2 Samuel 10:8 - Ohiatonhseratokénti

⁸ Ne Ammonró꞉nons tahatiʼiákenʼne wahontateweienʼnénhtane naonterí꞉io thóh wathatítane tsi ieiontawaiatáhkwa tsi iotenhenrakáronte; ók ne Aramró꞉nons ne Zobahró꞉nons ó꞉ni ne Rehobró꞉nons, tánon ne ronhnónkwe ne Tobró꞉nons ó꞉ni ne Maacahró꞉nons, rononhatsíwakok thikènʼne ne kahentatʼtóntses.

2 Samuel 10:8 ပူးပေါင်းရင်းမြစ်များ

2 Samuel 10:6

Nó꞉nen ne Ammonró꞉nons sahónt꞉toke tsi ronwaná꞉kwase ne Táwit, ne Ammonró꞉nons ronaterihón꞉tons iaʼsakoténiete tánon ne ahonwathí꞉nhane Aramró꞉nons ne Beth-rehob nón꞉we tánon ne Aramró꞉nons ne Zobah, tewáhsen tehonhnenhniawehetseráhsen nihá꞉ti ne thaʼkésons tsi ní꞉iot tsi ronterí꞉ios, aioiánerenhne ó꞉ni ne ronnontí꞉io ne Maacah nahahiatará꞉ke, énska ne tehonhnenhniawehetseráhsen nihá꞉ti, tánon ne ronnónkwe ne Tob nón꞉we, tekeniʼiawénre natehonhnenniawehetseráhsen nihá꞉ti.

2 Samuel 10:7

Nó꞉nen ne Táwit sahariwáronhke, Joab iahotóri ó꞉ni ratiʼkwé꞉kon ne ronterí꞉io ahónhne ne ronterí꞉ios.

2 Samuel 10:9

Nó꞉nen ne Joab sahát꞉toke nètho ateriʼiósera tsi enthotsatónhti thóh rashón꞉ne ó꞉ni raohén꞉ton, ne washakoiatará꞉ko ne kwáh rotirenhná꞉hon nahonterí꞉io NʼIsraerʼronónke, tánon washakonenhraʼserónhni niahonwanatiaʼtónhti ne Aramró꞉nons;

2 Samuel 23:34

Ne Eliphelet ne roiénha ne Maacah; Eliam ne roiénha ne Ahithophel ne ne Giloró꞉non;

1 Kings 11:24

tánon rahón꞉ha renhtsiokwahkweʼní꞉ioʼkwe ne sonhterihwaʼtewá꞉thas. (Thóh né kí꞉ken thóh nihiawénhen nó꞉nen ne Táwit sahosénhni ne Hadadezer tánon shakononhwarhiakónhnions ne Syriaró꞉nons thonatenhróhonhne.) Ne Rezon tánon ne rahotsiókwah Damascus nónhwe niahónhne thóh nónhwe ionhsahonthatíteron, thóh nónhwe ne thonwatswanónhnahkwe wahonwanontiʼiotserónhni ne Syria nónhwe.

1 Chronicles 19:7

Né áhsen-niwáhsenh-tékeni niʼwenniawehetsherásen nikaseréthakes notsiónkwahs ne ronatenhnahonhne tánon ne ronhterí꞉ios ne ronnontí꞉io raoʼtsiókwas né꞉ne Maacah nón꞉we nontahónhne tánon ákta ne Medeba nón꞉we nahonthatoseró꞉ten. Né Ammonró꞉nons ronónha ó꞉ni tahatiʼiakénhseron ne tsi kanatowanénhkes tánon wahontateweienénhtane nahonterí꞉io.

1 Chronicles 19:9

Né Ammonró꞉nons wahatiʼnenhrahserónhni tsi iahatiʼiákenhne tánon thóh nón꞉we nathatiʼtáʼseron ne tsi iehiontaweiathákwah ne Rabbah né꞉ne ronónha raoʼtinataʼkwení꞉ioʼke, tánon ne rontiʼnontí꞉ios ne thóh né non nahonwatiʼiénawaʼse thóh nón꞉we nahthatítaʼne ne tsiatehiotskaráhwen kahentakéson nón꞉we.

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Numbers 13:21

Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

Joshua 19:28

Ebron, Rehob, Hammon, tánon ne Kanah, tsi nió꞉re ne Sidon.

Judges 1:31

Né rahothitsiókwa ne Asher iáh tehonwatihiatinekénʼen nonhkweshón꞉as ne kanatowanénhke ratinákerekwe né꞉ne Acco, Sidon, Ahlab, Achzib, Helbah, Aphek, tánon ne Rehob.

Judges 11:3

Né Jephthah é꞉ren tárehte tsi ratíteron ne sakotsihokónhas tánon tsi tsohonhtsáien ne Tob hionhsahathatíteron. Ethonónhwe wateshakonikonhrakénhni ne iáh othènen tehiahonkwetarihóntons ronhnónhkwe, tánon skát꞉ke tsi wathonthawénhrie.

Judges 11:5

Nónenh kí꞉ken eh sahá꞉wenhne, ne shakotiʼhéntenhse ne Gilead nónhwe Tob niahón꞉ne tánon thontahonwahiaténhawe ne Jephthah.