2 Samuel 14:4 - Ohiatonhseratokénti

⁴ Nó꞉nen ne iónkwe ne Tekoaró꞉non iahón꞉we ronnontí꞉ioke, wakaiatiénenhne tiaʼkakonshó꞉tane ohontsá꞉ke tánon ne nawéneste kakwenienstátsera, tánon wakénron, “Tatiehnawas, Ó sanontí꞉io!”

2 Samuel 14:4 ပူးပေါင်းရင်းမြစ်များ

2 Samuel 1:2

Nasénhaton siwenhniseraʼkéhaton, rón꞉kwe wá꞉rawe thóh nontáre ne Saul tsi thotahtó꞉serote, neh raoʼtserón꞉nia ioteratiónkwen tánon rokenrá꞉reh ranontsíne. Nó꞉nen shiaoiatórenhne ne Táwit, ohontsáke iahaiatiénenhne tánon wathatentʼtsóten.

2 Samuel 14:22

Ne Joab wahatatsiaʼtiénente kwáh tiaʼʼhakonshótane nonhontsá꞉ke tánon tsi nahá꞉iere ne ne kakwenienstátsera, Ní꞉io iahiatatérist; tánon ne Joab wahén꞉ron, “Ónh꞉wa wenhniseráte waketsénri ne kaiataterítsera ne sahén꞉ton, natiá꞉ner ne ronnontí꞉io, éhʼthoh ne ronnontí꞉io wahathóntate tsi nikeriwanóntons ne kenhátsera.”

2 Samuel 14:5

Ne ronnontí꞉io wahariwanóntonse, “Nahó꞉ten tesanikónrare?” Watkariwaserá꞉ko, “Kén ní꞉iot, wakateréhons; ne riksténha rawenhé꞉ion.

2 Samuel 18:28

Ehʼthóhʼne ne Ahimaaz iathohén꞉rete rahonhá꞉ke ne ronnontí꞉io, “Akwé꞉kon tseioiá꞉nere!” Wahatatsiatiénenhte raohén꞉ton ne ronnontí꞉io kwáh tsehakónsaienhohontsá꞉ke, tánon wahén꞉ron, “Tehonwanonweráton ne Roiá꞉ner Saní꞉io í꞉ken, rahónha táhion natesenhniétsera tsi waʼhesatkónten tsi sanontí꞉io í꞉ken.”

1 Samuel 20:41

Kwáh tsi niʼiostó꞉reh ne raksá꞉a thóh wárehte, ne Táwit thonahátahne ákta tsi ionenhiáts꞉tokote tánon wahathatshiatié꞉nenhte tsehakón꞉shote ohontsáke. Waʼtatʼtiákete áhsen niʼiorihwáke, tánon wahthiaʼtatenoronhkwáhnion, tánon skát꞉ne wathiaʼsénhtho; Táwit kiʼ sén꞉ha wathaséntʼtho.

1 Samuel 25:23

Nó꞉nen ne Abigail sahonwáhken ne Táwit, wahtiosteríhen tánon shóntsnenhte tsi iosaténhtsiene ne tewahóntes, raohén꞉ton wakaiatahiéntahne ne Táwit tsakakonshótane, tewattsatʼtenhátons ohontsá꞉ke.