2 Samuel 1:23 - Ohiatonhseratokénti

²³ Ne Saul tánon ne Jonathan kwáh í꞉ken tsi ronwatinorónhkwahkwe ó꞉ni ronwahtikweniénstahkwe! Tsi ninónnhekwe ó꞉ni ne kenheiát꞉ne iáh kiʼ tatehonwatikháshion; ronhnón꞉ha sén꞉ha teotikhá꞉kwe tsi ní꞉ioht nakweskówa, ronhnónha sén꞉ha tenishástekwe tsi ní꞉ioht ne kénreks.

2 Samuel 1:23 ပူးပေါင်းရင်းမြစ်များ

2 Samuel 1:24

Ó naothonwisénhtseras NʼIsraerʼronónke, tetsisewasént꞉thos ne Saul, raón꞉ha tsi sewasheronhniáton ne onekwénhtara sewatserón꞉nias, ne iókwats, raón꞉ha tsi sewatsténhni ne atnió꞉tas ne owistanó꞉rons í꞉kens ne sewatʼtseronhniakwáhkes.

2 Samuel 2:18

Ne áhsen niháti ne Zeruiah raonekenterontseraʼshón꞉ahs thóh rón꞉neskwe, ne ne Joab, Abishai, tánon ne Asahel. Nón꞉wa ne Asahel thóh natehó꞉ka tsi ní꞉ioht ne kahentakéha oskenón꞉ton.

2 Samuel 23:20

Ne Benaiah ne roiénha ne Jehoiada kwáh í꞉ken tsi rasenhnowanénhne tsi raterí꞉ioskwe kènʼne Kabzeel nón꞉we nihanákerehkwe, ne roʼioténtenskwe ne iorihowánens; Kwáh ó꞉ni iehosnenhtón꞉ne nosonkwákon tánon iahanonwarhiákhon kénreks neh shiʼwenhniserátekwe satehionhokwatásekwe.

1 Chronicles 12:8

Né kí꞉ken ne raʼotisenhnasónhas ne ratisennowásens, rotirenhnáhons ronterí꞉ios né rahotiʼtsiókwahkon ne Gad ratiʼiátare ronónha ronhwatsataráhni ne Táwit rahotsiókwas né iahontsathénke tsi tewatenhénroʼte shíe꞉reskwe. Rotirenhnáhons náhonste ne tehioniaʼtástha ó꞉ni nashí꞉kwahras, ehʼnihiót꞉teron tsi nihatiʼiatótens tsi ní꞉ioht ne kénreks tánon thóh naʼtehotíkas tsi ní꞉ioht ne oskenónton onontakónha.

Job Tánon ne Raoronhiakensera 9:26

Thóh ní꞉ioht tsi kontohéstha tsi ní꞉ioht ne kwáh tehiohonwáka; tsi ní꞉ioht rawerókwaks tsi thenthahiatákwakte ne raorhió꞉ta.

Proverbs 30:30

kèn꞉reʼks ne aonhá꞉ʼa thatiʼshátste iáh oʼthé꞉nen tehatitshá꞉nis;

Song of Songs 5:16

Tsi naʼteowenhnatsikhétare, tanon raʼhiatakwékon askanéktsera i꞉ken ne kí꞉ken naʼkenoronkwáhtsera oni akateró꞉sera, O saiénha ne Jerusalem.

Jeremiah 4:13

Satkátho, ne tehontátʼtions tsi nonhtahonehnonhátie kwáh tsi ní꞉ioht ne otsátahs. Ne wahterí꞉ios ne raothísehres ne otsiónkwas kwáh tsi ní꞉ioht ne wahtsiskahionniátha, tánon ne raothitsenenhókonhs kosáhtens sénha tehiothíkas tsi ní꞉ioht ne ákweks. Hionkwahiathatónʼon! Hionkwariwahiesá꞉hon!

Lamentations 4:19

Sénha ne rathiʼiatastóre tsi ní꞉ioht ne áhkweks neh thènen ahkaskóhko ne tsitiotsikeráre non nahontáwe, wahonkhiseréson. Wahonkhihiatóraʼte ne tsi ionnontarónnion; kwáh wahonkhinenrénten ne kahentakeʼkówa.

Deuteronomy 28:49

Ne Roiá꞉ner kwáh enteshakohiaʼtenháseron ne tsi iehiotonhontsoʼthaní꞉hon nonhkweshón꞉a ne iaieshatiaʼtón꞉ti, ne nonhkweshón꞉as ne rahoronhkhátsheras iáh teshaʼnikonhraién꞉tas. Kwáh tenhieshathaséhthe tsi ní꞉ioht ne á꞉kweks.

Judges 14:18

Káti ne tsatákhaton siwenhniserakéhaton, nohénton ne Samson tsi ionhnonhwéstha iahatháwehiathe, ne ronhnónhkwe ne tsi kanatowanénhke wahonwénhase, “Onhnahó꞉ten sénha tehiotsikhétare tsi ní꞉ioht ne otsinakonhtakwáhne rahotitsikhétha? Onh nahó꞉ten sénha kashástsʼte tsi ní꞉ioht ne kénhreks?” Samson watharihwasehráko, “Tó꞉ka iáh akitiénen tsionónskwahron tahisehwátston tsi sewenhtarakarákthosʼkwe, Iáh kíʼ nètho nónwa tahisewaterienhtharáhon tsi nikéntons.”

1 Samuel 18:1

Nó꞉nen ne Táwit saharihókten tsi tehothitháhrakwe ne Saul, ne tsi rónnhe ne Jonathan watʼtsiátʼnerenhke ne tsi rónnhe ne Táwit, tánon ne Jonathan wahonóronhkwe kwáh tsi ní꞉ioht ne rahón꞉ha tsi nirónnhe.

1 Samuel 20:2

Ne raónha wahawénhase nenenhʼné꞉eh, “Ahí꞉non ít꞉ken! Ní꞉se kwáh iáh thasíheie. Ne rakení꞉ha iáh othènon tahá꞉iere neh nahiorihowanénhke khéhs nahioriwáskha neh iáh í꞉i ohén꞉ton tehatróriaʼne; tánon ónhʼnontiéren ne rakení꞉ha naharihwáshete kí꞉ken? Iáh nonwénhton thóh tahá꞉iere!”