2 Samuel 12:17 - Ohiatonhseratokénti

¹⁷ Ne rotikstenokón꞉ahs ne tsi ronónshote rahiaták꞉ta wahthatítane, ronwaretiárons ne tahontaʼhatkétsko nonhontsáke; ók iáh tehathóntats, khéhs ó꞉ni ne skát꞉ne tahontón꞉te.

2 Samuel 12:17 ပူးပေါင်းရင်းမြစ်များ

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 37:35

Ratikwé꞉kon ne raonekenhteronʼtsheraʼshón꞉ʼahs ó꞉ni ne tsonathonwí꞉senʼs shakoioʼokón꞉ʼahs wahonteʼnién꞉ten nahonwaʼnikonhrahní꞉rate; ók iáh tehothontá꞉ton nahonwaʼnikonhrahnirá꞉ton, tánon wahén꞉ron, “Iáh, kwáh ienkátsnenhte ne Sheol nón꞉we tsítreʼs ne riién꞉ʼa, enwakatshonniónhkwen.” Káti ne roʼníha tehohsenthó꞉se.

2 Samuel 12:18

Ne tsatákhaton shiʼwenhniserakéhaton tsi ná꞉he thononwatʼtaníhon ne raksáha warénheie. Tánon ne raonhatseraókons ne Táwit ratitsá꞉niskwe nahonwaró꞉ri nètho raksáha tsi rawenhé꞉ion; asèken wahonníron, “Tsi ná꞉he rónnhekwe ne raksáha teionkwatá꞉rakwe ne Táwit, tánon iáh kíʼ teshonkwatahonsatáton; onká꞉ti ní꞉iot tsi atsitewaró꞉ri ne raksáha tsi rawenhé꞉ion? Ne rahón꞉ha nontserenk enhatatkaréwate.”

2 Samuel 3:35

Ehʼthóhʼne onkwetahkwékon tahón꞉ne nahonwaréhker ne Táwit ne knahótenk ará꞉ke tsík sénhak shé꞉kon iawenhniserón꞉te; ók ne Táwit kwáh í꞉ken tsi wahará꞉ratste, ratón꞉nions, “Káti aiá꞉wenhs ne Ní꞉io thóh nahatiérase, tánon sénha íshiʼnon, tó꞉kaʼ akatenatahrát꞉kenhse khéhs ne tsík nahó꞉tenk akénhake nohén꞉ton iakará꞉kwenhne!”

Psalms 102:4

Thóh ní꞉ioht tsi katʼtókas tsi ní꞉ioht ne iohontát꞉then tánon ónhkat iakoratatséʼson; tánon kwáh iáh teskhekwanónhwats.

Daniel 6:18

Eʼthó꞉ne né ronnontí꞉io tsi tkanonhsowá꞉nen nionsáre nok ahsontakwé꞉kon iáh tewá꞉tons ne ahó꞉taʼwe, kwáh iáh thé꞉nen tehawé꞉kon iáh ó꞉ni thé꞉nen tehotenʼnikonhró꞉ri.

1 Samuel 28:23

Iáh tehothontáhton, tánon wahén꞉ron, “Kwáh iáh thatahkatskáon.” Ók ne raonhatserashón꞉ahs, skát꞉ne ne iónkwe, wahonwárehke; tánon washakowénhnarakwe. Káti thontahakʼkétsko nonhontsáke tánon kanakthá꞉ke wahanitskwáhren.