhne iathohénrete tsi ít꞉rate ne iotenhenrakáronhte ranónhne tánon wahén꞉ron, “Ítskens kén shé꞉kon ó꞉ia rónkwe tahaʼtát꞉ke rahonhatsíwa!” Ne ronnontí꞉io wahén꞉ron, “Rahón꞉ha ó꞉ni taharihwenháwi kariwí꞉io.”

1 Kings 1:42

Nohénton iahatewenhnók꞉then, Jonathan, né roʼníha ne ratsihénstatsi Abiathar, ehʼwáraʼwe. “Tasatháwehiat,” Adonijah wahénron. “Thiʼsarihwaiéri shón꞉kwe—kwáh toʼkáha tsi karihwí꞉io serihwenháwi.”

2 Kings 9:20

Shé꞉kon énska ionsónteratsʼte ne ranikónrare tsi sahatróri nètho rarihwakarénies tsi iahá꞉rawe tsi nontahothitsiókwine ók iáh nenné꞉e thaʼthontáre. Tánon iahá꞉ieste, “Né ranenhrakweʼní꞉io tsi thahohonwísere notsónkwah tsi ní꞉ioht ne thontónhnók꞉te, kwáh tsi ní꞉ioht ne Jehu!”

Proverbs 25:13

Nónhka tsheniahé꞉sen ne rarihwakarénieʼs wé꞉so shaʼtékena, rawerienʼtí꞉ios ne iehotenniéhton, ne taié꞉ren tsi ní꞉ioht ne kwáh iohné꞉kano nó꞉nen kwáh tioʼtarí꞉hen tsi nikahá꞉wi ieienthókwas.

Proverbs 25:25

Kháre ó꞉nen wahserihwá꞉ronke karihwí꞉ioʼs í꞉non tionhwentsà꞉te nontá꞉we ne shá꞉ka nahshnekí꞉ra iohné꞉kano nó꞉nen kwáh saniaʼtáthenhs.

Isaiah 52:7

Tsi niʼiorá꞉se né rasitàkes ne rarihwénhas tsi watanontí꞉iake rahónha rarihowanátas ne skénnon, rahónha tharihwénhas ne karihwí꞉ios, rahónha rarihowanáhtha ne kaiatakená꞉tshera, rénhni ne Zion, “Né Sahní꞉io rahónha raiataʼkwení꞉io.”

Romans 10:15

Tánon onʼní꞉ioht tsi akarihowanáthon thòka ne ronteriwahnótha iáh tiehonwanathórion? Tsi niwáton noriwatokénti, “Kwáh ioriwanerákwat tsi tahónʼne ne ronteriwanhóthas tsi niháti thatíhas ne kariwí꞉ios!”