2 Samuel 14:26 - Ohiatonhseratokénti

²⁶ Nó꞉nenh enhatatenónkare ne ranontsí꞉ne (nienwatoserók꞉ten ne niaʼteioserá꞉ke enhá꞉hiake; nó꞉nenh enhiókstene ne ranontsí꞉ne, enhahiá꞉ke) enhakontseriháren ne raonónhkwís, wísk nikakontserá꞉ke niʼiókste neh rátsta ne kanontiʼiótsera raonahtenienténtsera.

2 Samuel 14:26 ပူးပေါင်းရင်းမြစ်များ

Genesis 23:16

NʼAbraham waharihwanón꞉weʼne tsi nihariʼwanón꞉tonhs ne Ephron; tánon NʼAbraham wahokontsheriháhrhahse ne Ephron ne kahwistarà꞉ken tsi nahanà꞉ton tsi nahonathón꞉teʼne ne Hitró꞉nons, ne ne kaié꞉ri-tewenʼniáwe ní꞉kon kahwistarà꞉ken, ne taioianénhawe tsi ní꞉ioht tsi rotikariaʼktsheríson tsi ratikontsheriháhrha ne rontenhní꞉nons.

2 Samuel 18:9

Ne Absalom tahiotokéntaʼne wathiatátken ne raonhá꞉tsera Táwit. Ne Absalom rosathéntie ne raotshénen tewahóntes, tánon ne tewahóntes onhatókon nón꞉we nahatóhetste ne ne karonhtowánen karí꞉ton. Thóh wahanontsistotárehne tsi ioróntoʼte ne karí꞉ton, tánon thóh rohiaténhton tsi natetsiá꞉tere tsi karonhiáte tánon tsi ionwenhtsá꞉te, ók ne tewahóntes wakahentéson nenhʼné꞉e.

Isaiah 3:24

Tsi ní꞉ioht ne ionhtshaʼtakonhonstákwah akónste, kwáh kíʼ enkonhtí꞉iatakerashé꞉ke; tánon tsi ní꞉ioht ne káneks, aserí꞉ie; tanon tsi ní꞉ioht ne kwáh ahiotikotsiʼiósehke, onahónsta íken; tanon tsi ní꞉ioht ne kwáh kanóron wakóses, tekakʼkhánion tsi kanítkhon káiare; tsi ní꞉ioht ne ioràse akénhake, atehénhsera í꞉ken.

Ezekiel 44:20

“Ne Rothikháres kakʼnikáien ne tékeni onahónstha enhonhnónhni ne rathinonhtsíʼne khés ne enhontenonhkwiserétsʼte. Kwáh tó꞉kenk tsi nenhiónshonke.

Leviticus 19:36

Ne ísewats ne kaienhtéri iekonhtserihará꞉kwah, ne tkaiéri tsi nahiótsʼteke, tánon ne tkarihwaiéri hiontenientenstákwa. Í꞉i ne Watiá꞉ner Sewaní꞉io íken, tánon Í꞉i tetkwahiatinekénhen ne Egypt.

1 Corinthians 11:14

Nontiéren, tsi niʼiorennáhon ne tsi ionwenhtsiáte sharihonniénʼnis tsi nihiothéha nahononkwiserésonʼke ne rónkwe,