2 Samuel 14:13 - Ohiatonhseratokénti

¹³ Ne iónkwe wakén꞉ron, “Onkáti nontiéren tsi satenikonrónhni neh nikarióten nasehiatʼkónten ne raonkweʼtashón꞉ahs ne Ní꞉io? Asèken tsi thisatkáwenh kí꞉ken tsi niatesariwaién꞉tase ne ronnontí꞉io wahatatiéntereʼne raonhatsíwa khók, kwáh kíʼ tsi ní꞉iot ne ronnontí꞉io tsi iáh ské꞉kon thatahohiaténhaʼwe ne ronakerakwáhton.

2 Samuel 14:13 ပူးပေါင်းရင်းမြစ်များ

2 Samuel 12:7

Ne Nathan wahawénhase ne Táwit, “I꞉se nètho rón꞉kwe! Tiakariwakenhniá꞉te ráton ne Roiá꞉ner, ne Sakoní꞉io ne Israerʼró꞉nons: Í꞉i koniatará꞉kwen tsi sanontí꞉io í꞉ken nètho nón꞉we Israerʼronónke, tánon Í꞉i skonhniakénton ne ratshanáke Saul;

2 Samuel 14:12

Ehʼthóhʼne ne iónkwe sakénron, “Ahsatʼtónhtate serí꞉hon ne sanhátsera shé꞉kon ahonsahiwénhnarane natiá꞉ner ronnontí꞉io.” Wahén꞉ron “Satá꞉ti.”

2 Samuel 7:8

Nón꞉wa ne káti tsi nahó꞉ten entsró꞉ri nakenhá꞉tshera Táwit: Ratón꞉ne Sakoroniakerónons: Í꞉i iekonnónkon ne tsikonwatiterontákwah ne watenhenrowanénhke, tsi shenikonrahrátsieskwe teiotinakarontónha ne naseiatenontí꞉ioste nakonkwetashón꞉ahs Israerʼró꞉nons;

Judges 20:2

Né sakotihénthenhse ratiʼtsiokwahkwékon ne Israerró꞉nonke thóh rónhneskwe kíʼ tsi rohnatsataró꞉ronh ne Rawenni꞉io rahonkwetaʼshón꞉as, tánon 400,000 nihátikwe ne sótar né thakésons niehonhné꞉tha.