2 Samuel 18:24 - Ohiatonhseratokénti

²⁴ Nón꞉wa ne Táwit thóh nón꞉we nihenskwáhere tsi natetsiá꞉tere ne iotenhenrakáronte. Ne tehaʼtashontanónhna iaharát꞉ten ne tsi ioteronhkwená꞉here tsi iotenhenrakáronte ne tsi tewasonthátatse, tánon nó꞉nenh sahaʼtarakétsko, wahó꞉ken rónkwe rahonhatsíwa tahatát꞉ke.

2 Samuel 18:24 ပူးပေါင်းရင်းမြစ်များ

2 Samuel 13:34

Ók Absalom rotèkwen. Nó꞉nenh ne kenʼnithotiʼiónsa ronnónkwe ne ratinikonrá꞉rahkwe wahontarakétsko, washakóken iakotiokowánen thóh nontahiakawenonhátie ne Horonaim iohatátie ne nonontákʼtha.

2 Samuel 18:23

“Íʼtewe tsi nahó꞉ten akénhake,” wahén꞉ron, “Ní꞉i kwáh tenkará꞉thate.” Káti ne raónha wahawénhase ne raonhá꞉ke, “Tesará꞉tat.” Ehʼthóhʼne ne Ahimaaz thóh nòkwah niahá꞉take tsi nieiawénon ne waʼkahentathátse, tánon rahónha rahén꞉te iahá꞉rawe tsi ní꞉iot ne Cushite.

2 Samuel 18:25

Ne tehatasontanónhne wathohénrete tánon wahoró꞉ri ne ronnontí꞉io. Ne ronnontí꞉io wahén꞉ron, “Tó꞉ka rahonhá꞉hak khók, orihwáse thahaháwi.” Ne rahónha ónenk tsi tahawenonhátsie, tánon ákta wárawe.

2 Samuel 18:4

Ne ronnontí꞉io wasakawénhase, “Tsi nahó꞉ten í꞉sewere ioiá꞉nere ne sewariwáhke thóh kíʼ nénhtiere.” Káti ne ronnontí꞉io tho wathá꞉tane ákta tsi iotenhenrakáronhte, tsi nikaríwes ne ronterí꞉io iahatiʼnenrehnékenʼne ne ne tehonhnienhniáwes tánon tehonnienniawehetseráhsens nihá꞉ti.

2 Samuel 19:8

Ehʼthóhʼne ne ronnontí꞉io wathá꞉tane tánon thóh iahá꞉tsien tsi iotenhenrakáronhte. Ne ronterí꞉ios ratikwé꞉kon wahonwatiʼró꞉ri, “Sewatkátho, ne ronnontí꞉io thóh iehenskó꞉te tsi iotenhenrakáronte”; tánon ratikwé꞉kon ne ronterí꞉ios iahónhne tsi thenskwáhere ne ronnontí꞉io.

1 Samuel 4:13

Nó꞉nenh sáraʼwe, Eli renskwáhere raoʼnitshkwáraʼne ohahákta roʼrá꞉re, asèken tehaweriasiʼshón꞉kwa ne aoriwá꞉ke ne raoneró꞉kwa Ní꞉io. Nó꞉nenh ne rón꞉kwe sahanatáraʼne ne kanatowanénhne tánon wahakró꞉ri noríhwase, kanatakwé꞉kon ne kanatowaʼkènke watiaʼkohénrehte.