2 Samuel 14:19 - Ohiatonhseratokénti

¹⁹ Ne ronnontí꞉io wahén꞉ron, “Joab ontèken wahiaró꞉ri neh ne kí꞉ken ashiʼrónhnion?” Ne iónkwe wakʼkariwaserá꞉ko tánon wakén꞉ron, “Tsi niʼioriwí꞉io tsi nisón꞉nhe, natiá꞉ner ne ronnontí꞉io, iáh ónka taiekwéni ne tahonsaiekaraténi ne thènen nètho natiá꞉ner ne ronnontí꞉io ahawénhke. Asèken í꞉se sanhátsera Joab raónha rakenhá꞉hon; kwáh raónha róthen akwé꞉kon kíʼ owenhnaókons thóh tsik sakáronhte.

2 Samuel 14:19 ပူးပေါင်းရင်းမြစ်များ

2 Samuel 11:11

Ne Uriah wahawénhase ne Táwit, “Ne ateriwaseronniátshera tánon NʼIsraeró꞉nons ó꞉ni ne Judah thóh ratiteróntons ne thiʼwaskwakarénhren; ne rateriʼioserakweʼní꞉io Joab ó꞉ni ne raonhatseraókons thóh ronaná꞉taien ne kénk nón꞉we thí꞉ken kahentá꞉ke; ónhní꞉iot tsi ahónton thóh niahonsáke tsi tewakenónsoʼte, ne takatská꞉on ó꞉ni natnekíra, tánon skát꞉ne aiatiá꞉rate ne ketsténha? Ní꞉se tsi nishón꞉nhe, tánon ne satón꞉nhets tsi nihiónnhe, Ní꞉i kwáh iáh èhʼthoh thátiere neh nikariʼóten.”

2 Samuel 14:18

Ehʼthóhʼne ne ronnontí꞉io watariwaserá꞉kwase ne iónkwe, “Tó꞉sa othènon takeriwaséhten tsi nahó꞉ten enkonriwanóntonhse.” Ne iónkwe wakénron, “Áhnion natiá꞉ner ne ronnontí꞉io ratáti.”

2 Samuel 14:3

Wáhs ronnontí꞉ioke niahá꞉se tánon tesenithá꞉ren kén nahó꞉ten enshí꞉ron.” Tánon ne Joab waharó꞉ri tsi nahó꞉ten akénronh.

2 Samuel 18:13

Tsi nihió꞉tha, tó꞉ka thonahonkatiérenke ne tsiktseiawénhon tsi nòkwah tsi rónnheke ahonthontʼterónhne tsi kónnhe (tánon iáh knahótenk teoterihwasehtén ne ronnontí꞉io), ehʼthóhʼne ní꞉se khók nón꞉we tsiaʼtaesatáʼhon.”

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Samuel 3:29

Aiá꞉wenhs ne kaní꞉tsera aká꞉rahne ne ranontsí꞉ne ne Joab, ó꞉ni ratikwé꞉kon ne roní꞉ha raowáhtsire; tánon aiá꞉wenhs ne raowáhtsireh ne Joab iahiokontáhkwen ne ahotironhiá꞉kenke ne iokhas kanhratariné꞉tsera, iakotstawis, khéhs nón꞉kak ne ahoienawákon ne iehseriʼieʼtonniátha, khéhs thóh iahaiatiénenhne tsi waterí꞉io, khéhs ahothikwanorónsten!”

2 Samuel 3:34

Ne shatshanáke iáh tekawanérenhkwe, ne shashitáhke iáh tekaronkwasanérenhkwe; tsi ní꞉ioht ne tieiá꞉ta waheiatsenénhne raotihén꞉ton ne ionkwetahetkénskwa ní꞉se iesanonwarhiákhon.” Tánon ratikwé꞉kon nonkweʼókons tonsahonwasénthose shé꞉kon.

2 Kings 2:2

tsi niʼonahá꞉hes ne Elijah wahawénhase ne Elisha, “Ónenh kíʼ kénʼhen shé꞉sek; né Roiá꞉ner rakró꞉ri Bethel nónhwe niá꞉ke.” Ók ne Elisha watharihwaseráko; “Wakerihwanírathe tsi niwakerihwató꞉ken rahonháke ne ronnhehónwe Roiá꞉ner tánon ní꞉se tsi iáh takonhiatewénhtheʼte.” Káti tenitsáron Bethel niá꞉haʼne.

Exodus 4:15

Enwáhton tahiʼsehniʼtháren tánon tsióri tsi nahó꞉ten ahénron. Kwáh tesehnitsaron enkeniʼiénahwaʼse nahiʼtsatáti, tánon kwáh tesehnitsáron enkeniró꞉ri tsi nahitsiátiere.

Proverbs 25:2

Ehtshitewarihwakweniénhstha ne Rawenni꞉io tsi nahò꞉ten shonkwarihwahsehtén꞉ni; ietirihwakweniénhsthat ne rotinontiió꞉shon tsi nahò꞉ten tehatirihwathé꞉tha.

Proverbs 4:27

Satatiaʼtohtáhrho ne karihwanéren tánon iottakwarihshiónhak tsi sahtén꞉ti. Tóhsa ó꞉ni ne tsoʼkháha ákte nahsahtén꞉ti tsi nón꞉we niiohahí꞉io.

Numbers 20:17

Asatʼthontáʼtsheke kíʼ takwahríhon nahiakwató꞉hetste ne sonhontsáke. Ní꞉i tánon nonhkwahtshenenhókons kwáh iáh tahiakwatʼthahontáko khès ne sahenthákes niahiákwe khès ne tsi sanenharaientʼthóserons, tánon iáh tshiaʼkwahnekíra ne tsi satnaweró꞉tons. Kwáh kíʼ iohahakweníioke nónhwe nenhiakwatʼtahítha tsinióre ientsiakwahiákenhne ne sanakeraserákon.”

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

Deuteronomy 28:14

Ók kwáh tó꞉sa nonhwénton ne iáh thashatewénhnaraʼkwe ne tsík nahonthahiotserá꞉ton, tó꞉ka ó꞉ni nasehshén꞉naien ó꞉ni nasehioʼténhse nó꞉ia nihioʼokón꞉as.

Deuteronomy 5:32

“Israerʼró꞉nons, kwáh orihwí꞉io kénhak tsi akwé꞉kon thóh nenhsewá꞉iere tsi niháwen ne Roiá꞉ner sewaNí꞉io tsiʼnítsi sewahró꞉ri. Tó꞉sa othé꞉nen sewatewenhnónti ne raoianerénhseras.

Joshua 1:7

Kwáh ne khók ne tashaʼnikonrakonhthaʼkwénhak, ó꞉ni shaʼnikonhranirónhak; tánon orihwí꞉io sónhni tsi kwáh orihwakwé꞉kon enshatewénhnaraʼkwe ne kaianerénhsera né꞉tho akenhátshera Mahís thiá꞉wi. Kwáh tó꞉sa thé꞉nen ne kák tsi ní꞉kon ne iáh karíhwa thasonhnià꞉ne tánon kwáh enshaterihwaʼténtiaʼse ne tsik nón꞉we nienhénse.

1 Samuel 1:26

Tánon wakén꞉ron ne Hannah, “Ó, Atiá꞉ner, tsi nishón꞉nhe, Atiá꞉ner, Í꞉i ne kón꞉kwe ne kén꞉en ít꞉tawe sahén꞉ton, wakaterenhnaién꞉taʼkwe rahonháke ne Roiá꞉ner.

1 Samuel 17:55

Nó꞉nen ne Saul sahó꞉ken ne Táwit iahahiákenhne niahotiatónhti ne Philistiaró꞉non, ne raón꞉ʼa wahawénhase ne Abner, ne ne rateriʼioserakweʼní꞉io ne raotsió꞉kwah ronterí꞉ios, “Ne Abner ónhka ronhwahʼién꞉a kí꞉ken kén nithoiónha?” Ne Abner wahén꞉ron, “Ne satónnhets tsi nihión꞉nhe, Ó Sanontí꞉io, Iáh tewakateriéntare.”

1 Samuel 20:3

Ók kiʼ ne Táwit kwáh ó꞉ni waharihwanírate, “Ne ianí꞉ha roteriéntare ioiá꞉nere tsi roterién꞉tare ní꞉se tsi takenón꞉wes; tánon tsi nihanontónhnions, ‘Tó꞉sa rotókens ne Jonathan kíʼ, khéhs kwáh í꞉ken tsi enonikonrahkaréhwate.’ Ók oriwiʼiohónwe, tsi nihioʼriwí꞉io ne Roiá꞉ner tsi nirón꞉nhe tánon ní꞉se tsi nishón꞉nhe, thóh nón꞉we ók tsokháhak khók natehiatiátere tánon ne kenhé꞉ion.”

1 Samuel 25:26

Nón꞉was eʼthóhʼne, atiá꞉ner, tsi kiʼ nirón꞉nhe ne Roiá꞉ner, ó꞉ni ní꞉se tsi nishón꞉nhe, tsiksén꞉hak ne Roiá꞉ner wahiá꞉nese ní꞉se ne tó꞉sa ahisánike tsi ashenekwátʼte tánon tsi ahonsatskárhiake ne kwáh ní꞉se shatshanáke, ó꞉nenh kiʼ sheríhon ne iesáshons ó꞉ni tsi nihiá꞉kon ne ne ronhnésaks ne karihwahét꞉ken tsi nahonwatiérase natiá꞉ner kwáh tsi ní꞉ioht ne Nabal.