2 Samuel 17:14 - Ohiatonhseratokénti

¹⁴ Ne Absalom tánon ratikwé꞉kon ne ronnónkwe NIsraerʼronónke wahonhní꞉ron, “Tsi nahatenikonráieste ne Hushai ne Archró꞉non sénha ioiá꞉nere tsi ní꞉iot ne Ahithophel.” Asèken ne Roiá꞉ner roriwahniráton neh tó꞉sa ne hahatísehre ne ioiá꞉nere tsi nihothenikonráwi ne Ahithophel, káti ne nètho Roiá꞉ner nontsiérent neh enhohérase nahokarónhni Absalom.

2 Samuel 17:14 ပူးပေါင်းရင်းမြစ်များ

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

2 Samuel 15:31

Táwit wahonwaró꞉ri nètho Ahithophel tsi raiatará꞉kwe ne ratiriwahetkéntha skát꞉ne ne Absalom. Tánon ne Táwit wahénron, “Ó Saiá꞉ner, koniaterenhnaién꞉ni, teskaraténi tsi nisakotenikonráwis ne Ahithophel ne shón꞉nia ononwaroríta.”

2 Samuel 15:34

Ók tó꞉ka thóh ienshése kanatowanénhke tánon entsienhá꞉se ne Absalom, ‘Í꞉i ne sanhátsera enká꞉ton, Ó sanontí꞉io; í꞉i ne ianíha raonhatserakénʼen tsi nitsiotohétston, káti ó꞉nen kwáh í꞉i enská꞉ton,’ ehʼthóhʼne ní꞉se kwáh entietʼkénten nakeriwáke tsi nihatenikonrá꞉wis ne Ahithophel.

2 Samuel 16:23

Nón꞉wa nèhʼthoh shiʼtewenhniseraténionskwe tsi nisakotenikonrá꞉wiskwe ne Ahithophel thóh ní꞉iot tsi shí꞉ken kwáh kíʼ Ní꞉io raowénhna í꞉ken; káti akwé꞉kon tsi nisakotenikonráwiskwe ne Ahithophel ninorónstakwe tenitsá꞉ron ne Táwit ó꞉ni ne Absalom.

2 Chronicles 10:15

Né tsi éhtho nihonikonhró꞉tenhne ne Roiá꞉ner Raní꞉io né naiáwenhne tsi nahó꞉tens rotharáhni ne Jeroboam né꞉ne ronikénʼen ne Nebat thóh rahonháke ne rotokenhséhakwe Ahijah né Shiloh nón꞉we nihanákerehkwe. Né kih kí꞉ken ahoríhwa ne ronhnontí꞉iokwe iáh othènen karíhwa tehahónhni tsi nòkwah nonhkweʼshón꞉as.

2 Chronicles 10:8

Ók iáh kíʼ thènen karíhwa tehahónhni tsi nahonwathennihkónhron ne thoʼtí꞉ionskwe ronhnónkwe tánon kheʼ khok thóh niaháre tsi thónhnes ne kenhnitoʼtihiónsa tsi nikáien ne skát꞉ke ronateiáron tánon ó꞉nenh ronónha shonwatenihronhrashonhteráhnis.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

2 Chronicles 25:20

Ók kí né Amaziah iáh tehatʼthóntats nahatahónsathaʼte. Rawenni꞉io seh éhtho nihonikonhró꞉tenhne ne Amaziah tsi ahonwasénhni, tsioríhwa tsi né waʼshakosénhnaien ne Edomró꞉nons kahiatónhnis.

Nehemiah 4:15

Nó꞉nen ne ionkhí꞉sons sahatirihwá꞉ronhke tsi ionkwahrihwá꞉ronhke tánon né꞉tho Rawenni꞉io tsi tehoríhton tsi nihonateʼnikonrón꞉nikwe, tewakwé꞉kon thóh nientsí꞉tewe tsi tewasón꞉thote, satiiatatʼtions ne ronhnónkwe thóh niensón꞉ne tsi thóh tiiotenserhó꞉tenhne.

Job Tánon ne Raoronhiakensera 12:17

Shesakohénthenhse ne ronteʼnikonrathókas è꞉ren shesakoiatenhawí꞉tha raotiskawetóskon tánon raotineóskons, tánon ne ratirihwén꞉thas tesakotonhnhotʼtákwa.

Psalms 9:15

Nonkweshón꞉ha thóh iahonhtinonwírehte nosónhwakon ne roʼtishonhiónhni; ne tsi waʼterísthaien ne roʼnaséhton né꞉ne ronón꞉ha ronsitáke wahotiʼiéna nahá꞉re.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Exodus 9:16

Ók né kíʼ nakènesthe nakeshastsʼténsera waʼkonhríhon nahshón꞉nheke né káti nahónton tahonré꞉ni tsi nihiohóntsa tsi niksenhnowáhnen.

Proverbs 19:21

Nón꞉kwe niaʼté꞉kon tsi ni tsi ahonteʼnikonhrísa, nok ki Roiá꞉ner tsi nihoʼnikonhró꞉ten eʼthó ki neniá꞉wenʼne.

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Isaiah 8:10

Sewatenikonrón꞉ni, ók kíʼtenkatástonhke; sewatáti tsi níkon tesewatonhontsóni, ók iáh kí othénen thahonterihwaténtis, asèken Ní꞉io iakwahkwékon.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Amos 9:3

Ethó꞉sane nahontáshete onontakenhiáte ne Carmel, kwáh kí thóh nón꞉we iathenkanénhteste nakheié꞉na; tánon eʼthó꞉sane nahionkataséhten kanonhkwáhke ne kaniatarakeʼkó꞉wa, kwáh kí thóh nón꞉we nenkenáhne ne oʼniarekó꞉wa, nahiakokári.

Luke 16:8

Nok ne Rostsokoȣa, ȣathorensaron ne raonnhatsera iah tehoriȣatoken, neh tsi nihaȣeiente tsi nahaiere, aseken nonȣentsiakekha akoienhokonha senha iontatenikonrare tsinikariȣes iakonnhetie, tsiniiot ne kasȣathetsera akoienhokonha.

1 Corinthians 3:19

Asèken nahóten ne tsi ionwentsiáte tekaiatorétha né꞉ne kariwahkwahrishóntshera akénhake tehiotenonwahrorítonte nèn꞉ne ne Rawenni꞉io raohénton. Tsi niwáhton noriwahtokénti, “Rawenni꞉io shahkoterístaiens ne rontótʼkhas ne rahotinikonrowahnhatsherákons”;

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Joshua 11:20

Ne Roiá꞉ner iasakoʼnikonhrakónhthakwe nahonterí꞉io Nisraerʼró꞉nons, ne káti nahonwatiré꞉waʼthe né꞉ne kwáh tokén꞉en ahonwatikarón꞉ni tánon ratikwé꞉kon enhonwatinonhwarià꞉kon né꞉ne iáh othé꞉nen teká꞉ien nataniténron. Thóh ki ní꞉ioht ne Roiá꞉ner tsi rohró꞉ri ne Mahís.