2 Samuel 12:10 - Ohiatonhseratokénti

¹⁰ Nón꞉wa ne kariwaientákwen ne asarehkó꞉wa kwáh iáh nonwénton éhren taká꞉hawiton ne tsi sanonshó꞉te, asèken ní꞉se wasekʼkenron, tánon iashiá꞉tenhawe ne ró꞉nekwe Uriah ne Hitró꞉non neh setstenha ahonsón꞉ton.

2 Samuel 12:10 ပူးပေါင်းရင်းမြစ်များ

Genesis 20:3

Ók kíʼ ne Rawenni꞉io atetshenhserá꞉kon tsi wahoiaʼtó꞉renʼne ne Abimelech tsi niwahsón꞉tes, tánon wahawènhahse, “Tsiheiónhsere, tiorí꞉wa neʼthó ión꞉kwe iehshiaʼténha; ó꞉nenh nenʼnéʼeh ioniá꞉kon.”

2 Samuel 18:33

Ne ronnontí꞉io otsitówa wathaséntʼtho, tánon tsi tsionáktaien niahá꞉re thóh éhʼneken tsi iotenhenrakáronhte, tánon tehaséntʼthos; tánon tsi niahá꞉re, wahén꞉ron, “Ó riʼiénha Absalom, riʼiénha, riʼiénha Absalom! Í꞉i ahonkihé꞉ion tsi ní꞉iot ní꞉se, Ó Absalom, riʼiénha, riʼiénha!”

1 Kings 15:5

Né Roiá꞉ner né ahoríhwa thóh kí꞉ken nahá꞉iere tsioríhwa ne Táwit tsi thóh nihoiéren né nahontahonikonhraiérihthe tánon iáh nonhwénhton tehotewenhnónhtion tsi nahoténsons ne rahorihwatátʼtseras, nek khók né Uriah né Hitró꞉non aorihwasónha.

Proverbs 17:13

Tókaʼ ne enseskáriaʼkte ne wahétken ne aonaktà꞉ke ne ioiánere, iáh ki nonwén꞉ton é꞉ren thá꞉wehte ne ioʼtáksen ne sanónhskon.

Amos 7:9

Ne tsi ionhnontarónhnions tsi nón꞉we ne Isaac raowá꞉tsires nihonterenhnaientáhkwa kwáh ki enkarihwentʼtonhke, tánon ne raotinonsatokentikowátʼtions nʼIsraerʼró꞉nons kwáh ki eʼtake enwatiónke, tánon kwáh kí iekehiatsiatónhti ne rahonkweʼtashón꞉as ne Jeroboam asareʼkó꞉wa én꞉katste.”

Numbers 11:20

ók kíʼ sewenhníta nikaríhwes, tsi nióre ne tsi teshaʼhonthakáronhte tentkahiákenhne, tsi nióre ne kwáh ensonhnákʼshaʼte. Thóh kíʼ nenhiáwenhne tsioríhwa tsi watsʼkénron ne Roiá꞉ner né tsi rahónha kèn í꞉res tsi nónhwe nísehwes tánon rahónha waʼtserihwakátatʼtse né tsi tó꞉sa nonhwènhton tahontesehwaténhtionke ne Egypt.’”

Matthew 26:52

Ethone tahenron ne Iesos: Saseta ne sasharekoȣa tsinonȣe niionakte: Aseken tsiniiakon neh enkonȣaniahese ok neh entsiakorioste.

Matthew 6:24

Iah taonton onka tekeni taokosȣetseraientake; aseken tokat saiatatenhosȣen, onhononȣene ne saiatat; ok neʼsʼenʼs ne saiatat enhokonnienste, enhokenron ki ne saiatat, iahkati oni nise taonton ne sataietsiiotense, ne Niio tanon notkonseraksen.

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

1 Thessalonians 4:8

Kwáh káti, nónka neniekénron kí꞉ken karihonniennítsheras iáh seh ónhkwe tahonwahkénron, nok Rawenni꞉io, tsi rahónha thiʼáwis ne Raonikonratokénti.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.