2 Samuel 15:24 - Ohiatonhseratokénti

²⁴ Ne Abiathar tá꞉re, ó꞉ni ne Zadok, ratikweʼkonhátie ne Levites, ratihá꞉wi noneró꞉kwah ne raoteriwaseronniátsera Ní꞉io. Ehʼtàke wahatí꞉ien ne raoneró꞉kwah Ní꞉io, tsi niʼió꞉re nonkweʼókons wahontóhetste ne kanatowanénhke.

2 Samuel 15:24 ပူးပေါင်းရင်းမြစ်များ

2 Samuel 15:27

Ne ronnontí꞉io wahawénhase ne ratsihénstatsi Zadok, “Satkátho, wáhs thóh nionsá꞉se kanatowanénhke kwáh skénnonk thiʼkénhak, í꞉se tánon ne Abiathar, skát꞉ne ne teniʼiá꞉se sanekenteronhtserashón꞉ahs, ne ne Ahimaaz etsiénʼa tánon ne Jonathan ne ne roiénha ne Abiathar.

2 Samuel 15:35

Ne ratsihénstatsi Zadok ó꞉ni ne Abiathar kwáh ensewakwékʼkhane ní꞉se neh nón꞉we. Káti tsi nahó꞉ten asáronhke tsi nahontá꞉we tsi roʼnónshoʼte ne ronnontí꞉io, sheʼró꞉ri ne tenitsihénstatsi Zadok ó꞉ni ne Abiathar.

2 Samuel 20:25

Ne Sheva ne ne sakohiatónhniskwe; Zadok ó꞉ni Abiathar ne tenitsihénstatsi í꞉ken;

2 Samuel 6:13

tánon nó꞉nen tsi nihá꞉ti ne ratinhorokwenháwine ne raoʼteriwaseronniátshera ne Roiá꞉ner tewáhsen-wísk (mile) niió꞉re shieʼoné꞉non, ne Táwit wateshakótaste tsi nikarí꞉wes wahó꞉tenaskwatsahaten ne Roiá꞉ner ne ne teoná꞉kares tánon ne ró꞉rehsen tionhnónskwaron rátsinn.

2 Samuel 8:17

Ne Zadok ne ne roʼníha ne Ahitub tánon ne Ahimelech ne ne roʼníha ne Abiathar nitsihénstatsi í꞉ken; Seraiah neh sakohiatóniskwe;

1 Kings 1:8

Ók ne Zadok né ratsihénstatsi, tánon ne Benaiah né꞉ne roʼníha ne Jehoiada, tánon ne Nathan rotokenséhakwe nenhné꞉e, tánon ne Shimei, Rei, tánon ne Táwit ronwahiathanónhnaʼkwe iáh nenhné꞉e Adonijah tethonwatswanónhnen.

1 Kings 2:26

Ethòne ónen ne Ronhnonhtí꞉io Solomon wahawénhase ne Abiathar né꞉ne ratsihénstatsi íken, “Wáhs sanakerasehrákon nionhsáse ne Anathoth nónhwe. Tesathénhtion nasí꞉heʼie, ók iáh kíʼ ónenk thaʼkathénhnaʼne nahiesanonhwarhiákon, Asèken tsioríhwa tsi í꞉se senikonhrárahkwe ne Roiá꞉ner rahonerókwah naʼterihwasehronhniátsera í꞉wa tsi nikaríhwes senikwekónhne ne rakeʼníha Táwit, tánon etʼtsénawaʼse akwékon ne rahoronhiakénhsera.”

1 Kings 2:35

Né ronhnontí꞉io Benaiah ohénton iathonhsahó꞉tasʼthe tsi ratitsiókwahien ne sóhtar né꞉ne Joab rahonatʼthakénʼen tánon Zadok né꞉ne ratsihénstatsi íken né nenhʼné꞉ʼe thonsahonatkʼthákwen né Abiathar.

1 Chronicles 15:2

Ethó꞉ne waʼhénron, “Teiotonhontsóʼon ne Leviró꞉nons khók kí꞉ken ahatiʼnorokwénhaʼwe, tsioríhwa tsi Rawenni꞉io ronónha sakoiataʼráhkwen nahatinorokwénhaʼwe tánon né꞉ne tsi nénhwe enhonwaiótenhse.”

Ezekiel 48:11

Kí꞉ken iotokénti iokwénhrahre né꞉ne rothikháres raonáwenk né꞉ne Zadok nónhwe nitonatwatsirínon. Kwáh ioriwató꞉ken tsi wahontsiótenseh tánon iáh teshakonatsiataráhni ne ronátsiakes Israerʼró꞉nons ne wahétken tsi nihontiéra, tsi ní꞉ioht ne ótsiakes ne tsi rahthitárahien ne Levi tsi nahóntiere.

Numbers 4:15

Nó꞉nen ienkáhewe ne tahonshonhnatáhkwenhke, né rahotiʼtiókwa ne Kohath ne entʼthónhne niaʼhiatíhawe ne iotokéntis íkens thóh ne khók kíʼ tsít enhontíhsonhke ne Aaron tánon ne shaʼkohiohʼokónhas tsi ratiʼróroksʼkwe tsi niwatsʼthasónhas. Ne Kohath rahononhkweʼtashón꞉ʼas iáh tehiówenk né thènen iahatiʼiéna ne iotokéntis íkens, thóh kaʼthonenhatí꞉iere enhonhníheie kíʼ. Thóh kíʼ nihotiʼhiotenhseró꞉tens ne Kohath rahotiʼtiókwas nó꞉nen natóhsehra tahonshaʼkonhwanathákwahte.

Numbers 7:9

Ók kíʼ ne Mahís iáh nènhne thènen theteshaʼkówi ne wennhí꞉seres iáh ó꞉ni ne tehothinákares tsionónskwahrons ne Kohathites, tsioríwa tsi nahoténsons ne iotokéntis ne ratiʼnikónhraʼre tsi enhonʼnenhshá꞉ren tsi ienhatíhaʼwe.

Joshua 3:3

tánon washakotiró꞉ri nonhkweshón꞉as, “Ne nó꞉nen entsisewá꞉ken ne rokhá꞉res ranorokwenhá꞉wi ne Ateriwaʼseronhniá꞉tshera né꞉ne Roiá꞉ner Sewaní꞉io Rahoneró꞉kwa, shasewatoʼserotakwenhá꞉ton tánon tsi sewáser.

Joshua 3:6

Ethò꞉ne wahohró꞉ri ne rokhá꞉res ieháhaf Nateriwaʼseronhniá꞉tshera Oneró꞉kwa tánon rahotihén꞉ton nonhkweshón꞉as niére. Tó꞉ki nahá꞉iere tsi nahénron.

Joshua 6:4

Tsáta niháti ró꞉thikares, satihiatatʼtions ratihawinonhtie ne kahonrawatskowah, né꞉ne ohénton nienhonhne ne ateriwaserón꞉niatshera oneró꞉kwa. Né tsathakhaton nenhwenhniserateke níse tánon ne ronhterí꞉ios tsi ensehwanenhrahseronhni tsi tensewanathatase ne kanató꞉wanenhke né꞉ne tsáta nihioriwá꞉ke tsi nikaríwes ró꞉tihonrawaton ne ró꞉thikhares.

Joshua 6:6

Ne Joshua hiashá꞉kononhke ne ró꞉thikhares tánon wasakoró꞉ri, “Iasewahaf ne ateriwasehronhniatshera oneró꞉kwa, tánon tsáta nítsion aohenton sewathenti, sewahawinonhtie ne kahonrawatskowa.”

1 Samuel 22:20

Ók saiá꞉ta ne roʼiénha ne Ahimelech ne ne roní꞉ha ne Ahitub, ne ne ronwáiats Abiathar, wahaniákenhne tánon ne wahó꞉sere Táwit.

1 Samuel 4:11

Ne raoʼneró꞉kwah ne Ní꞉io wakonwaiéna; tánon ne teniʼiá꞉se raoʼnekenteronhtseraʼshónʼahs ne Eli, ne ne Hophni tánon ne Phinehas, waní꞉heʼie.