2 Samuel 12:25 - Ohiatonhseratokénti

²⁵ tánon iahaʼterihwániete ne ne rotokénhse Nathan iaharihwénhawe; káti ne raónha Jedidiah wahoná꞉tonhkwe, tsioríhwa ne Roiá꞉ner tsi ronnorónhkwa.

2 Samuel 12:25 ပူးပေါင်းရင်းမြစ်များ

2 Samuel 12:24

Ehʼthóhʼne꞉ne ne Táwit wasakonikonranírate ne ró꞉ne Bathsheba, tánon ahonhá꞉ke niahá꞉re, tánon skát꞉ne wahiará꞉te; tánon waowiraién꞉tane raksáha, tánon ne raónha Solomon wahosénhnon. Ne Roiá꞉ner ronhnorón꞉kwa,

2 Samuel 12:26

Nón꞉wa ne Joab iahaʼtashón꞉teren wahonterí꞉io ne Rabbah, Ammonró꞉nons ne ne raotinatakweni꞉io íken, tánon wahatiénawaste ne kanontiʼiótsera aonatowanénhke.

2 Samuel 7:4

Ók kwáh ne shosónhta ne raowénhnah ne Roiá꞉ner wahoiatórenhne ne Nathan:

1 Kings 1:11

Ethòne ne Nathan Bathsheba wahatkénsehra, né꞉ne Solomon ronisténha, tánon waharihwanónhtonhse, “Iáh kén tesarihwarónhnen nètho Haggith roiénha Adonijah rahónha wahathatenonhtí꞉iosʼthe? Tanon ne Ronhnontí꞉io Táwit kwáh iáh othènen teharihwaienthénhri!

1 Kings 1:23

Ne ronhnonhtí꞉io wahonwaró꞉ri ne rotó꞉kenhse tsi thóh wará꞉we, tánon ne Nathan iahatháwehiaʼte tánon watʼtatʼtsákete rahohénton ne ronhnonhtí꞉io.

1 Kings 1:8

Ók ne Zadok né ratsihénstatsi, tánon ne Benaiah né꞉ne roʼníha ne Jehoiada, tánon ne Nathan rotokenséhakwe nenhné꞉e, tánon ne Shimei, Rei, tánon ne Táwit ronwahiathanónhnaʼkwe iáh nenhné꞉e Adonijah tethonwatswanónhnen.

1 Kings 4:5

Nohénton iéraʼte ne ratikorásons ne tsi watonwénhtsaien: né꞉ne Azariah né꞉ne roʼiénha ne Nathan Ne kanonhtiʼiótsera sakotenikonrawis: né꞉ne ratsihénstatsi Zabud né꞉ne roʼiénha ne Nathan

1 Chronicles 22:9

Ók kíʼ, ethohʼsáne, wahakarahrátsten. Wahénron, ‘Ensawirahiéntaʼne tsi kwáh skénnenk tsi enhatkórasʼte, tsioríhwa tsi entʼthíhion ne skénnen enkénhake tsi nòkwah ne tehontát꞉tsons. Solomon enhonwaiátʼtseʼke, Kí꞉ken kasénhna tsi iontonhníhon ne Hebrew owénhna né꞉ne “Shalom,” né kéntons “skénnon tánon iorihwaníron.” Tsioríhwa tsi nikaríhwes enhonhnontí꞉ioʼke enthekhéhion Nisraeʼró꞉nons ne skénnon ó꞉ni ne iorihwaníron.

1 Chronicles 3:5

tánon ronatiokowánen ne raoʼnekenteronhtseraʼsónhasʼkwe thóh nón꞉we nihonanahkeráhton. Né ró꞉nekwe Bathsheba, né꞉ne sakoiénhaʼkwe ne Ammiel, kaiéri nihotiʼnekenteronhtseraʼientáhon: né꞉ne Shimea, Shobab, Nathan, tánon ne Solomon.

Nehemiah 13:26

Iáh ken ne Solomon, ne ronhnontí꞉iokwe Nisraeró꞉nonke, ne waharihwanerahátste ne kí꞉kens nahorihoténhsons? Ethó kisane tsi niienakerénion nonkweʼshón꞉as iáh ki ónhka ne ronnontí꞉io ne tahonsahiatsérenhke, né꞉ne raoʼNí꞉io ronorónkwahkwe, tánon ne Ní꞉io raónha wahonontí꞉ioste akwé꞉kon tsi niwatenáskwah ne Israerró꞉nonhke. Ók Iekaní꞉hare ki ne wahosárihne ne karihwaneraháktsheras ne thiiahontsá꞉te iónkwe.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Matthew 3:17

Nok Karonhiake oni tahaȣenninekenne, ȣahenron: nehne Riienha rinoronkȣakoȣa, rahonhake ȣakien nakenoronkȣasera.

Deuteronomy 33:12

Tsi nokwáh tsi ratiʼtá꞉raien ne Benjamin wahèn꞉ron: “Ne kí꞉ken ne kentá꞉raien ne Roiá꞉ner shakonorónhkwa ó꞉ni teshakónes; Shakohiaʼtanonhnáties tsi niwenhniseréhsons, Tánon rahothinenhrí꞉hen rèn꞉teron.”