2 Samuel 12:16 - Ohiatonhseratokénti

¹⁶ Ne Táwit wahoniténtʼtase ne Roiá꞉ner ne raksáʼa raoriwá꞉ke; Ne Táwit wahawenhtón꞉tiete, iahatáwehiate tánon asontakwé꞉kon ohontsáke rahiatiónhni.

2 Samuel 12:16 ပူးပေါင်းရင်းမြစ်များ

2 Samuel 12:15

Ehʼthóhʼne ne Nathan tsi thohʼnónshoʼte nionsá꞉re. Ne Roiá꞉ner kwáh í꞉ken tsi wahononwakʼtáthen naoksá꞉ta nètho Uriah ró꞉neʼkwe ne ne Táwit rotiwiraientáhon.

2 Samuel 12:22

Wahén꞉ron, “Tsi ná꞉he rónnhekwe ne raksáha, onkentón꞉tiete tánon watkaséntho; asèken wakiron, ‘Ónhka iakoteriéntare? Ne Roiá꞉ner nontsérek entorihwaiérike nakonhá꞉ke, tánon ne raksáha nontsérek enrónhnheke.’

2 Samuel 13:31

Ne ronnontí꞉io thontahá꞉tane, waharatiónko ne raotserónhniat, tánon ohontsáke wahatsatiónhnite; tánon ratikwé꞉kon ne raonhatseraókons ne thóh ratitakwe wahatirationko ne raonatseronhnia.

1 Kings 21:27

Nó꞉nen ne Elijah sahá꞉sa tsi nihotháraʼkwe, Né Ahab waharatiónhko ne rahotserónhniat, wahatseronhniáshion, tánon káiare sahatʼtserónhniaʼthe. Iáh tehatʼthóntats tahatskáhon, tshiehotserónhni ne káiare tsi ienhó꞉taʼwe, tánon ronhnátk꞉sen ó꞉ni thonikonhrénhen.

Nehemiah 1:4

Tánon nó꞉nenh shonkaʼthóntene kí꞉ken owenhnashón꞉ahs wakátsien tánon watkaséntʼto tánon wakaktiónhnion tó꞉ka nón꞉ta nikarí꞉wes; tánon onkwentón꞉tiete tánon wakaterén꞉naien raohénton ne Rawenni꞉io tsi karonhiá꞉te.

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Psalms 69:10

Eʼthàke waʼkatatónhni tsi onhkenhtón꞉tiete, tánon nonkweshón꞉has waʼhonkenikonratsathánion tsi thóh nátiereh.

Isaiah 22:12

Né thóh entewenniseráteke ne Sakoiá꞉ner ne ronterí꞉ios ratironhiakeró꞉nons iasakonónkkon ne teionhséntʼthos tánon ne ronaktiónhnions, ahiʼsewathatenónkare tánon káiare ahisewatʼtserónhniaʼte;

Isaiah 26:16

Ó Saiá꞉ner, aterientakariahtserákon tsi wahesahiatíshaʼke, tahonwéron naʼterenhnaientátshera nó꞉nenh ne sáwenk karehwatátshera sahotíraʼne.

Daniel 6:18

Eʼthó꞉ne né ronnontí꞉io tsi tkanonhsowá꞉nen nionsáre nok ahsontakwé꞉kon iáh tewá꞉tons ne ahó꞉taʼwe, kwáh iáh thé꞉nen tehawé꞉kon iáh ó꞉ni thé꞉nen tehotenʼnikonhró꞉ri.

Daniel 9:3

Onkentóntiehte, ká꞉iare waʼkatsheronniáʼton, tánon ne waʼkenhrontákwen wahkatathakenráh꞉ko. Tánon iaʼtewakonniá꞉ton wakaterénnaien riianitenhtá꞉se ne Roiá꞉ner Rawenni꞉io.

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Acts 9:9

Nehne ásen niwenniseráke kwáh iáh thènen thesákenʼkwe, tánon thoʼnikaríwes kwáh iáh thènen tehawékon iáh ó꞉ni thènen tehonekíren.

Joshua 7:6

Ne Joshua tánon ne shakotihenténhse Israerʼró꞉nons wahatiratiónhko ne rahonatʼtserónhniat tsi nihotiʼnikonhráksenhs, ohontsà꞉ke wahonthatiaʼtónhti hohénton ne Roiá꞉ner Raoneró꞉kwah ne ateriwaʼsehronhniá꞉tshera í꞉wa, tánon tsiahó꞉karahwe tsi thóh ratihiaʼtáien, ronahkèn꞉rare ne ratinonhtsí꞉ne nahonhnénesthe tsi rotiʼnikonhráksens.