2 Samuel 14:14 - Ohiatonhseratokénti

¹⁴ Ónenk tsi tewakwé꞉kon entewénheʼie; kwáh thóh nitewahiatóten tsi ní꞉iot niʼionekaweronhtáon ohontsá꞉ke, tsi iáh thahón꞉ton nahonshaienekaróroke. Ók ne Ní꞉io kwáh iáh éhren tahahá꞉wite natónnhets; ne raónha kwáh enhatenikonrónhni káti tó꞉sa ne átste iehonwatiʼiatónhtion ne iahontkóntakwe tsi éhren ahónhnete ne raohén꞉ton.

2 Samuel 14:14 ပူးပေါင်းရင်းမြစ်များ

2 Samuel 11:25

Ne Táwit wahawénhase ne rariwakaréhnies, “Tiakariwakénhniaʼte ní꞉se kwáh entshenhá꞉se ne Joab, ‘Tó꞉sa ní꞉se tesathatenikonrá꞉ren noriwashón꞉ahs, asèken nasarekówa kwáh iáh tatekaiestá꞉tsions ónhka aiakononhwarhiá꞉khon; iasát꞉rek iashiatiatónhti ne kanatowanénhke, tánon serihwéntʼtho.’ Tánon tienikonranírat.”

2 Samuel 14:15

Nón꞉wa kénʼen nontáke ne kí꞉ken ahiró꞉ri natiá꞉ner ne ronnontí꞉io tsioríwa ne onkweʼshón꞉ahs ne wahonhkónnien nahontʼteronhníhake; ne sanhátshera wahé꞉re, ‘Í꞉i tenʼiakenithá꞉ren ne ronnontí꞉io; nontsiérenk nètho ronnontí꞉io neh enhateriwathéntiaʼte tsi niʼierihwanékʼkha ne raonhátsera.

1 Kings 11:39

Tsioríhwa tsi nihorihwanerahákskon ne Solomon kwáh kíʼ enkheréwathe tsi nienhatwatsírihne ne Táwit, ók iáh kíʼ tsahontkónhthaʼkwe.’”

Job Tánon ne Raoronhiakensera 14:14

Tó꞉ka ne rón꞉kwe enrenhé꞉ie, kwáh ken shé꞉kon enhsatón꞉nhete? Akwé꞉kon tsi niwakathenhniseraténionskwe ne tsi niwatiohtén꞉en kwáh ki enkaterá꞉rate tsi nió꞉re ienkí꞉heie.

Job Tánon ne Raoronhiakensera 30:23

Wakaterièn꞉tare ní꞉se tsi kwáh ienstiathénhawe ne kenhé꞉iatne, tánon tsi kanónshote iontateweienhtón꞉ni nonkweʼtakwé꞉kon ne iakónnhe.

Job Tánon ne Raoronhiakensera 34:15

akwé꞉kon tsi nahó꞉ten ne iónhne skátne tsi enkón꞉ton, tánon onkweʼtakwé꞉kon okén꞉ra ientiónton.

Job Tánon ne Raoronhiakensera 34:19

raónha ne iáh tetharihwaráhkwa tsi nokwáh ne ratishenhnowá꞉nens, khés ne sénha ashakokwénienste ne rotikwahtsénions tsi ní꞉ioht ne iakó꞉ten, asè꞉ken orihwakwé꞉kon nen kahioténhsera ne ratsáneke?

Psalms 22:14

Waʼkatesatstenserók꞉ten; thóh ní꞉ioht tsi ní꞉ioht nonékanos onhwenhtsáke waʼwé꞉ron. Tánon akwé꞉kon nastsienshón꞉has tehiosthonterakwenháton; nakwerhiáne thóh ní꞉ioht tsi shí꞉ken ní꞉ioht ne ohenhsa; thóh iowistanawénhon ne kenskwenákon;

Psalms 22:15

nakeshaststénhsera iostatʼthénhen tsi ní꞉ioht ne ionawasthakarí꞉io kát꞉tse, tánon ne kenhnasáke tsientáke iorahnénhtats; Thóh wastsiatónhti nakí꞉heie okenhráhke.

Psalms 58:7

Aiáwenhs ahatihiatháton tsi ní꞉ioht nonékanos ne kakʼtsahawenonhátsie; aiáwenhs tahonwanaskwaserón꞉kwahte tsi ní꞉ioht ne óhonte tsi nón꞉we né iotkáte nihiontohesthákwah.

Psalms 77:8

Né iorihwaʼtó꞉ken raonoronhkwáhtshera iehiotsiákstsi ken? Tsi nihorahráts꞉ton iehiotokʼtáhon kén ne tsi nénhwe í꞉ken?

Psalms 79:3

Waʼsakotinékwatʼte ne shonkwetaʼshón꞉has tsi ní꞉ioht nonékanos akénhake; kwáh waʼtewakwatáse ne Jerusalem, tánon iáh ónhka tetsiotetsénhrion nahonwatiʼiatáhten.

Psalms 90:10

Nónkwe tót꞉khok niʼiakónnhes tsáta niwáhʼsen niʼioseráke, khés tó꞉ka nón꞉wa satèkon niwaʼsenhniʼioseráke, tó꞉ka eniakwasháststeke; eʼthóhʼsáne, akwékon né kháhas ne tahionhnikonhrá꞉ren tánon kanikonhraksénhtshera; ne tsi iakónnhe iostó꞉re waʼtohétstha, tánon kák tsehionkwénon.

Psalms 90:3

Okenhrá꞉ke niesehsehiathénhas nónkwe, satón꞉nions, “Okenhráke nionhshá꞉sewe.”

Exodus 21:13

Ók kíʼ tó꞉ka iáh tehonikonhrónhni tánon iáh né tehawéron nahononhwarhiákon, enwáton niahaʼniákenhne ne tewatenáhtaien tsi nónhwe nienhkonráhkwahse, tánon thóh nónhwe iensonwahiatanónsthaʼte.

Ecclesiastes 9:5

Hén, ne ronhnónhnhe ronateriénthare tsi roniheiónhsehre, ók ne ronenhéion iáh nen꞉né꞉e thé꞉nen tehonateriénthare. Iáh ishiʼnónhwe tatashahonateriwahseráhkwahse; kwáh toh kénʼen ronwatinikónhrenhe.

Lamentations 3:31

Ne Roiá꞉ner kwáh í꞉ken tsi ronitenrátskon iáh ó꞉ni tió꞉konte tsi ahshonkwakenronníhake.

Ezekiel 18:23

Ísereh onhtèken ne katʼtsennonhniátha nakhèken hionkwetahétken ahiaiéheie?” tieriwahnónhtons ne Ronhnontí꞉io Roiá꞉ner. “Iáh, ne ahonthakeráhko ahonshahiontatréwahthe tánon ahiakónhnheke.

Leviticus 26:40

“Ók kíʼ tsi niensewatʼwatsírihne kwáh nènhne enhatirihwanírathe tsi rotiníkon tsi nòkwah ne rahotirihwanerahák꞉tsheras ó꞉ni thóh í꞉kare ne rahotirihwanerahák꞉tsheras ne sakotisotʼthonkonhkénʼen, ronónha nènhne ne iáh othènen karíhwa tehionhkónhni.

Numbers 35:15

Né kí꞉ken enhionaterihóntake ne ionhtasehtáhkwa enkénhake né Israerʼró꞉nons rahotirihwáke tánon ó꞉ni ne tihononhontsátes né tsi nikáien iáh arèko tsehiontkonhtáhkwen khès ne iorihwató꞉ken tsi thóh ratinákere. Nónhka akénhake ne tiakoterihwatewáthon ne iáh tehiakonikonhrónhni enwáton né thóh nónhwe iahieniákenhne.

Numbers 35:25

Né khók ensewánhike ne sewaterihwatewáʼthon íken, tánon ne ienákere entietshiniákenhte tsi nó꞉kwah ne iakawenhéhion ronhtátenonhkwe, tánon tsitʼkanatowánen nenhtsetsiʼiaténhawe tsi nónhwe iesewaniakenʼne. Tánon thóh nónhwe iensewaná꞉kereʼke tsi nióre ienhrénheʼie ne kwáh é꞉neken thótʼthe ratsihénstatsi íken.

Numbers 35:28

Ónhka tsi ní꞉tson ne sewanhíkon ne sewaterihwatewáthon ónenk kíʼ tsi kanatowanénke ensewenhterónhtaʼke tsi nióre ienrénhe꞉ie ne Ratsihenstowánen íken, ethóne enwáton nahonhsehsewaténti.

Matthew 22:16

Iasakonatori kati ne raohnonkȣeta, ȣahonniron: Seȣenniio! ionkȣaterientare tsi tisariȣaieri, oriȣiio oni tsi neh sherihonnienni ne Niio raoriȣasonha, iah oni tatesonkȣetaiestasions: Aseken iah ki neh teskahenhions tsiniieiatotens.

Acts 10:34

Tiér tahathásawen wahatʼretáron: “Ónen kíʼ wakenikonraiéntas tókensʼke ne Rawenni꞉io kwáh akwékon satetʼtiót꞉te tsi nisakotiéraʼse.

Romans 2:11

Ne Rawenni꞉io akwékon kwáh satetiót꞉te tsi tesakoiatorétha.

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.