2 Samuel 17:1 - Ohiatonhseratokénti

¹ Iáh tekaríwes tsi nitsotohétston Ahithophel wahawénhase ne Absalom, “Takerí꞉on akheiataráko tékeni tewenhniawehetseráhsen niháti rónnonhkwe, tánon thóh iénhke ó꞉ni enhí꞉sere ne Táwit enhió꞉karawe.

2 Samuel 17:1 ပူးပေါင်းရင်းမြစ်များ

2 Samuel 16:23

Nón꞉wa nèhʼthoh shiʼtewenhniseraténionskwe tsi nisakotenikonrá꞉wiskwe ne Ahithophel thóh ní꞉iot tsi shí꞉ken kwáh kíʼ Ní꞉io raowénhna í꞉ken; káti akwé꞉kon tsi nisakotenikonráwiskwe ne Ahithophel ninorónstakwe tenitsá꞉ron ne Táwit ó꞉ni ne Absalom.

2 Samuel 17:2

Kwáh thó꞉ne ienhiʼiatsiatónhti ne nó꞉nenh kwáh tenhowisenhé꞉ionke tánon ronikonroktáhon, tánon thenhiʼionhnaríkʼkhon; tánon ratikwé꞉kon ne ratikwekonhátie ne raónha kwáh kíʼ enhontèko. Kwáh nék khók enhinonwarhiákon ne ronnontí꞉io.

Psalms 4:8

Nó꞉nen ienkatiatiónhnite skénnonk tsi ienwaʼkítawe; íateshiá꞉ti khók Saiá꞉ner tatsatahnónstats.

Proverbs 1:16

Iáh thahatikwé꞉ni nahontehrhá꞉rate nahò꞉ten ahontéronʼonhte. Tió꞉konteʼ ronatateweienentá꞉on nahshakotinonhwarhiakon.

Proverbs 4:16

Rotirihwanerenʼákskon iáh thahatikwé꞉ni nahotí꞉taʼwe tsik thé꞉nen nenhóntiere ne iáh tetkariwaié꞉ri. Ratiiaʼtión꞉ni tánon iáh tehotí꞉taʼs ne tsi iáh ónhka tehshakotikarewáhton.