2 Samuel 15:32 - Ohiatonhseratokénti

³² Nó꞉nen ne Táwit iahanontawénhrate, tsi nón꞉we ne Ní꞉io nihonwasenhnaʼientákwah, Hushai ne ne Archró꞉non tá꞉re ne tahiatát꞉ken ne raotsiátawi ioterátion tánon roʼkénrare ne ranontsíne.

2 Samuel 15:32 ပူးပေါင်းရင်းမြစ်များ

2 Samuel 1:2

Nasénhaton siwenhniseraʼkéhaton, rón꞉kwe wá꞉rawe thóh nontáre ne Saul tsi thotahtó꞉serote, neh raoʼtserón꞉nia ioteratiónkwen tánon rokenrá꞉reh ranontsíne. Nó꞉nen shiaoiatórenhne ne Táwit, ohontsáke iahaiatiénenhne tánon wathatentʼtsóten.

2 Samuel 13:19

Ók ne Tamar wakenrontákwen okénra onthatahtakenrá꞉roh ne kanontsíne, tánon wakaratiónko ne wakóses ne iostón꞉ne; Kanontsíne watewahtshaʼnáren, tánon éhren sáwehte, tewasentʼthósere iowènhte tsi nionsá꞉he.

2 Samuel 15:30

Ók ne Táwit iahanontárane tsi ionón꞉te ne Olives, tehasentʼtóhsere tsi niaháre, rotenontsistóron tánon tehaskawethó꞉tatse; tánon onkwetaʼkwé꞉kon ne ronwanónteratse ronatenontsistóron tánon wahatinontáraʼne, tehonséntʼthos tsi niahónhne.

2 Samuel 16:1

Nó꞉nenh ne Táwit ostón꞉ʼa shiʼhononhtathíʼen noʼnhotoharakéniate, Ziba ne raonhátsera í꞉ken ne Mephibosheth wakʼiatátken, tohkàra nihá꞉ti tehonhóntes, ne roʼtirieniaketátsene tékeni tewenhniáwe nikanatará꞉kes kanátaro, énska tewenhniáwe níkon kanhokwahkwenón꞉ni onénhare káhik, énska tewenhniáwe níkons kanhokwahkwenónhni nakenhnakékha káhiks, tánon énska kanéhok káiare thitʼkáhere otsítsa onéka.

2 Samuel 16:15

Nón꞉wa ne Absalom ó꞉ni ratikwé꞉kon nʼIsraerʼró꞉nons iahónneʼwe Jerusalem; Ahithophel ne nikweʼkonhátie ne raónha.

2 Samuel 17:5

Ehʼthóhʼne Absalom wahén꞉ron, “Iatsínonk Hushai ne Archró꞉non, tánon áhnion ionkwatón꞉tenn tsi nahó꞉ten enhén꞉ron.”

1 Kings 11:7

Né tsi ionónh꞉te nàkonh nòkwahti ne Jerusalem thóh nónhwe nahathenathónhni naʼkonhwasenhnaienthákwahke ne Chemosh, né ahotehénhsera íken ne Moab, tánon thóh nónhwe nenhkonhwaʼsenhnaienʼthákwahke ne Molech, né꞉ne ahotehénsehra íken ne Ammon.

1 Kings 4:16

Baana né꞉ne roʼníha ne Hushai: né꞉ne tsi wathonwénhtsaien ne Asher tánon ne tsi kanátaien ne Bealoth nónhwe nihanákere

1 Chronicles 27:33

Né Ahithophel né nénhne ne ronnontí꞉io roʼtenikonhrashonteránisʼkwe, tánon ne Hushai né Archró꞉non né꞉ne ronnontí꞉io ronaténhroʼkwe tánon né tehorihwakenaséhaʼkwe.

Psalms 3:7

Tontástan, Saiá꞉ner! Shastiatáko, Akení꞉io! Asèken wasehkón꞉reke ratirhió꞉tsake ratikwé꞉kon ne iónkʼshions; tesehnawí꞉riaks ne ronhnonkwetahétken.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Luke 19:29

Nok nonen akta shire ne Bethphagé oni ne Betani, onontakta ne Olivier, teniiase ne raotiokȣa iasakotori.

Joshua 16:2

Bethel nitsawé꞉non eʼnietsawé꞉non né꞉ne Luz, iehiotohétston ne Ataroth Addar, thóh nón꞉we ne Archró꞉nons nihatiʼterónhthakwe.

1 Samuel 4:12

Benjaminró꞉non thóh nontahatátke tsi tewaterí꞉io tetkanenhráton, tánon thoʼnón꞉we náʼraʼwe Shiloh ne ne sahwenhní꞉sera, ne raoʼtsherón꞉ia ioteratsónhkwen tánon roʼtakenrá꞉ron ranontsí꞉ne.