2 Samuel 14:27 - Ohiatonhseratokénti

²⁷ Ne Absalom áse nionekenteronhtseraién꞉takwe, tánon tseiá꞉ta tsakotonwí꞉sen Tamar iontátsiats; kwáh í꞉ken tsi iontʼkatotserí꞉io iakón꞉kwe.

2 Samuel 14:27 ပူးပေါင်းရင်းမြစ်များ

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

2 Samuel 13:1

Kwáh éhʼtho tsi ná꞉he shitsiotohétston. Ne Táwit roién꞉ha Absalom tsi niʼiotkathotserí꞉io rotenosénhtakwe Tamar iontátsiatsʼkwe; tánon ne Táwit roién꞉ha Amnon kwáh í꞉ken tsi nasakonó꞉ronhkwe.

2 Samuel 18:18

Nón꞉wa ne Absalom tsi ná꞉he rónnhekwe wahanenhiónhni tánon wahatatenenhiót꞉thase thóh nón꞉we ne Ronnontí꞉io raonrá꞉kwahkon, asèken wahén꞉ron, “Ní꞉i iáh tewakenekenteronhtserá꞉ien ne aksenhnatátieke nahionkerharásthakwahke”; ne wahanenhióten raosénhna wahanátonhkwe. Ne konwáiats Absalom ionenhió꞉te shé꞉kon nón꞉wa wenhniseráte nikanenhió꞉te kíʼ.

Isaiah 14:22

Kwáh tentétʼtaʼne nakheiatʼkónten, rá꞉ton ne Sakoiá꞉ner ne ronterí꞉ios ratiʼronhiakeró꞉nons, tánon kwáh éntsiake ne Babylon aosénhna tánon ne iaʼteonathaténron, naʼkohioʼokónha tánon tsi ratiʼwatsiratátie, rá꞉ton ne Roiá꞉ner.

Jeremiah 22:30

“Kí꞉ken rónkwe ronwahrewáhton nahóthonseh ne shaʼkohiohokónha, ne ne rónkwe ne kwáh iáh nonhwénhton tahohianerásten. Kwáh iáh thaʼhawahtsirahiénthaʼke ónhka enhiontkórasʼte ne Judah ne ne Táwit tahonshaʼhonatʼthákwen. Í꞉i, ne Watiá꞉ner, wakatáti.”