2 Samuel 10:15 - Ohiatonhseratokénti

¹⁵ Ók nó꞉nenh ne Aramró꞉nons sahóntoke ne roʼnón꞉ha tsi Israerʼró꞉non ronwatisénhnion, wahonhnitsiokwahróroʼke roʼnonháhakhók skát꞉ne wahónton.

2 Samuel 10:15 ပူးပေါင်းရင်းမြစ်များ

2 Samuel 10:14

Nó꞉nenh ne Ammonró꞉nons sahonwatíken ne Aramró꞉nons wahontèko, kwáh nonʼné꞉e thóh nahatí꞉iere ne ronón꞉ha sahontèko raohén꞉ton ne Abishai, tánon iahatinatárane ne kanatowá꞉kenke. Ehʼthóhʼne ne Joab thóh nionsá꞉re ateriʼioseráke nahonterí꞉io ne Ammonró꞉nons, tánon iahá꞉rawe Jerusalemke.

2 Samuel 10:16

Ronnontí꞉io Hadadezer iasakoténiete ratiriwakarénies nahonwatinónksa ne Aramró꞉nons í꞉se nakaniatará꞉ti ne Euphrates tónhneskwe; tánon thóh nón꞉we Helam iahónhnewe, ne ratikwekonhátie ne Shobach ne ratsiokwahkwení꞉io ne ronterí꞉io raotsió꞉kwah ne Hadadezer raónha ne onóntsi í꞉ken.

2 Samuel 8:3

Ne Táwit kwáh ó꞉ni nonʼné꞉eh waononwariákhon ne Ronnontí꞉io Hadadezer ne ne roní꞉ha ne Rehob ne Zobah nón꞉we nihanákerehkwe, ne raónha tsi niahá꞉reh nahonsahakwahtáko ne raoshaststénhsera ne tsitkaniatarathátsie ne Euphrates.

Psalms 2:1

Onhʼnontiéren ne ronhnonhontsakeróʼnons tsi nió꞉re tsi iakotatenakónhni, tánon nonkweshónhas né iakotenikonronhnihátsie ne iáh othènen tekarihwástha?

Hebrews 11:34

wahónsʼwathe ne kentiohowáhnens, shahatiniákenne nasarekówah ahonahwén꞉ton. Rohtitsiʼióhakwe, nok wahatishátsʼtenne; rahtishátsʼthekwe ne tsi wahtirí꞉io ó꞉ni wahshakotisénni ne ronwahtishónskwe ne kenkʼthitoné꞉non.

Joshua 11:1

Nó꞉nen satewateriwaréni ne Israerʼró꞉nons ronatkwehiónkwen iahónwe ne ronhnonhtí꞉ioke Jabin né꞉ne Hazor nón꞉we, iahoteriwaniénthe ne ronhnonhtí꞉io Jobab né꞉ne Madon nón꞉we, ó꞉ni ne rontinonhtí꞉ios ne Shimron ó꞉ni ne Achshaph,

Joshua 11:5

Ratikwé꞉kon kí꞉ken ronhtinonhtí꞉ios iathonnitioʼkwáieste tánon skátke tsi tahón꞉ne tánon wahonthatoserothón꞉nion ákta ne tsi kanawáhere ne Merom ne nahonterí꞉io NIsraerʼró꞉nons.