2 Samuel 11:13 - Ohiatonhseratokénti

¹³ Ne Táwit wahohónkaron ne tahiá꞉tonte ó꞉ni aninekíra skátne tánon wahononwaráthonʼte; tánon neh shitsiokará꞉on iahahiákenʼne thahanitskarakwentá꞉ro skátne ne raonhatseraó꞉kons ne rateriʼioserakweʼní꞉io, ók iáh kíʼ tieshawénon ne tsi thonónshote.

2 Samuel 11:13 ပူးပေါင်းရင်းမြစ်များ

2 Samuel 11:9

Ók ne Uriah iáh teshoténtion thóh wahó꞉tawe tsi ieiontawehiatákwah ne ronnontí꞉io raonónskon skátʼne ne raonhatserashón꞉ʼahs ne ronnontí꞉io,

2 Samuel 13:26

Ehʼthó꞉hʼne ne Absalom wahénron, “Tòkaʼ iáh, tieríhon kíʼne iatiatatekénʼa Amnon nahiá꞉kwe.” Ne ronnontí꞉io wahawénhase, “Onhnontiéren tsi ó꞉nek tsi kwáh raónha ahí꞉sewe?”

Exodus 32:21

Wahawénhase ne Aaron, “Ónh nahesahiérase kí꞉ken onhkweshón꞉ʼa, tsi wasehiónhnien thóh nihioriwaʼtsháni tsi wahatiriwánerahke?”

Proverbs 20:1

Só꞉tsi wé꞉so enhsnekí꞉ra tesaterienʼtakáriatonke tánon ensanonhwaró꞉rike. Teiotenonhwarorí꞉tonte naiakohné꞉kataʼne.

Proverbs 23:29

Takenaʼtón꞉hahs nón꞉kwe só꞉tsi wé꞉so ratihnekíhrha, tánon wé꞉so niaʼtekahné꞉kake enhóntkenʼse, tánon enkonnaʼtón꞉hahse nón꞉kwe ne iáh tehonatonhnháhere tánon rontatí꞉tenhre, tiótkon nek ne tahshakonaʼnikonhrhá꞉ren tánon rotirihwakaʼtén꞉ʼen. Tiotenekwà꞉ra ne ratikahrà꞉ke, tánon ronatkarewahtánion, aiotón꞉ʼon tóhsa eʼthó naiawén꞉ʼen.

Habakkuk 2:15

“Satrewátane asè꞉ken wasehiónhnien ne tesewatonhontsanekʼkhánion nahatinekí꞉ra, sehná꞉kwahse kwáh tsi nió꞉re iahotinonwá꞉raton, ne nahónton tasehiatkáneren tsi raotineoskonkʼthí꞉ken!”