2 Samuel 13:3 - Ohiatonhseratokénti

³ Ók ne Amnon rothorosénhtakwe Jonadab ronwáiatsʼkwe, ne ne roién꞉ha ne Táwit iatatekénʼa Shimeah; tánon ne Jonadab kwáh i꞉ken tsi ratenikonratʼtòkha rónkwe.

2 Samuel 13:3 ပူးပေါင်းရင်းမြစ်များ

Genesis 3:1

Kí ó꞉niare ne tiaonhá꞉ʼa tkaʼnikonhrhá꞉tha ó꞉ni tkatsítsho tsi nihá꞉ti ne kontírios shakoiaʼtíson ne Roiá꞉ner Rawenni꞉io. Nó꞉niare waharihwanónʼtonhse ne tsothonwí꞉sen, “kwáh ken ne Rawenni꞉io wahiaró꞉ri ne tóhsa ahsá꞉iake ne tsik nakarontó꞉ten ne kahéhtakon kerite?”

Genesis 38:1

Kwáh tókaʼ tho sikahá꞉wi nétho Judah wahshakotiaʼtontakwahse ne rontateʼkoʼokón꞉ʼahs tánon thóh nón꞉we niahá꞉re skátne ionsahiátsien ne rón꞉kwe Hirah ronwá꞉iats, ne nenʼne tsi kanà꞉taien ne Adullam nón꞉we nihanákerehkwe.

Genesis 38:20

Nó꞉nen ne Judah shiahoténiehte ne kaiaʼtákeras owí꞉ra, ne ne Adullamró꞉non iahoiaʼténhawe tánon taontaháhawe tsi nahó꞉ten ne ratkaraientahkwén꞉ni ne ión꞉kwe, iáh teshaiaʼtatshenrion.

2 Samuel 13:2

Ne Amnon thóh nió꞉re tsi wasakonóronhkwe kwáh wahatatetʼrón꞉nien ne wakarihónhni ne iatenosénha Tamar, asèken nahón꞉ha shé꞉kon niʼiewí꞉non tánon thóh ní꞉iot tsi wahénehne tsi niwenhtó꞉reh ne Ammon neh thènnen nasakoiéraʼse.

2 Samuel 13:32

Ók ne Jonadab, ne roiénha ne Táwit iatatekénʼha Shimeah, wahénron, “Ahnion ne ratiá꞉ner rehrák nètho ronwatinonwarhiákhon ratikwé꞉kon ne kén nithotiʼiónsa ne ronnontí꞉io raonekenteronhtserashónʼahs; Nek khók ne Amnon rawenhéion. Kí꞉ken thó꞉ne niateiorihwaientáhon ne Absalom shontasakonónhtonhse ne iatenosénha Tamar.

2 Samuel 13:4

Wahawénhaʼse, “Ó iaʼién꞉ha ronnontí꞉io, onihiotsiéren tsi niaʼteioronhketserá꞉ke tisanikonrénhen? Kwáh kén iáh tasekró꞉ri?” Ne Amnon wahawénhaʼse, “Khenorón꞉kwa ne Tamar, ne iatiatatekénʼa Absalom iatenosénha.”

2 Samuel 14:2

Joab Tekoa nón꞉we iahateriwaniéte thóh nón꞉we nahontakonwahiaténhawe ne ionikonrowánen iónkwe. Warénhase, “Ne sathatónhni naisatʼtionhniónkwen; ne satʼtierónhniat ne iontionhniónkwa, tó꞉sa kénʼie satatókaf, ók thóh náʼtser tsi shí꞉ken ní꞉iot ne thó꞉ka nón꞉ta ó꞉nen shiʼsatʼtiónhnion tsi rawenhé꞉ion.

2 Samuel 21:21

Nó꞉nenh thaʼsakoiéron nʼIsraerʼró꞉nons, Jonathan ne roiénha ne Táwit iathatekén꞉a Shimei, rahónha wahononwarhiákhon.

1 Chronicles 2:13

Né Jesse tsáta nènh꞉ʼne nihonekenteronhtsheraʼiéntaʼkwe. Tsi ratisenhnaʼrónhnion né iosehron tsi nithotíʼionskwe: Eliab, Abinadab, Shammah,

1 Chronicles 27:32

Né Jonathan, né꞉ne kwáh Ronnontí꞉io Táwit rononhwáha í꞉ken, rorenhnáhonhne nasakotenhnikonhraʼshónterahse tánon roʼteweiénston. Ahónha tánon ne Jehiel né꞉ne roienkénʼen ne Hachmoni né꞉ne roterihóntaʼkwe nahsakohiatonhseraʼweiénsten ne ronnontí꞉io rahonekenteronhtsheraʼshónhas.

Esther 5:10

Nek tsi wahatatié꞉na tánon sahahtén꞉ti. Thó꞉ne wahshakohón꞉karon rontenroʼshón꞉ʼa raonónhskon naontahón꞉ne tánon wahshakoriʼwanón꞉tonhse ró꞉ne Zeresh skátne ahón꞉tien.

Esther 5:14

Ró꞉ne tánon rontenroʼshón꞉ʼa wahonwatenʼnikón꞉ron, “Iáh kenʼ téhsehre iontatniaʼterénktha ahsón꞉ni tsá꞉ta niwáhsen wisk niwahsì꞉take nitiótte? Enióhrhenʼne ohrhonʼké꞉ne enhtsheriʼwanón꞉tonhse ronontí꞉io ne Mordecai eʼthó ahonwahnià꞉terenke, thó꞉ne ó꞉nen enhsatonhnhá꞉ren tsi enhsatekhwahrá꞉na.” Haman waharihwanón꞉weʼne nahò꞉ten wahonwatenʼnikón꞉ron, sók ki wahaténhnhaʼne wahonnón꞉ni iontatniaʼterénktha.

Esther 6:13

Wahshakohró꞉ri ne ró꞉ne tánon rontenroʼshón꞉ʼa akwé꞉kon tsi nahoiaʼtawénhseron. Thó꞉ne ne ró꞉ne tánon rontenroʼshón꞉ʼa ne ronttokhaʼtsherí꞉io wahonwahró꞉ri, “Ó꞉nen tontáhsawen sationhátie ne saʼshatsténhsera tsi nonkwá꞉ti ne Mordecai. Sitaeró꞉non nahaiaʼtò꞉ten tánon iáh thahskwé꞉ni ahtshehsén꞉ni. Orihwí꞉io tsi enhiaʼshén꞉ni.”

Proverbs 19:6

Akwé꞉kon ionteʼniéntha ne è꞉neken thonátte aontón꞉sheke ahshakotirí꞉wawaʼse; akwé꞉kon ionhská꞉neks naiakotenroʼseraièn꞉take nónhka tehshakoná꞉wis ne kaiaʼtakehnháhtshera.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

1 Corinthians 3:19

Asèken nahóten ne tsi ionwentsiáte tekaiatorétha né꞉ne kariwahkwahrishóntshera akénhake tehiotenonwahrorítonte nèn꞉ne ne Rawenni꞉io raohénton. Tsi niwáhton noriwahtokénti, “Rawenni꞉io shahkoterístaiens ne rontótʼkhas ne rahotinikonrowahnhatsherákons”;

Ne꞉ne Sák Rohiaton 3:15

Né niwanonthonniontseróten iáh ne karonhiáke non tethewétha; né꞉ne tsi ionwentsiáte ahówenk, iáh tehioriwiʼiosthontseráien nók kíʼ hionesonronnontseráien.

Judges 14:20

tánon ne ró꞉ne né hionhsahahonkwéton ne roʼteronhnónhne sahoniáʼke.

1 Samuel 16:11

Ne Samuel wahawénhase ne Jesse, “Ratikwékon kén ne sanekenterontsherashón꞉ahs kén꞉en rón꞉nes?” Tánon ne Jesse wahén꞉ron, “Shé꞉kon ne thóh tsiatótʼte nakatenishó꞉kwah, ók ne raón꞉ʼa ne ne sakonikónrare teiotinakarontón꞉ʼa.” Tánon ne Samuel wahawénhase ne Jesse, “Ónkak ionsasheiaʼténiet nahonsahonwenhnónksa; asèken iáh tahiakwatiénton tsi niʼió꞉re kénʼen énraʼwe.”

1 Samuel 16:9

Eʼthó꞉ne ne Jesse wahahónhnien ne Shammah nahatóhetste. Tánon wahén꞉ron, “Iáh nonné꞉eh ne Roiá꞉ner tehohiatarákwen kí꞉ken.”