2 Samuel 18:17 - Ohiatonhseratokénti

¹⁷ Iahatíhawe ne Absalom raoierónhta, thóh iahonáti ne kwáh ionshoniowánen ne thóh nón꞉we kará꞉kon, tánon ne tahatiróhrokte ne iontonhiowá꞉nen onénhias. Thóh ne ná꞉he ratikwé꞉kon NIsraeró꞉nens iatonsahonskénhni tsi thotinonshó꞉tons.

2 Samuel 18:17 ပူးပေါင်းရင်းမြစ်များ

2 Samuel 19:5

Eʼthó꞉hʼne ne Joab iahatáwehiaʼte raonónskon ne ronnontí꞉io, tánon wahén꞉ron, “Ónwa wenhniserá꞉te wasatkonwaróhroʼke ne raonatehénsera ne ratikonsakésons ratikwé꞉kon ne sanhatserashón꞉ahs tsi roʼnón꞉ha sahatinónsthate tsi sónnhe nón꞉wa wenhniseráte, tánon ne tsi ronhnónnhe ne sanekenteronhtserashón꞉ahs ó꞉ni ne sehiohokón꞉ahs tsionatthonwísens, ó꞉ni ne sewaniák꞉kons ó꞉ni ne tesewahiasénions,

2 Samuel 19:8

Ehʼthóhʼne ne ronnontí꞉io wathá꞉tane tánon thóh iahá꞉tsien tsi iotenhenrakáronhte. Ne ronterí꞉ios ratikwé꞉kon wahonwatiʼró꞉ri, “Sewatkátho, ne ronnontí꞉io thóh iehenskó꞉te tsi iotenhenrakáronte”; tánon ratikwé꞉kon ne ronterí꞉ios iahónhne tsi thenskwáhere ne ronnontí꞉io.

2 Samuel 19:9

Ratikwé꞉kon nonkweʼókons tehotiriwakénen kwáh ratikwé꞉kon tsi niateotitá꞉rakes NIsraerʼronónke, rontónhnions, “Ne ronnontí꞉io shashonkwahiatotarísi tsi nòkwah ne ionkísons, tánon shashonkwanónsthate tsi nòkwah ne Philistines; tánon ó꞉nen wahatèko ne tsi ionwenhtsá꞉ien ne raoríhwa Absalom.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

2 Samuel 20:22

Ehʼthóhʼne ne iónkwe thóh niahá꞉he onhkwéʼne ne iaká꞉hawe ne aówenk tsi niiotenikonrón꞉ni. Tánon wahonwanontsístsiake ne Sheba ne roiénha ne Bichri, tánon thóh iahó꞉ti tsítʼres ne Joab. Káti ne raónha wahahonráwate ne iehonrawátsta, tánon éhren sahónhnete ne kanatowanénke, tánon ratikwé꞉kon tsi thotinonshó꞉tons nionsahónhne, ók ne Joab Jerusalem neh nionsá꞉re.

2 Kings 14:12

Né Amaziah rahonkweʼtashón꞉as ronterí꞉ios wahonwatisénhni, tánon ratikwékon ne rahonkweʼtashón꞉as ronterí꞉ios shahontèko tsi thotiʼnonshóʼtons nionsahónhne.

2 Kings 8:21

Sók kíʼ ne Jehoram iahaiákenʼne akwé꞉kon iahá꞉hawe ne rahoseresónhas notsónkwas tánon Zair niahá꞉re, thóh nón꞉we ne Edomró꞉nons ronterí꞉ios wathonwatihonwarónhni. Tsi niwasóntes raónha tánon ne otsónkwas ronateriwasterístons wahatikwéni wahatiniákenʼne tánon wahontèko, tánon ne raonkwetashón꞉as ronterí꞉ios tsi tkanonshó꞉tons iathonréni.

Proverbs 10:7

Enhonwenehiá꞉rake ne thotirihwaié꞉ri tsi né꞉ʼe ní꞉ioht ne kaiaʼtateríhtshera, nok ne iáh tetionkweʼtaié꞉ri iohsnó꞉re enhshonwatiiaʼtaʼnikónhrhen.

Deuteronomy 21:20

Ken ní꞉ioht tsi enhonwatiró꞉ri, ‘Ne shakenihiénha ronontsistaʼní꞉ron tánon iáh tehatewenhnarákhwa tánon iáh tehathóntats nasonhtiatahónsatate; ratwistatieshá꞉tha tánon rahnekakástha.’

Deuteronomy 21:21

Ethò꞉ne ne rotikstenhokónhas ne ratinatakonró꞉nons enhonwanenhióhiaʼke tsi nió꞉re iatenhatikón꞉ten, tánon ne káti nahisewathonse ne kariwahétken. Onhkweʼtakwé꞉kon ne Israerʼró꞉nonke enhieriwà꞉ronke tánon enhiakoterón꞉ne.

Joshua 10:27

Ne shiaʼkarákwenhne Joshua wahaténhnaʼne, tánon ne rahotiieronhthaʼshón꞉as shahatinihionthakwenháton tánon é꞉tho nón꞉we skátne hionsahonatiéseron ne tsi tiostenrakà꞉ronhte tsi nón꞉we iehonathaséhtonhne. Kanenhiowá꞉nen ohénton wahatí꞉ien ne tsi iehionthawehiaʼthákwa ne iostenrakà꞉ronhte, tánon shé꞉kon nón꞉wa thóh tkanénhianen.

Joshua 7:26

Kenthonhiowá꞉nen onénhia wahatitstoʼkó꞉ten ne rahiátake, shé꞉kon nónhwa wenhniserá꞉te niwè꞉ne. Ne ki tiorì꞉wa shé꞉kon ne nónhwe ne konhwanaʼthónkwa ne kaʼnikonhrakséntshera ahonráhkwakon. Ethò꞉ne ki ne Roiá꞉ner iáh ó꞉nenh teshothenakwawenhrá꞉ti.

Joshua 8:29

Wahonwanonhwarià꞉khon ne ronhnonhtí꞉io ne Ai tánon karonhtà꞉ke wahonwahiaʼtiháren tsi nió꞉re iahokárawe. Ne shiakarahkwénhne ne Joshua washakò꞉nahne ne rahoierónhta nahonshahatinihiontá꞉ko ne karonhtà꞉ke, tánon thóh nón꞉we iahonáhti ne tsi iehionthawehiaʼthákwa ne kaná꞉takon iotenhenrahkáronhthe. Ne wahatiroróksthe ne tehiotenonhianì꞉ton onénhia wahatitsthokó꞉ten, ki nón꞉wa nikahá꞉wi shé꞉kon é꞉tho ní꞉ioht tsi wè꞉ne.

1 Samuel 4:10

Káti ne Philistine wahonterí꞉io; ne Israerʼró꞉nons wahonwatisén꞉ni, tánon wahonté꞉ko, tsi thoʼtinonshó꞉tons nionsahón꞉ne. Watewatenonhiánite tsi nahontawénhtho, asèken thóh nón꞉we nahatiʼiatiénenhne Israerʼró꞉nons; áhsen niwáhsen niwenniaweʼentsheráhsen ne thakésons tsi ní꞉iot tsi ronterí꞉ios.