2 Samuel 18:2 - Ohiatonhseratokénti

² Tánon ne Táwit wateshakokʼkhashión꞉ko ne ronhterí꞉ios áhsen nahanitsiokónhni ⅓ ne ne entesakoniarohtaró꞉ke ne Joab, ⅓ ne ne entesakoniarotaró꞉ke me Abishai ne roní꞉ha ne ne Zeruiah, ne ne Joab iatatekénʼa, tánon ⅓ ne ne entesakoniarotaró꞉ke ne Ittai ne ne Gitró꞉non. Ne ronnontí꞉io wasakawénhase ne ronnónkwe, “Kwáh ó꞉ni í꞉i ientiákenhne nahí꞉tewe ní꞉se.”

2 Samuel 18:2 ပူးပေါင်းရင်းမြစ်များ

2 Samuel 17:11

Ók kíʼ tsi nikatenikonrá꞉wis ratikwé꞉kon nʼIsraerʼró꞉nons ronhnitsiokwarórok shonháke, thóh tewatásawen Dan tsi nióre ne Beer-sheba, kwáh ne ne onesarón꞉kwah natsiatʼtónhtse ne kaniatarakhekówane tsi nètho nahonatsió꞉kwaske, tánon thóh iaháse tsi tewaterí꞉io ní꞉se.

2 Samuel 21:17

Ók Abishai ne roiénha ne Zeruiah tá꞉re naosnié꞉non, tánon iahotiatónhti ne Philistiaró꞉non tánon wahononwaʼrhiá꞉khon. Ehʼthóhʼne ne Táwit rahonkweʼtashón꞉ahs wahonwarahrásten, “Ní꞉se iáh thaʼtetsiotonhontsóhon nahonsétewe nahiakwateriʼiósera, ne káti ní꞉se tó꞉sa sháswat nahohá꞉sera NIsraerʼronónke.”

2 Samuel 23:18

Nón꞉wa ne Abishai ne roiénha ne Zeruiah, ne iathatekenha énha ne Joab, rahónha sakohentenhséhakwe kíʼ áhsen nihwáhsen nihá꞉ti. Ne wáratste ne raoshí꞉kwara tsi wahonhterí꞉io ne áhsen tehonhnenhniáwe nihá꞉ti ronhnón꞉kwe tánon washakotinonwarhiakhónhnion, tánon wahasenhnowána tseská꞉te tsi nòkwa kíʼ áhsen nihá꞉ti.

2 Samuel 8:16

Ne Joab ne ne roní꞉ha ne Zeruiah neh sakoteriwatsterístase ronterí꞉ios; Jehoshaphat ne ne roní꞉ha ne Ahilud ne sakohiatónhniskwe;

1 Kings 2:28

Ne Joab waharihwáronhke tsi nahá꞉wenhne. (Asèken Adonijah né thotsʼwanónhnaʼkwe, ók iáh nènhne ne Absalom.) Sók kíʼ thóh niahatáke tsi tewató꞉sehrote tsi thénhteron ne Roiá꞉ner tánon thóh wahaienásehron tsi tekahiósaiens ne ietsienharákwake.

Psalms 3:6

Iáh tekhetsánis tonahonatsiókwaske nonkweʼshónhas nahontahionkatiatónhti ne kwáh tsít nahontahiotserátonke.

Judges 7:16

Wateshakokháshion ne áhsenh tewenhniáwe niháti áhsen nikenhtsókwahke wasakotiokónhnien tánon satihiatátʼtsons tasakáwenh ne iehonrawatsthákwah tánon skatʼtshéta ne watheienatekháʼtha thóh í꞉wa.

Judges 7:19

Ne Gideon tánon ne enskatewenhniáwe niháti rahonkwetaʼshón꞉as iahónhnewe ákta tsi ronatenátaien ákta nasónt꞉then, né nónhwak ne ratinikónhrare shaʼteshonanitsokwahténion. Ethòne ónen wahatihonrahwate tánon wathatitsetharihthánion né rathiháwakwe,

Judges 9:43

káti iashakohiaténhawe ne rahonkwetaʼshón꞉as, áhsen naʼteshakonitsokwí꞉hiake, tánon kahentákes wahonthasehthánion, wahonteráraʼthe. Nó꞉nen shasakothí꞉ken nonhkweshón꞉as tahathihiákenhne ne kanatowanénhke, wahathohthási nashakononhwariakónhnion.

1 Samuel 11:11

Thóh siʼiokaratsiérate ne Saul nonkweʼókons áhsen naʼtesakonenrhakhási. Tánon tsi iahó꞉rhenne iaʼsakotinenhrhénten tsi thóh nathaʼtoserótons tánon washaʼkotinonwarhiakhónnion ne Ammonró꞉nons kwáh tsi ní꞉iore nénhtie iahón꞉ton; tánon tsi niʼiákon ne iatiaʼkotátere waʼtionhréhni, káti kwáh iáh ónka ne teionkwé꞉take ahonsakénhaʼke.