2 Samuel 17:25 - Ohiatonhseratokénti

²⁵ Nón꞉wa ne Absalom ne shahorihón꞉ten ne Amasa tsi ratitsió꞉kwaien ronterí꞉ios ne tonsahonaktákwen ne Joab, Ne Amasa ne ne roní꞉ha ne Ithra ronwáiats ne ne Ishmaelró꞉non ne nenhʼné꞉e rotiniá꞉konhne Abigail ne ne Nahash sakoiénha, ne iatenhosènha ne Zeruiah, ne ne Joab ronisténha.

2 Samuel 17:25 ပူးပေါင်းရင်းမြစ်များ

2 Samuel 17:26

Ne Israerʼró꞉nons ó꞉ni ne Absalom thóh wahontathoserontónhnion tsi ionhontsáien ne Gilead.

2 Samuel 19:13

Tánon tsi sewénhas ne Amasa, ‘Ní꞉se iáh kén í꞉i tetiaʼtaténon? Káti aiá꞉wens ne Ní꞉io thóh nahatiérase, ó꞉ni sénha ishiʼnón, tó꞉ka ní꞉se iáh ó꞉nen í꞉se thatesheseniarotárion nakitsió꞉kwa ronterí꞉ios ne kénʼen ienwatásawen, ne raonaktáke Joab.’”

2 Samuel 19:14

Amasa waʼtesakonikonrakénhni ratikwé꞉kon nonkweʼókons ne Judah nón꞉we kwáh sakanikónrat wahonhnón꞉ni, tánon iahonwatewenhnateniéten ne ronnontí꞉io, “Thontá꞉se, sewakwé꞉kon ó꞉ni ratikwé꞉kon ne sanhatierashón꞉ahs.”

2 Samuel 20:4

Ehʼthóhʼne ne ronnontí꞉io wahawénhase ne Amasa, “Iasénonk ne ronnónkwe ne Judah nón꞉we skátne ahiakwáton tsi niʼó꞉re nasénhaton nón꞉ta, tánon ní꞉se kénʼen shé꞉set.”

1 Kings 2:28

Ne Joab waharihwáronhke tsi nahá꞉wenhne. (Asèken Adonijah né thotsʼwanónhnaʼkwe, ók iáh nènhne ne Absalom.) Sók kíʼ thóh niahatáke tsi tewató꞉sehrote tsi thénhteron ne Roiá꞉ner tánon thóh wahaienásehron tsi tekahiósaiens ne ietsienharákwake.

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

1 Kings 2:5

“Tánon shé꞉kon ó꞉ia nahó꞉ten. Sèhiaʼre tsi nahó꞉ten ne Joab tsi nihatiéraʼse tsi nisakononhwarhiákon ne tenihiáse Nisraerʼró꞉nons theʼnhiʼsenhnowánen ne Israerʼró꞉nons rahotiʼsohtár, Abner né roʼníha ne Ner tánon ne Amasa né꞉ne roʼníha ne Jether. Sèhiaʼre kén tsi ní꞉ioht tsi sakoséhton né skénnonhk thiʼkènhne né shiʼkaháwisʼkwe né tsi ahonsahatʼkárhiakʼthe né ronenhéions tsi nihotirihwakanonhníhon ne shiʼwaterí꞉ioʼkwe. Waʼshakononhwarhiakónhnion ne iáh othènen tehotiníkon ronhnónhkwe, tánon kíʼ ónenh í꞉i né sewaʼkatherihwaʼkéte tsi nihotséren tánon wakeronhiáken tsi niaʼtehioné꞉non.

1 Chronicles 12:19

Ótiakes ne ronhterí꞉ios ne tsi ratiʼtsiókwahien ne Manasseh iahón꞉ne tánon Táwit waʼhonwatiatáʼrahse nó꞉nen shiʼotinenhrahseronhnihátie ská꞉ke ne Philistiaró꞉nons niaʼhonterí꞉io ne Ronhnontí꞉io Saul. Kwáh kíʼ ó꞉ni iáh teshaʼkosniénion ne Philistiaró꞉nons, asèken ne raotinontí꞉ios rotíteronsʼkwe nontiérenk ensheʼsakotkarahtini tsi nòkwah ne tiotserénhton taʼhiatakwení꞉iokwe Saul, ká꞉ti Ziklag nón꞉we ionsahonwaténieʼte.

1 Chronicles 2:13

Né Jesse tsáta nènh꞉ʼne nihonekenteronhtsheraʼiéntaʼkwe. Tsi ratisenhnaʼrónhnion né iosehron tsi nithotíʼionskwe: Eliab, Abinadab, Shammah,