2 Samuel 15:31 - Ohiatonhseratokénti

³¹ Táwit wahonwaró꞉ri nètho Ahithophel tsi raiatará꞉kwe ne ratiriwahetkéntha skát꞉ne ne Absalom. Tánon ne Táwit wahénron, “Ó Saiá꞉ner, koniaterenhnaién꞉ni, teskaraténi tsi nisakotenikonráwis ne Ahithophel ne shón꞉nia ononwaroríta.”

2 Samuel 15:31 ပူးပေါင်းရင်းမြစ်များ

2 Samuel 15:12

Tsi nikarí꞉wes ne Absalom ne wahateriwathéntsiaʼte wahatenaskwaʼtsahatá꞉nion, Ahithophel Giloró꞉non ne sahotiéten ne iahá꞉sa, ne roʼtenikonráwiskwe ne Táwit, thóh nón꞉we nithawénon raonatowanénhke Giloh. Ne kariwaséhton ontehiá꞉ron wakasháststenhne, tánon nonkweʼókons iakotsiokowanenhonhátie ne Absalom raoriwá꞉ke.

2 Samuel 16:23

Nón꞉wa nèhʼthoh shiʼtewenhniseraténionskwe tsi nisakotenikonrá꞉wiskwe ne Ahithophel thóh ní꞉iot tsi shí꞉ken kwáh kíʼ Ní꞉io raowénhna í꞉ken; káti akwé꞉kon tsi nisakotenikonráwiskwe ne Ahithophel ninorónstakwe tenitsá꞉ron ne Táwit ó꞉ni ne Absalom.

2 Samuel 17:14

Ne Absalom tánon ratikwé꞉kon ne ronnónkwe NIsraerʼronónke wahonhní꞉ron, “Tsi nahatenikonráieste ne Hushai ne Archró꞉non sénha ioiá꞉nere tsi ní꞉iot ne Ahithophel.” Asèken ne Roiá꞉ner roriwahniráton neh tó꞉sa ne hahatísehre ne ioiá꞉nere tsi nihothenikonráwi ne Ahithophel, káti ne nètho Roiá꞉ner nontsiérent neh enhohérase nahokarónhni Absalom.

2 Samuel 17:23

Nó꞉nenh ne Ahithophel sahatkátho nètho tsi nihotenikonráwi tsi iáh tehotíseron, wahokweniáren ne raotsénen tehahóntes tánon thóh nionsáre tsi thohʼnón꞉shote ne raohónʼa raonatowanénhken. Wahakwatá꞉ko ne raoriwashón꞉ahs, tánon wahatatniáterenhke; warénheʼie tánon thóh nón꞉we nahonwahiatá꞉ta ne roʼníha rotstenhrakáronhte.

2 Samuel 17:5

Ehʼthóhʼne Absalom wahén꞉ron, “Iatsínonk Hushai ne Archró꞉non, tánon áhnion ionkwatón꞉tenn tsi nahó꞉ten enhén꞉ron.”

2 Samuel 17:7

Ehʼthóhʼne ne Hushai wahawénhase ne Absalom, “Nón꞉wa tsi nihatenikonrá꞉wis ne Ahithophel tsi iáh teioiá꞉nere.”

Job Tánon ne Raoronhiakensera 5:12

Teshakoʼnikonriakthénhnis tsi nihonteʼnikonrón꞉nis ne ratiʼnikonrá꞉tha, ne káti ne ratitsá꞉nakes ne tó꞉sa othé꞉non akarihwakanón꞉ni.

Psalms 109:3

Iatékons karihwaʼhétkens ronhtón꞉nions tsi nòkwah ní꞉i, tánon tionkatiatón꞉tses né꞉ne kwáh iáh othènen tahontakarihónhni.

Psalms 3:1

Ó Saiá꞉ner, tsi nihonatsiokowánen ne iónkshions! Roʼnahtsiokowánen teʼthatítas nahionkatkónhten;

Psalms 41:9

Iekaníhare ne kwáh waʼkateroserí꞉ios ne kheniahé꞉sen, né꞉ne skát꞉ne tehiakwáhtontskwe, waʼhonkatkónten.

Psalms 55:10

Kontatséshons tánon ashontakwékʼkons tsi ronatkhakwénhtaien ne tsi watenhenraien, tánon né꞉ne sewaterihwatewá꞉ton tánon né꞉e tahionhnikonhráren ne titkáhere né nón꞉we;

Psalms 55:12

Tó꞉ka shí꞉ken né꞉ne iónkswenhs thahiontserónhake— akʼkwéni nakatakáts꞉tate nètho; Iáh séh né꞉ne tehiakwahtátʼtions tehionkatatkowanathénhni nahionkenikonhrát꞉sate— Ahontʼkwénionhke nakhehiatasehthénhnike.

Isaiah 19:3

ne tsi ronónnhe ne Egyptró꞉non kwáh enkahiakénhen, tánon kwáh thenkheʼhianitonhniáten tsi niohʼnatenikonhrón꞉ni; kwáh ne ensakonaʼtenikonrát꞉kenhse ne kahiatonhnisónhas tánon ne raoʼtinikónras ne ronenhéions tánon ne raonatónnhets ne tehhontaterennáonh tsi niʼhonnontónhnions;

Isaiah 44:25

ónhka sakonikonrá꞉rhios tsi nihontewenhnakaʼrátats ne rotinó꞉wenhs, tánon sakononwarorihtón꞉nis ne tehontkónsthas; ónhka tesehsakoʼkaraténies ne rontiʼnikonratʼtókas, tánon ne ronhniá꞉tha ne raonatʼthokhátsheras noʼnonwaroʼríhtha;

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.

1 Corinthians 1:20

Átskwi, kahʼnènʼne nónwe niaʼtenhonahtátere ne rontʼthóhʼkas? Tóhkaʼ ó꞉ni ne shakotirihonniénʼnis? Tóhkaʼ ó꞉ni ne rohtirennaʼon tehatirihwahwénhrons ne kén꞉en ionwenhtsiáthe? Rawenni꞉io rahwenéston né kén꞉en ionwenhtsiáte ahotokʼtkátshera tsi tehiotenonwahrorítonthe!

Ne꞉ne Sák Rohiaton 3:15

Né niwanonthonniontseróten iáh ne karonhiáke non tethewétha; né꞉ne tsi ionwentsiáte ahówenk, iáh tehioriwiʼiosthontseráien nók kíʼ hionesonronnontseráien.