2 Samuel 1:20 - Ohiatonhseratokénti

²⁰ Tó꞉sa thóh nón꞉we iaserihhówahnat ne Gath nón꞉we, tó꞉sa serihʼhówahnat ne tsi tekanatokénserons ne Ashkelon; khéhs tó꞉sa sehrí꞉on nakoioʼokónʼahs ne Philistines nakontsenhnón꞉ni, ne sakotiʼioʼó꞉kons ne iáh tehonaʼtewarakwátarons kwáh enhontsenhnakaráthaʼte.

2 Samuel 1:20 ပူးပေါင်းရင်းမြစ်များ

Ezekiel 16:27

“Ónenh kíʼ waʼkharáhthate ne kahtshanáhke nakonhréwahthe tánon éhren ehsetkháwiʼte ne sáhwenhk natiathateríhtshera. Iakonhiatsakwahríhsi rohnónhake ne Philistiaró꞉nons, ne ieshá꞉sons tánon ronhtéhens tsi nihioteriwahtéha tsi nisehweienhnótens.

Ezekiel 16:57

tánon nohénton ne kariwahétken tsi nishatiéren nahonthéneste? Nónhwa kwáh eh nishiató꞉ten—thikonhwaiéronh ne Edomró꞉nons, ne Philistiaró꞉nons, tánon nakorénhsons ne tesehwanonhsahnekʼkhánions ne iesáswenhs.

Micah 1:10

Tó꞉sa othé꞉nen satró꞉ri ne Gath nón꞉we, kwáh tó꞉sa othé꞉nen tesashéntho; ne Beth-leaphrah nón꞉we tiatsatakaraténiat okenrá꞉ke.

Judges 11:34

Nó꞉nen ne Jephthah shionhsáraʼkwe ne tsi thoʼnónsohte né Mizpah nónhwe, thóh sakoiénha taienhiakénʼen thonthahonwatérate, tehiakononhniakwenhátie tánon iakoterenhnotátse ne iewákstha ionhterenhnotákwa. Nek khók iekenrowiraiénthakwe.

Judges 14:19

Thontahiawénstsi ne Roiá꞉ner rahoshastsʼténhsera wahoshastsʼténhseron, tánon Ashkelon nónhwe niaháre, thóh nónhwe asenhniwáhsen niháti roʼnónhkwe iashakononhwariákon, washakosehronhniáshon, tánon né tashá꞉kaʼwe ne ronhnónhkwe ne iahatíheʼwe ne tekarihwakentónhkwen. Ethòne ónen, sahathénhti, ronakwenhenhátie tsi nahá꞉wenhne,

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”

1 Samuel 18:6

Tsi natontahonaʼtonhtsonhátie, nó꞉ne ne Táwit shonsaráhwen tsi iahononhwarhiákhon ne Philistiaró꞉non, ne konhnón꞉kwe takontiʼiakénseron akwé꞉kon tsi nonwésons kahnataién꞉tons Nisraerʼronónke, tehiotirihwákwen tánon tehiotinonhniá꞉kwen, ne ne tahontátken ne Saul, kontihawáhnion ne kén nikanakwáhas, neh tehiotirihwákwen natsenhnonniatsheráras, tánon ne kontihawáhnions ne ionterenhnhotahkwahsónhas, ne náhsen tekarenhshotáros.

1 Samuel 31:4

Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.

1 Samuel 6:17

Neh kí꞉ken nowistanó꞉rons ne iotaʼkwarontónhnions, tsi niká꞉ien ne Philistines ieshotíha ne ne kaʼní꞉kon iehotiʼtáton raoʼhén꞉ton ne Roiá꞉ner: Skanatátʼtshons ahotiriwá꞉ke ne ne Ashdod, Gaza, Ashkelon, Gath, Ekron;