2 Samuel 1:24 - Ohiatonhseratokénti

²⁴ Ó naothonwisénhtseras NʼIsraerʼronónke, tetsisewasént꞉thos ne Saul, raón꞉ha tsi sewasheronhniáton ne onekwénhtara sewatserón꞉nias, ne iókwats, raón꞉ha tsi sewatsténhni ne atnió꞉tas ne owistanó꞉rons í꞉kens ne sewatʼtseronhniakwáhkes.

2 Samuel 1:24 ပူးပေါင်းရင်းမြစ်များ

2 Samuel 1:23

Ne Saul tánon ne Jonathan kwáh í꞉ken tsi ronwatinorónhkwahkwe ó꞉ni ronwahtikweniénstahkwe! Tsi ninónnhekwe ó꞉ni ne kenheiát꞉ne iáh kiʼ tatehonwatikháshion; ronhnón꞉ha sén꞉ha teotikhá꞉kwe tsi ní꞉ioht nakweskówa, ronhnónha sén꞉ha tenishástekwe tsi ní꞉ioht ne kénreks.

2 Samuel 1:25

Tsi nihotiʼiatsienénhʼen ne ratisháststes thóh tsi waterí꞉io! Ne Jonathan thóh raiátaien ronwanonwarhiákhon tsi nón꞉we ne éhʼnekens tsiotenatʼthates sewáwenk.

Psalms 68:12

“Né Rontinontí꞉ios tánon ne rahonhnonkwetashón꞉has ronhterí꞉ios, ronatèkwen, ronatèkwen!” Né konhnón꞉kwe ne tkonthíteron tsi iotinonshó꞉tons watkonthatsiakskónhaʼse tsi nahoténsons ne waʼtserón꞉kwen,

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Proverbs 31:21

Iáh thaʼteiakoʼnikónhrhare nó꞉nen enwá꞉kerenʼne ne tsi nakohwá꞉tsire ronahkwéniaien ne iohtánawen.

Jeremiah 2:32

Ne iónkwe kén nitiohiónha ionikónhres kén ne ahowistahnorohsónhas, khés ne ioniáhkhe nahotierónniat ne enhióniaskte ne iakoniasta natseronniat? Ók nahiothónʼon nahonsehtonke nakonhkwetahshón꞉ʼa sénha wéso wenhnisehráhke ionkenikonhrénʼen.

Judges 5:30

“Nék khók roneshakonhátie nahatiʼiéna tánon ne tahathikháshion, skaiáta iónhkwe khés ne tekenihiáse ne saiáta só꞉tar rahorihwáke, kwáh íken tsi ioràseh ne wakóses ne Sisera rahotsátawi, tewasehrihiétaron ne kaniasáke né꞉ne iononhtí꞉io ahorihwáke.”