2 Samuel 18:18 - Ohiatonhseratokénti

¹⁸ Nón꞉wa ne Absalom tsi ná꞉he rónnhekwe wahanenhiónhni tánon wahatatenenhiót꞉thase thóh nón꞉we ne Ronnontí꞉io raonrá꞉kwahkon, asèken wahén꞉ron, “Ní꞉i iáh tewakenekenteronhtserá꞉ien ne aksenhnatátieke nahionkerharásthakwahke”; ne wahanenhióten raosénhna wahanátonhkwe. Ne konwáiats Absalom ionenhió꞉te shé꞉kon nón꞉wa wenhniseráte nikanenhió꞉te kíʼ.

2 Samuel 18:18 ပူးပေါင်းရင်းမြစ်များ

Genesis 11:4

Eʼthó꞉ne wahonní꞉ron, “Ánion kiʼ ó꞉nen kanatowá꞉nen tewatenatón꞉ni, ó꞉ni noʼnikáhtha, ne ne iaón꞉we tsitʼkaronhiá꞉te, ne ne aetewahsennowanénhake ó꞉ni ne ne tóhsa ohontsakwé꞉kon taetewaré꞉ni.”

Genesis 11:9

Ne aorí꞉wa Babel konwanaʼtónhkhwa, ne tsi tho nón꞉we ne Roiá꞉ner waʼteshakoniʼtonniá꞉ten naronhkhátsheraʼs nonhontsakwé꞉kon; tánon tho nón꞉we ne Roiá꞉ner ohontsaʼkwé꞉kon waʼtehshakoré꞉niaʼte nonhkweshón꞉aʼs.

Genesis 14:17

Nó꞉nen sonsá꞉rawe ne Abram tsi nón꞉we nihenʼterón꞉tahkwe, rotkwenionhátie tsi iahoʼshén꞉ni ne Chedorlaomer ó꞉ni ne ronátiaʼkeʼs rontinontí꞉io né skátne ratikwekonhátie, ne ronnontíʼio ne Sodom nón꞉we, iahá꞉re ne tahiatátken ne Abram tho nón꞉we ne Shaveh aonhráhkwahkon (ne ó꞉ni konwanaʼtónhkwa ne Ronnontíʼio Raonhráhkwakon).

2 Samuel 14:27

Ne Absalom áse nionekenteronhtseraién꞉takwe, tánon tseiá꞉ta tsakotonwí꞉sen Tamar iontátsiats; kwáh í꞉ken tsi iontʼkatotserí꞉io iakón꞉kwe.

Psalms 109:13

Aiáwens né raowáʼtsires ratikwékon ahonhníheʼie; aiáwens ne óia tahatinekwenhsatátse ahonwaʼhiatanikonhrénhʼen.

Psalms 49:11

Né꞉ne raonattsiatónhkwa raotinón꞉sa enkénhake tsi nénhwe, thóh nón꞉we nenhatiterón꞉take né꞉ne tsi nénhwe enkénhake, eʼthohʼsáne iehioterátston rononhontsaiénthakwe.

Isaiah 22:16

Nahóten ahisahianerenhseraiéntake ne kénhʼen? Ónʼka ahisewatátenonʼkwe ne kénhen, tsi wahshaʼtattsiatonkhónnien nostenhrákon, thóh nón꞉we naʼsathationhionnien ne kwáh éhʼneken tionitsthénraʼte, tánon wasenenhiará꞉rahke né nón꞉we naʼsathahtenaktónhnien nosthenrákon?

Jeremiah 22:30

“Kí꞉ken rónkwe ronwahrewáhton nahóthonseh ne shaʼkohiohokónha, ne ne rónkwe ne kwáh iáh nonhwénhton tahohianerásten. Kwáh iáh thaʼhawahtsirahiénthaʼke ónhka enhiontkórasʼte ne Judah ne ne Táwit tahonshaʼhonatʼthákwen. Í꞉i, ne Watiá꞉ner, wakatáti.”

Daniel 4:30

Ne ronnontí꞉io wahén꞉ron, “Sewatkáhtho tsi niionatatshà꞉ni ne Babylon! Ne wakonniá꞉ton nʼakanatakweʼní꞉ioke naweʼnéhston nʼakesatsténhsera ó꞉ni teiotenonhianíhton, nʼakerenhsarónhtshera ó꞉ni kahsennowá꞉nen.”

Numbers 32:42

Ne Nobah iahonwanatsiatónhti tánon wahatiʼiéna ne Kenath tánon ne ahonatasónhas, tánon ó꞉ia sahaʼsénhnon né꞉ne Nobah, né ronhwáiats ne rahónha.

1 Samuel 15:12

Ne Samuel oronkéstsi wahatkétsko ne tahiatát꞉ken Saul, tánon ne Saumel tsi nahonwaró꞉ri, “Ne Saul thóh niehawénon Carmel, tsi nón꞉we iehonenhió꞉te ne raorihwá꞉ke, tánon tsi naténtreh thóh iensatóhetste Gilgal.”