2 Samuel 12:13 - Ohiatonhseratokénti

¹³ Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

2 Samuel 12:13 ပူးပေါင်းရင်းမြစ်များ

Genesis 39:9

Iáh sénha tehoʼshaststenhserá꞉ien kíʼ kén꞉en kanónhsote tsi ní꞉ioht nʼi꞉i, iáh ó꞉ni oh thé꞉nen tehakahtshiawenhrá꞉ti kwáh nek khók tsi nonkwá ní꞉se, tiorí꞉wa tsi í꞉se tesení꞉teron; oh katíʼ ní꞉ioht tsi akkwé꞉ni tho nakátiere ne nikarihwahétken tánon akerihwanéraʼke tsi nokwá ne Rawenni꞉io?”

2 Samuel 24:10

Ók onakènhke, ne Táwit wahawerhiasanónhwake tsioríhwa tsi sakoséhton nonkweʼókon. Ne Táwit wahawénhase ne Roiá꞉ner, “Wakeriwáneren kwáh teiotenonhianíton ne tsi niwakatiéren. Ók kíʼ nón꞉wa, Ó Saiá꞉ner, Wakaterénhnaien shonháke, éhren shasáwit ne nakenhí꞉tsera; asèken thóh niwatiéren ne kwáh í꞉ken teiotenonwarorítonhte.”

2 Samuel 24:17

Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

1 Kings 13:4

Nó꞉nen ne Ronhnonhtí꞉io Jeroboam shaharihwáronhke kí꞉ken, iahotsáton tánon wahorihónhten, “Tshiéna thí꞉ken rónhkwe!” Kwáh kíʼ óksak ne ronhnonhtí꞉io ranenhtsáke onhthakénheie né káti ne iáh thaʼhónton ne tahontahanentʼtsatihéntʼtho.

1 Kings 21:20

Nó꞉nen ne Ahab sahó꞉ken ne Elijah, wahénron, “Waseʼnónhteraʼne, tetiatátʼtsons?” “Hen, thóh nahá꞉wenhne,” ne Elijah wathariwaseráko. “Kwáh sateriwathokénston iehiokonhthákwen tsi thóh nishié꞉ra tsi nahó꞉ten ne iáh tetkarihwaiéri rahohénton ne Roiá꞉ner.

1 Kings 22:8

Ahab watharihwaseráko, “Shé꞉kon saiáta rothathénron, né꞉ne Micaiah né꞉ne roʼníha ne Imlah. Ók kíʼ ríhsons nenhné꞉he tsioríhwa tsi iáh nonhwénton tsehorihwáken né thènen ahioianeréhake nakerihwáke; tiotʼkonhónwe knahótenk karihwahétken í꞉ken.” “Iáh tehiówenk né꞉ne ashí꞉ron!” ne Jehoshaphat watharihwaseráko.

2 Kings 1:9

Ethòne ónen rasenhnowánen iahotóri wísk-niwásen niháti wahonteró꞉sen nahonwenhnónk꞉sa ne Elijah. Né rasenhnowánen wahó꞉ken tsi ionhniáhere rénskothe kíʼ wahawénhase, “Ní꞉io rahonkwéta, ronhnontí꞉io ratró꞉ris nahonthasanontátsnenhte.”

1 Chronicles 21:8

Né Táwit wahawénhaʼse ne Rawenni꞉io, “Iorihowánen sakaterihwatéwathe ne karihwáneren tsi nátiere! Asatʼthontátʼtsheke saskenikónhrens. Teiotenonwaroríhtonhte tsi nakátiere.”

2 Chronicles 16:10

Né kí꞉ken wakakwéni ne Asa tsi nió꞉re tsi wahonákwase ne rotokenséhakwe wahaténhnahne nahonwaronhkwahsanérenhke. Étho kíʼ shiʼkaháwi ne Asa tahatáshawenh nashakoteniakatsʼtátʼtie nonhkweʼshón꞉as.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Job Tánon ne Raoronhiakensera 33:27

Enhokenhé꞉ion ne rónkwe tánon tó꞉ka nónhkak ahiaiéron, ‘Wakerihwáneren tiorì꞉wa tsi í꞉i wakerihonhní꞉hon ne tionkweʼtaié꞉ri nahiontahontáko, ók iáh ki á꞉rehko tewatienàhon tsi natewakaténtion.

Psalms 103:12

kwáh tsi nió꞉re ne tsitkarakwínekens tánon tsi nió꞉re ne tsi iatewatʼtsénhthos, thóh kiʼ nió꞉re tsi éhʼren rohawíton nonkwarihwaʼnerahákʼtseras.

Psalms 51:16

Iáh né thatesatonhontsóni ne kariwiʼiosehokónhas; tó꞉ka né iakontátʼtse ne watéskonte, iáh né tahisehrenhtí꞉ioste.

Psalms 51:4

Waʼkerihwáneren tsi nòkwah ní꞉se, tánon kariwák꞉sen tsi niwaʼkatiéren ne sahénton, tesèhrits nó꞉nen enskénhase, saníkon tsi watestsiatórete tkariwaʼiéri tsi ní꞉ioht tsi wasetréwaʼte.

Psalms 51:6

Tsi nahióntsere ne tkarihwaʼiéri nakawerhiáne nón꞉we ahontakaiénthakwe tánon ne iésehre ne iotokenskehónwe ne Rawenni꞉io raowenhnahó꞉kon né thóh ní꞉ioht tsi rarihwaʼnón꞉tons ne Rawenni꞉io; takerihón꞉nien atʼthokhátseras tsi nòkwah ne ioteriwaʼséhtons.

Exodus 9:27

Ne ronhnonhtí꞉io iasakoteriwahniéʼten ne Mahís ó꞉ni ne Aaron tánon wahénron, “Kénʼen tsi nihiowisʼtháʼeh wahkeriwàhnerahke; ne Roiá꞉ner thaʼiérits, tánon nakonhkwetashón꞉ʼa ó꞉ni í꞉i tehiakwaterienthawénʼries.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Isaiah 38:17

Oriwiʼiohónwe né natiaʼtakenáhtshera kènhne né꞉ne teiotenonhianíton tsi kí wakenikonhráksenhskwe; ók thontasónhneke ne tsi kónnhe ne tsi tsiosónwaien ne atkaronhniátshera, asèken akwékon í꞉she ieshá꞉tion nakerihwaneraháktsheras tshónnhe nón꞉we nisáien.

Isaiah 43:24

Iáh tesetninón꞉se ne tehiotsikhétare ohhé꞉re ietsiʼkhetonniátha nowístha ahiʼshakariáktonke, khés né꞉ne ahontaskenikonraieríhtonke ne iorésenhs sateskontákwen. Ók ne waʼskerieniátsʼteten ne sarihwanerahák꞉tsheras; ne waʼtesetwisenhehiáthaʼkwe ne sarihwahetʼkénsera í꞉ken.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Lamentations 3:32

Thokanónwa kanikonrakséntshera enteshóntion, nók kíʼ ne raononronkwáhtshera kwáh nen:ne ioriwí꞉io ó꞉ni kasáste.

Leviticus 20:10

Tó꞉ka ne rónhkwe enhatenakwahiésaʼte né꞉ne Israerʼró꞉non ró꞉ne, rahónha ó꞉ni ne iónhkwe tsi enhonwatinonhwariákon.

Leviticus 24:17

“Nónhka ahonsahionteriwáʼtewaʼthe ónenk tsi enhonwanonhwariákon,

Zechariah 3:4

Ne raronhiakeró꞉nonh wahsakawénhase ne raonhatsherahó꞉kons ne karonhià꞉ke, “Ahé꞉ren sehwahá꞉wit ne tehiokweniáhtion kí꞉ken rónkwe rhotieronniáhton.” Ethò꞉ne wahawénhase ne Joshua, “héren wahkhá꞉withe ne sharihwaneraháktshera tánon akweniáhse tentʼkónhion nahonshasháste.”

Matthew 14:10

Nok iashakotori ȣahonȣaniariakha ne ȣaȣatis tsi nonȣe tannhotonkȣe.

Luke 15:21

Nok ne ranekenteron ȣahenron: Rakeni, ȣakennhikon kentho ehtake nakaronhiati oni sahenton, iah kati teseȣakien naonsaionkenatonkȣake Hetsienha.

Luke 18:13

Nok ne rakarotasions otasetonke tontahatonstsoten akȣekon iah teȣatarakestskȣenhatie, nok raton tsi roterennaien: O Niio! Takitenr ȣakeriȣaneren.

Acts 2:37

Neh nónen nonkwesónha sahakohthónteʼne kí꞉ken, kwáh íken tsi wationtaʼtenikonráren tánon wahonwénhase ne Tiér ó꞉ni ne ronátiakes ratikweʼkón꞉ne, “Onhʼnenhiakwáiere, tewathatékens?”

Hebrews 9:26

asè꞉ken ónenk tsi wéso iorihwáhke ahonsahoronhiakénʼen tsi náhe tiotonhontsí꞉shon. Khèʼkhok, nónwah ónen norihwakwékon ákta íweh ne tsi iehiótokʼte, énskak khók iehototáshion, nahonsaharáhkeʼwe ne kariwáhneren ehnahóntawe tsi rahonhatsí꞉wah roronhiakén꞉en.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

1 Samuel 15:20

Saul wahawénhase ne Samuel, “Wakatewenhnaráhkwen ne raowennaókons ne Roiá꞉ner, Thóh niewakénon wakaterihwathentiá꞉ton tsi kiʼ niehakateniéton ne Roiá꞉ner, Thiʼiaténha ne Agag ne ne sakonontí꞉io ne Amalekró꞉nons, tánon kwáh thóh kénʼen tsi keiatónhton ne Amalekró꞉nons.

1 Samuel 15:30

Eʼthóhne ne Saul wahén꞉ron, “Ní꞉i wakherihwanerahákskon; nék kík sá꞉ka taʼkwénienst nón꞉wa raotihén꞉ton ne tonhnonkweʼtaions ne nakonkwetashón꞉ʼahs tánon raotihénton NʼIsraerʼró꞉nons, tánon ietsitiaterósen, nètho nahón꞉ton ahisénhnaien ne Roiá꞉ner Saní꞉io.”