2 Samuel 13:21 - Ohiatonhseratokénti

²¹ Nó꞉nen ne ronnontí꞉io sahá꞉ronhke ki nahorihoténsons, kwáh í꞉ken tsi wahonákwen, ók iáh kíʼ tehorehwáton ne roiénha Ammon, tsioríhwa tsi nihonorónkwa, asèken neh thotierénton ronakerá꞉ton.

2 Samuel 13:21 ပူးပေါင်းရင်းမြစ်များ

Genesis 34:7

Ne Jacob raonekenhteronʼtsheraʼshón꞉ʼahs kahentà꞉ke naʼtontahón꞉ne. Ne sahatirihwá꞉ronke, ne ronnón꞉kwe kwáh í꞉ken tsi tahontónʼneke ó꞉ni kwáh í꞉ken tsi wahotinà꞉khwen, tiorí꞉wa tsi niiorihowá꞉nen tsi nahóhnhiʼkeh wahshakoʼnikonhrakaré꞉wahte ne Israeronónke tsi skátne wahiá꞉rate ne Jacob sakoièn꞉ʼa, aseʼkénh neh nikarihó꞉ten iáh teió꞉wenk neh nakaié꞉renke.

Genesis 35:22

Tsi nikarí꞉wes ne Israel tho nón꞉we nihanákerehkwe neh nón꞉we niionhóntsaien, né Reuben iahá꞉re tánon skátne wahiá꞉rate ne Bilhah ne ne roʼníha tehníiahsé꞉ne; tánon ne Israel waharihwá꞉ronke nétho. Ne Israel ó꞉nen tékeni iawén꞉re nihá꞉ti sihonekenhteronʼtsherá꞉ien.

2 Samuel 12:10

Nón꞉wa ne kariwaientákwen ne asarehkó꞉wa kwáh iáh nonwénton éhren taká꞉hawiton ne tsi sanonshó꞉te, asèken ní꞉se wasekʼkenron, tánon iashiá꞉tenhawe ne ró꞉nekwe Uriah ne Hitró꞉non neh setstenha ahonsón꞉ton.

2 Samuel 12:5

Ehʼthóhʼne ne Táwit raonhakwáhtshera tehiotenonhianíton tsi waʼkatsiró꞉ten niahotiatónti ne rónhkwe. Wahawénhase ne Nathan, “Ne Roiá꞉ner tsi nirónhne, ne rónhkwe ne kíʼ thóh nihoiéren tehothénhtion narénheʼie;

2 Samuel 13:20

Ne iatenosénha Absalom warénhaʼse, “Ne tiaʼtenosénha Ammon watʼhianikonrárenh kén? Sák thasatanónhni niá꞉rehkwe, tiatenósen; tiaʼtenosénha nètho; tó꞉sa tesathatenikonrá꞉ren.” Káti ne Tamar kanónskon wahonthatíteron, thóh tsi ronónshoʼte ne iatenosénha Absalom.

2 Samuel 13:22

Ók ne Absalom wahowenhnáraʼne ne Ammon ahontakariwaiérike khéhs nahonhetkéntake; asèken ne Absalom róshonskwe ne Amnon, tsioríhwa tsi thontashakonóntonhse ne iatenosénha Tamar.

Psalms 101:8

Kwáh niaʼtehioronhkhetseráke tsi enkhehiátonhte ratikwékon ne rotirihwáʼneren ne tsi ionhwenhtsáte, kwáh ratikwékon éhʼren enkhehiathenháwiʼte ne karihwaʼhetʼkénsera rotihióthens ne raonátakon ne Roiá꞉ner.

1 Samuel 2:29

Nontiéren kátiʼ tsi naihsatetʼtséntaʼke tsi taskanéraʼke ionkateskontáni ó꞉ni ne iontáti nètho waʼkatenhnhá꞉hon, tánon sénha ne ietsikweʼniénstha ne sewanekenteronhtieraʼshónhas tsi ní꞉ioht ní꞉ih ne tsi neh sewarehsentsthákwah neh kwáh tsiórehsens ne akwé꞉kon tionká꞉wis nakonkwetaʼshón꞉ʼahs Israerʼró꞉nons?’