2 Samuel 13:1 - Ohiatonhseratokénti

¹ Kwáh éhʼtho tsi ná꞉he shitsiotohétston. Ne Táwit roién꞉ha Absalom tsi niʼiotkathotserí꞉io rotenosénhtakwe Tamar iontátsiatsʼkwe; tánon ne Táwit roién꞉ha Amnon kwáh í꞉ken tsi nasakonó꞉ronhkwe.

2 Samuel 13:1 ပူးပေါင်းရင်းမြစ်များ

Genesis 29:18

Ók Jacob wahshakonó꞉ronhkwe ne Rachel, sók kíʼ wahén꞉ron, “Kwáh tsá꞉ta niiohserá꞉ke enkonióʼtenhse, ne kenʼ naʼtaiá꞉wenʼne ne nitiakoión꞉ha sheièn꞉ʼa Rachel.”

Genesis 29:20

Káti ne Jacob tsá꞉ta niiohserá꞉ke wahoióʼten oh naiá꞉wenʼne ne ahotíniake ne Rachel, tánon ne raorihwá꞉ke tho niiohtón꞉ne tsi sí꞉ken ní꞉ioht ne tohkáraʼk khók nón꞉ta akénhake, tiorí꞉wa tsi nihshakonorónhkwahkwe ne Rachel.

Genesis 34:3

Tánon kwáh raotonhnhetsherakwé꞉kon tsi waʼtkonwarenʼkén꞉ni ne Dinah ne ne Jacob sakoièn꞉ʼa; wahsakonó꞉ronhkwe ne ieiá꞉tase, tánon kwáh ʼi꞉ken tsi tehowennatsikhé꞉tare tsi nihshakohthará꞉hni.

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

2 Samuel 13:15

Ehʼthóhʼne ne Amnon ne wahoiéna ne kwáh í꞉ken teiotenonhiaʼníton kaswénhsera nakorihwá꞉ke; ne raoswénhsera tsi sénha teiotenonhianíton tsi ní꞉iot tsi sakoskánekskwe tsi nihatʼtókaskwe nakorihwá꞉ke. Ne Amnon wasakawénhase, “Wáhs shatsákenk!”

2 Samuel 13:2

Ne Amnon thóh nió꞉re tsi wasakonóronhkwe kwáh wahatatetʼrón꞉nien ne wakarihónhni ne iatenosénha Tamar, asèken nahón꞉ha shé꞉kon niʼiewí꞉non tánon thóh ní꞉iot tsi wahénehne tsi niwenhtó꞉reh ne Ammon neh thènnen nasakoiéraʼse.

2 Samuel 14:27

Ne Absalom áse nionekenteronhtseraién꞉takwe, tánon tseiá꞉ta tsakotonwí꞉sen Tamar iontátsiats; kwáh í꞉ken tsi iontʼkatotserí꞉io iakón꞉kwe.

1 Kings 11:1

Ne Solomon kwáh íken tsi shakorihwaʼkweniénsthaʼkwe ne thihiononhontsátes konhnónhkwe. Tshieskàte ne sakoiénha ne Egyptró꞉non ronhnonhtí꞉io ne rotiniákon né꞉ne Hitró꞉non konhónh꞉kwes tánon ne konhónh꞉kwes ne Moab, Ammon, Edom, tánon ne Sidon nónhwe niʼtsonenónhsehron.

1 Chronicles 3:9

Tse tsowenhte né ratikwé꞉kon kí꞉ken raoʼnekenteronhtsheraʼsónhas, né Táwit rotiwiraientáhon nón꞉ne ne rahonhatserahókons. Tánon ó꞉ni roʼiatasetieraiénhthaʼkwe, Tamar konwaiátsʼkwe.

Proverbs 31:30

Tsi niieweiennò꞉ten enkakwé꞉ni ensaʼnikonhrhá꞉ten nok ne iakoiaʼtáhskats iáh tiótkon thenkénhake, nok ne iakón꞉kwe ronwahsennakará꞉tats ne Roiá꞉ner kwáh orihwà꞉ke aietsihsennakará꞉tate.

Proverbs 6:25

Tóhsa ká꞉ti iesahskanékten tsi niiotiiaʼtáhskats; tóhsa ne akarihón꞉ni aiesaié꞉na tsi kontkahrokeríkhonhs.