2 Samuel 18:14 - Ohiatonhseratokénti

¹⁴ Ne Joab wahén꞉ron, “Ní꞉i kwáh iáh thakatsesá꞉te tsi nikawistá꞉heks skát꞉ne ní꞉se.” Ne raónha wák꞉rakwe áhsen níkon oshí꞉kwaras wahattháwa, tánon thóh thatawerhiasáweheste Absalom, kwáh shé꞉kon shirónhnhekwe tsi iorónhtoʼte ne karí꞉ton.

2 Samuel 18:14 ပူးပေါင်းရင်းမြစ်များ

2 Samuel 12:10

Nón꞉wa ne kariwaientákwen ne asarehkó꞉wa kwáh iáh nonwénton éhren taká꞉hawiton ne tsi sanonshó꞉te, asèken ní꞉se wasekʼkenron, tánon iashiá꞉tenhawe ne ró꞉nekwe Uriah ne Hitró꞉non neh setstenha ahonsón꞉ton.

2 Samuel 14:30

Ehʼthóhʼne wahawénhase ne raonhá꞉tsera, “Satkátho, ne Joab raohénta kwáh neh tetsiateranéken nakʼkénta, tánon iáh tehiotkáte thóh thères; wáhs tánon stsiró꞉ten.” Káti ne Absalom raonhá꞉tsera wahathenténtaʼwe.

2 Samuel 18:15

Tánon oiéri nihá꞉ti ne ken nithotiʼiónsa, ne ne Joab rateriʼiostákwah ratíhas, watonwahonwarón꞉ni ne Absalom tánon waʼtonwahnonwárehke tánon wahonwanonwarhiákhon.

2 Samuel 18:5

Ne ronnontí꞉io washakotewenhnatsaníten ne Joab tánon Abishai tánon ne Ittai, ratónhnions, “Tasewatewé꞉ienton ní꞉i akerihwáke tsi nòkwah ne kén nithoiónha Absalom.” Tánon ratikwé꞉kon nonkweʼókons wahakothónhtene nó꞉nen ne ronnontí꞉io shasakotewenhnatianíten ratikwé꞉kon ne ronteriʼioserakweʼní꞉ios ne ne raorihwáke ne Absalom.

2 Samuel 19:1

Tsi nionsahonwaró꞉ri ne Joab, “Ne ronnontí꞉io tsi tehaséntʼthos ó꞉ni roʼtiónhnion ne Absalom raoriwá꞉ke.”

2 Samuel 19:11

Ne Ronnontí꞉io Táwit iashakoteriwaniétase ne tenitsihénstatsi Zadok ó꞉ni ne Abiathar, “Ietsiʼiénhas ne rotikstenokónhas ne Judah nón꞉we, ‘Onhnontiéren tsi í꞉se nonáken ahiʼtsiʼionniate ne ronnontí꞉io tahontáre tsi rononshó꞉te? Tsi niʼiakótharon ratikwé꞉kon NIsraerʼronónke nón꞉wa rahonhá꞉ke ne ronnontí꞉io.

Job Tánon ne Raoronhiakensera 20:5

ne raonatsenhnonhniátshera ne ionkweʼtahétkens iáh thatekawishátste, tánon ne raonatshenhnonhniá꞉tsera ne iáh teotinihioserá꞉ien kenk nonhnè꞉e nikarì꞉wes?

Psalms 37:35

Énska riʼienterínhe ne roriwahneraʼákskon kwáh íken tsi raniakátstekwe; tánon kwáh ratikwékon niesakoneiakénhnion tsi ní꞉ioht ne onentakwénte ne Lebanon tsoterontónni;

Psalms 45:5

Né saiénkwires kwáh í꞉ken tsi iohiotí꞉ies tehiakawerhiasawehéstha ne iesáhshons; nonkweshón꞉has tsi tesahshitakéron etʼrotiʼhiatsenénhen.

Matthew 12:40

Aseken asen nonta asen oni niȣasontake tsionnhoȣane kaiatakon iehaiatitakȣe ne Jonas, eh kati oni nehneh nenhiaȣenne nʼOnkȣe Ronȣaienha, asen nenȣata, asen oni niȣasontake onȣentsiakon ienhenterontake.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

Judges 4:21

Ne Sisera tsi nióre tsi tehowisenhéhionhkwe tiehotaskówa. Ethòne ne Jael hiaʼhatewá꞉kwe ienekonhrékstha tánon ne ató꞉sehra ahó꞉waste, kwáh skenénha ákta niahá꞉he tsi rahiatsónhni, tánon wahononhwarhiákon tsi wathonhnonhtsistó꞉hetste nó꞉waste ne ranonhtsistátʼtha tánon ohontsáke iakanióthane.

Judges 5:26

Né sewatsaná꞉ti atóhsehra ahówaste ontʼtháwa, tánon nó꞉ia watsaná꞉ke ienekonhréstha nènhne ontʼtháwa; Sisera wathononhwáreke tánon wathonhnonhtsistaríhthe; waʼthonhnonhtsistáwehesthe.

Judges 5:31

Aiáwens kíʼ ratikwékon ne shasóhtar thóh ní꞉ioht tsi ahonhníheie, O Saiá꞉ner, ók aiáwens ne sateró꞉seras thóh ní꞉ioht tsi tahononhkwetátʼtheke tsi ní꞉ioht ne tahiorakwenhnikenhátie! Tánon káti skénnenk thikènʼne ne tsi ionhontsáien né꞉ne kaiéri niwásenh nihiosehráke kènhʼne.