2 Samuel 14:11 - Ohiatonhseratokénti

¹¹ Ehʼthóhʼne wakénron, “Ahsatthóntate, iasaterénhnaien rahonhá꞉ke ne Roiá꞉ner Saní꞉io, káti nètho nahonsahatiʼkárhiatʼte nonewénhsa nahónton tó꞉sa shé꞉kon ahonshasakotiʼnonwarhiákhon, tánon ne riʼiénha tó꞉sa ahonwáthonʼte,” Wahén꞉ron ne ronnontí꞉io, “Tsi nirónnhe ne Roiá꞉ner, iáh ne skanonkwísera ne tsién꞉a raonónhkwis tsiakaién꞉tane nonhontsá꞉ke.”

2 Samuel 14:11 ပူးပေါင်းရင်းမြစ်များ

Genesis 14:22

Ók ne Abram wahawénhahse ne ronnontí꞉io ne Sodom, “Kwáh wakanentshakaratá꞉ton tánon wakerihwanirá꞉ton raohén꞉ton ne Kwáh É꞉neken Thótte Rawenni꞉io, ne ne Róhson ne tsi karonhiá꞉te ó꞉ni ne tsi ionwentsá꞉te,

Genesis 31:50

Tóka enhsheiateweiennaksá꞉ten ne kheioʼokón꞉ʼa nitiotiión꞉sa, khehs nahsenahkwénhawe ne thikontí꞉te tsi ní꞉ioht ne kheioʼokón꞉ʼa, iawerohátien tsi iáh thaonkaterién꞉tarake, shehiá꞉rak nétho tsi Rawenni꞉io tehsonkeniká꞉nere tsi naʼtetiátere ní꞉se tánon ní꞉ʼi.”

2 Samuel 14:10

Ne ronnontí꞉io wahén꞉ron, “Tó꞉ka ónka thènen aiesawenhnáhraʼne, tatsiaʼténhaf akonhá꞉ke, tánon iáh shé꞉kon nonwénhton tsiahonsahiaiéna.”

2 Samuel 14:12

Ehʼthóhʼne ne iónkwe sakénron, “Ahsatʼtónhtate serí꞉hon ne sanhátsera shé꞉kon ahonsahiwénhnarane natiá꞉ner ronnontí꞉io.” Wahén꞉ron “Satá꞉ti.”

2 Samuel 14:21

Ehʼthóhʼne ne ronnontí꞉io wahawénhase ne Joab, “Kwáh ioiá꞉nere, enkathóntate kí꞉ken; wáhs, thontatiaʼténhaf ne kenhnithoiónha Absalom.”

1 Kings 1:52

Solomon watharihwasehráko, “Tó꞉ka rorihwathóken, iáh shékon ne skanonhkwísera ne ranonhtsíne tshiakaié꞉nenʼke; ónh kíʼ tó꞉ka iáh, kwáh kíʼ enrénheie.”

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Numbers 35:19

Né ronenhé꞉ion né kwáh ákta ronhtátenonhkwe né kíʼ rohnaterihwaién꞉ni né shaʼkoséhton nahonhwanonhwariákon. Nónen entsisewahiatatʼtsénhri, ónenk kíʼ tsi enhtsiʼsewahnonhwariákon.

Numbers 35:21

khès ne wahetshikónhreke, wesehwánhike kíʼ nathataséhton íken tánon ónenk tsi entsiʼen tsinonhwariákon níse. Né iakawenhé꞉ion ne kwáh ákta ronhtátenonhkwe né kíʼ ronaterihwaiénhni nahonshaʼhonwanonhwariákon ne shakoséhton. Nó꞉nen entsiʼsewahiatatʼtsénhri ónenk kíʼ tsi i꞉se enhtsiʼsewanonhwariákon.

Numbers 35:27

tánon tó꞉ka ne iakawenhé꞉ion ronhtáʼtenonhkwe enietʼtshiʼhiatatsénhri tánon enietʼtshinonhwariákon, tsi nahatí꞉iere tsi sahatiʼkáriake iáh nènhne athataséhton tèken.

Matthew 10:30

Ieiohe oni akȣekon ȣasheton tsinikon seȣanonkȣiserote.

Acts 27:34

Kwahnekénnis, káti, tesewatsʼkáʼon; neh tesewathonwentióni nahisewaniákenne. Iáh ne skanonkwísera tahisewátonse ne sewanontsíne.”

1 Samuel 14:45

Eʼthó꞉ne nonkweʼókons wahonwénhase ne Saul, “Ó꞉nenk kén tsi enrénheʼie ne Jonathan, ne tsi raón꞉ha roriwakanonhní꞉hon kí꞉ken kowánen atesheniétshera NÍsraerʼronónke? Ahínon ít꞉ken! Ne tsi nironnheʼón꞉we ne Roiá꞉ner, iáh ne skanonkwísera ne ranontsíne tsiakaién꞉taʼne nonwenhtsá꞉ke; asèken ne raónha tsi nahoióten nón꞉wa wenhniseráte Ní꞉io seh wahoiénawaʼse.” Káti nonkweʼókons thonsahonwatentsaháhten tsi rónnhe ne Jonathan, tsi iáh tharénheʼie.

1 Samuel 20:42

Eʼthóhʼne ne Jonathan wahawénhase ne Táwit, “Wáhs skénnonk tionshá꞉se, tsítsénhak tethenitsáron ionkeniriwahniráton thóh raosén꞉nakon ne Roiá꞉ner, tiaʼtónhnions, ‘Ne Roiá꞉ner thóh enréh꞉seke tsi natetiá꞉tere, tánon tsi natenhón꞉tere tsi wakkwahtsiratátie tánon ní꞉se tsi waswahtsiratátie, ne ne tsi nénhwe enkén꞉hake.’” Tonsahátahne tánon éh꞉ren sárehte; tánon ne Jonathan kanatowanénhke nionshá꞉re.

1 Samuel 28:10

Ók kiʼ ne Saul waharihwaníratʼtse rahonháke ne Roiá꞉ner, “Tsi nirón꞉nhe ne Roiá꞉ner, iáh ne karewathátsera tahontáwe ne shonháke ne kí꞉ken nahorihóten.”