2 Samuel 16:13 - Ohiatonhseratokénti

¹³ Káti ne Táwit tánon ne raokwetaʼshón꞉a iahonthahítha, tsi ne nikaʼríweskwe ne Shimei thóh niehawénon onhnontatʼtónhtse ákte nokwáti tsi nón꞉we níreskwe ne raónha tánon ratewenhnatsatánions tsi niahawenonhátie, tánon tesakonenhióiaks tánon tesakoienkwaróiaks tsi niahawenonhá꞉tie.

2 Samuel 16:13 ပူးပေါင်းရင်းမြစ်များ

2 Samuel 16:12

Nontiérenk sèh ne Roiá꞉ner enhatkátho nakeriwahetkénsera, kwáh neh tensakeriwaserá꞉kwase ne ioiá꞉nere tsi niʼionkeriwaieshaténhni nón꞉wa wenhniserá꞉te.”

2 Samuel 16:14

Ne ronnontí꞉io ó꞉ni ratikwé꞉kon nonkweʼókons ne ratikweʼkonhá꞉tiene iostó꞉re iahónhnewe tsi kaniatará꞉tatse ne Jordan tánon thóh nón꞉we neh nonsahatorísen.

Acts 22:23

Tánon tehothihenrétha, rahonatseriónniat tehathiteníʼons, tánon ohkénra éhneken iehonáties.

Acts 23:23

Ne ratiokwakweʼní꞉io iasakónonke teniʼiáse ne rahonkwéta tánon wahénron, “ientʼtsiweienéntan tékeni tewenniáwe niháti ronterí꞉ios nehne Caesarea niahónne, rontenrósen ne tsiátak-niwásen niháti ne rothisátens ó꞉ni tékeni tewen-niáwe niháti ne rontʼtsikwaró꞉iaks, tánon ronatateweienʼnentahónhak ne tióton nitsiowistáhe nenhiókaraʼwe.