2 Samuel 10:6 - Ohiatonhseratokénti

⁶ Nó꞉nen ne Ammonró꞉nons sahónt꞉toke tsi ronwaná꞉kwase ne Táwit, ne Ammonró꞉nons ronaterihón꞉tons iaʼsakoténiete tánon ne ahonwathí꞉nhane Aramró꞉nons ne Beth-rehob nón꞉we tánon ne Aramró꞉nons ne Zobah, tewáhsen tehonhnenhniawehetseráhsen nihá꞉ti ne thaʼkésons tsi ní꞉iot tsi ronterí꞉ios, aioiánerenhne ó꞉ni ne ronnontí꞉io ne Maacah nahahiatará꞉ke, énska ne tehonhnenhniawehetseráhsen nihá꞉ti, tánon ne ronnónkwe ne Tob nón꞉we, tekeniʼiawénre natehonhnenniawehetseráhsen nihá꞉ti.

2 Samuel 10:6 ပူးပေါင်းရင်းမြစ်များ

Genesis 34:30

Eʼthó꞉ne ne Jacob wahshakawènhahse ne Simeon tánon ne Levi, “Taskenihawíhtaʼse ne taonkeʼnikonhrá꞉re ne tsi wahskenónnien naiónkswen ne ratinakerénion tsi ionhontsá꞉te, ne Canaanró꞉nons tánon ne Perizró꞉nons; iáh tewakitiohkowá꞉nen, tánon tó꞉ka enhonnitiohkwaró꞉roke naionkatkón꞉ten tánon aontaionhkatiaʼtón꞉ti, kwáh kíʼ enionkáhtonʼte, tetsá꞉ron Í꞉i tánon nakhwá꞉tsire.”

2 Samuel 10:5

Nó꞉nen sahonwaró꞉ri ne Táwit, iasakoteriwaniéten ne ratiriwakarénies ne tahontátʼke, asèken ne ronnónkwe teiotenonhianíton tsi nihontéhenskwe. Ne ronnontí꞉io wahén꞉ron, “Thóh tasewenterón꞉tat Jericho tsi ní꞉iore tentsisewakonstonréshane, tánon ehthóhʼne tontásewe.”

2 Samuel 10:7

Nó꞉nen ne Táwit sahariwáronhke, Joab iahotóri ó꞉ni ratiʼkwé꞉kon ne ronterí꞉io ahónhne ne ronterí꞉ios.

2 Samuel 16:21

Ne Ahithophel wahawénhase ne Absalom, “Wáhs ne sewanáhwit ne ianíha tehatiʼiásehne, tsi niká꞉iens sakotieténhni nakontenhnikonrá꞉ren tsi roʼnónshoʼte; tánon ratikwé꞉kon NIsraerʼronónke enhónronke nètho ní꞉se tsi nashón꞉ni ne kariwahét꞉kenh rahonhá꞉ke ne ianí꞉ha, tsi thóh kíʼ nénhsere kwáh kíʼ sénha enhatisháststenhne ne iesanonterá꞉ties.”

2 Samuel 23:34

Ne Eliphelet ne roiénha ne Maacah; Eliam ne roiénha ne Ahithophel ne ne Giloró꞉non;

2 Samuel 8:12

Thóh nithoháseron Edom, Moab, ne ne Ammonró꞉nons, ne ne Philistines, Amalek, tánon tsi nètho haséhron ne ronenhskwenháton ne Ronnontí꞉io Hadadezer ne ronikénʼen ne Zobah.

2 Samuel 8:3

Ne Táwit kwáh ó꞉ni nonʼné꞉eh waononwariákhon ne Ronnontí꞉io Hadadezer ne ne roní꞉ha ne Rehob ne Zobah nón꞉we nihanákerehkwe, ne raónha tsi niahá꞉reh nahonsahakwahtáko ne raoshaststénhsera ne tsitkaniatarathátsie ne Euphrates.

2 Samuel 8:5

Nó꞉nenh ne Aramró꞉nons ne Damascusró꞉nons wahón꞉newe nahonwasniénon ne Ronnontí꞉io Hadadezer ne Zobahró꞉non, ne Táwit wasakononwariakhónhnion tewáhsen-tékeni tewenhniawehetsheráhsen niháti ronónkwe ne ne Aramró꞉nons.

1 Kings 11:24

tánon rahón꞉ha renhtsiokwahkweʼní꞉ioʼkwe ne sonhterihwaʼtewá꞉thas. (Thóh né kí꞉ken thóh nihiawénhen nó꞉nen ne Táwit sahosénhni ne Hadadezer tánon shakononhwarhiakónhnions ne Syriaró꞉nons thonatenhróhonhne.) Ne Rezon tánon ne rahotsiókwah Damascus nónhwe niahónhne thóh nónhwe ionhsahonthatíteron, thóh nónhwe ne thonwatswanónhnahkwe wahonwanontiʼiotserónhni ne Syria nónhwe.

2 Kings 7:6

Né Roiá꞉ner né waʼrónhniate né Syriaró꞉nons ronhterí꞉ios tsi wahonatʼthóntene tsi ní꞉ioht ne tahotinenhríne rotiʼtsiokwatʼtsáni ronhterí꞉ios tahotisátenhtse tánon otsónkwah tahotihonwísere, ók né Syriaró꞉nons né꞉ne wahón꞉nere né ronnontí꞉io Nisraeʼró꞉nonke né wasakónaʼne ne Hitró꞉nons tánon ne Egyptró꞉nons rontinontí꞉ios ó꞉ni ne rahononkwetaʼshón꞉as ronterí꞉ios niaʼonwanatsatónhti.

Psalms 48:4

Eʼthóhʼne ó꞉nen ne rontinontí꞉ios waʼhontkenhnísa, tánon iahónhne niakonwaʼtsatónhti tsi ionónte ne Zion.

Exodus 5:21

Wahonwenhnénhaʼse ne Mahís ó꞉ni ne Aaron, “Ne Roiá꞉ner rotʼkáton tsi niʼtsiatiéren tánon kwáh entsiseniréhwathe tsi wahtsisehnónhnien ne Ronhnonhtí꞉io ó꞉ni ne rahonkweʼtashón꞉á nohénton iehonʼnéton nahionkhíson. Waheʼtsiʼiatesenhniʼiósten ne tó꞉sa aonteraiá꞉taʼkwe nahionkhinonhwarhiaʼkónhnion.”

Proverbs 25:8

Tóhsa só꞉tsi tesasteríhen kaianerenhserà꞉ke niáhse tsi nahò꞉ten wahsatkáhtho. Oh nénhshiere tókaʼ akó꞉ren enierihwahní꞉rate tsi nahò꞉ten í꞉sen iáh tó꞉kenhske té꞉ken?

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Jeremiah 46:21

Shé꞉kon ne ronhwathináhon ne ronhterí꞉ios thóh nióre tsi iáh othènen tehatístas tsi ní꞉ioht ne tionnónhskwahron owíra. Iáh tahthethohtiʼtáhon nahonahterí꞉ioʼke; rahtikwékon wahthontʼkarahtáni tánon wahontèko. Ne rahonenhnísehras ne kariwahiesáhtsheras ónhwe, iakáhewe ne rahothirewahthá꞉tshera.

Deuteronomy 3:14

Ne Jair, né꞉ne Manasseh nahoʼtaró꞉ten, kwáh ohontsakwé꞉kon wahatié꞉nawatste ne Argob, né꞉ne, Bashan nónhwe, kwáh tsi nió꞉re tsit karistatátie ne Geshur ó꞉ni ne Maacah. Ne tsi nihosenhnò꞉ten né wahanà꞉tonkwe ne tsi kanataién꞉tons, tánon shé꞉kon ne konwatisenhnaienté꞉ris tsi kanataién꞉tons ne Jair.)

Judges 11:3

Né Jephthah é꞉ren tárehte tsi ratíteron ne sakotsihokónhas tánon tsi tsohonhtsáien ne Tob hionhsahathatíteron. Ethonónhwe wateshakonikonhrakénhni ne iáh othènen tehiahonkwetarihóntons ronhnónhkwe, tánon skát꞉ke tsi wathonthawénhrie.

Judges 11:5

Nónenh kí꞉ken eh sahá꞉wenhne, ne shakotiʼhéntenhse ne Gilead nónhwe Tob niahón꞉ne tánon thontahonwahiaténhawe ne Jephthah.

1 Samuel 13:4

Nó꞉nenh ratikwé꞉kon nIsraerʼronónke saonahthónhtene nètho Saul tsi sakosénhnion ne ronwanahtsatonhtakwénhni ne Philistine, tánon kwáh ó꞉ni nètho Israerʼró꞉nons wahonwatíshon ne Philistine, nonkweʼshón꞉áhs tahonwatínonke nahonwatiá꞉taraʼse ne Saul thóh nón꞉we Gilgal.

1 Samuel 27:12

Ne Achish tawetákwenhne ne Táwit, tsi ranontón꞉nionskwe, “Tsi nahatatʼtiáhase kwáh í꞉ken tsi wahonwáson NʼIsraerʼró꞉nons; ne káti aoríhwa kwáh kiʼ tió꞉konte akenhá꞉tsera enkénhake ne rahón꞉ha.”