2 Kings 9:3 - Ohiatonhseratokénti

³ tánon ranontsíne tasáweron kí꞉ken kèn꞉ie, tánon ensí꞉ron, ‘Né Roiá꞉ner rá꞉ton waʼiaienáro né naisanontí꞉ioke Nisraeʼró꞉nonke.’ Ethòne kwáh tsi niiostó꞉re éhʼren thontáset né nón꞉we.”

2 Kings 9:3 ပူးပေါင်းရင်းမြစ်များ

1 Kings 1:34

tsi nónhwe ne Zadok tánon ne Nathan enthonwarihwaníratʼtse tsi ronhnonhtí꞉io íken Nisraerʼró꞉nonhke. Ethòne ónenh sewahonráwat tánon tesehwahénret, ‘Karíhwes rònnhet ne Ronhnonhtí꞉io Solomon!’

1 Kings 19:16

Tsató꞉kast né Jehu né꞉ne roʼníha ne Nimshi né꞉ne ronhnontí꞉io Nisraerʼró꞉nonke, tánon tsató꞉kast nònhne ne Elisha né꞉ne roʼníha ne Shaphat né Abel Meholah nónhwe nihanákere né꞉ne teshianakthákwen tsi satokenséhakwe.

2 Kings 8:13

“Ónʼneʼnaiáwenhne né naʼkesastenserowanénhake?” ne Hazael Waharihwanónton. “Iáh ónka niʼtèken!” “Né Roiá꞉ner rakenesténhni tsi ensatenontí꞉ioste ne Syriaʼne nón꞉we,” ne Elisha watarihwaseráko.

2 Kings 9:6

Ethòne kí꞉ken teniʼiáse kanóns꞉kon niahá꞉ne, tánon né kentithoiónha rotó꞉kense taʼreienáweron ne iakeniewátha ne Jehu ranontsíne tánon wahawénhase, “Né Roiá꞉ner, ne Shakó꞉ní꞉io Nisraeʼró꞉nonke, rá꞉ton: ‘Wakonʼienáro naʼsheiatenonʼtí꞉ioste nakonkwetaʼsónhas Nisraeʼró꞉nonke.

2 Chronicles 22:7

Né Rawenni꞉io né kí꞉ken wárasthe tsi iahothórih ne Joram nahanahthára né akarihónhni ne Ahaziah tsi ahonhtahahiáthenhne. Tsi kíʼ nikaríhweskwe ne Ahaziah thóh í꞉reskwe, rahónha tánon ne Joram wathontátʼken ne rónhkwe Jehu ronhwáiasts né꞉ne roienhkénʼen ne Nimshi, né꞉ne rahónha ne Roiá꞉ner roiataráhkwen nashakóthonhte ne Ahab raowátsire.

Exodus 29:7

Ethòne tések ne hionthatiatoʼkástha kènhie, tánon ranonhtsíne tasáweron, tánon tieʼriwanírats.

Daniel 2:1

Ne tekeníhaton shiiohseratátie ne Nebuchadnezzar shihonontí꞉io, wahotétshen. Tsi naʼthaʼnikonhrá꞉ren iáh tesewátonhskwe ne aonsahó꞉taʼwe.

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Leviticus 8:12

Káti wahorihwaníratʼtse ne Aaron tsi tahá꞉weronh ne sakoienarós꞉tha kénhie ne ranonhtsíne.

Matthew 10:16

Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.

Matthew 2:13

Onen Sishonatention, Niio raoronhiakeronon ȣahotokaten ne Sose, ȣahaȣenhase: Satketsko, tetsiatak ne Raksaa oni ne ronistenha, nok Egyptke iaseȣatekȣasen, ehoni iaseȣenterontak tsiniiore ienskonrori: Aseken nʼErod enhoiatisake ne raksaa, aontonseke ahorio.

Matthew 26:7

Tsiothonȣisen eh onȣe Katsetenhaȣi titeȣenhienahere nʼakȣa ȣenhienanoron, nok tsinikariȣes tehostskaon, ranontsine tonȣeron ȣahahokaȣe.

1 Samuel 10:1

Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs:

1 Samuel 15:1

Samuel wahawenhá꞉se ne Saul, “Ne Roiá꞉ner tahakaténiete nakoniená꞉ro naiesaʼnontí꞉ioste ne raonkweʼtashón꞉ʼahs Israerʼronónke; ó꞉nen ká꞉ti satahónsatat ne raowennaókons ne Roiá꞉ner.

1 Samuel 15:17

Samuel wahén꞉ron, “Thohʼsáne kénk ní꞉sa tsi nateskánereh, kwáh kén í꞉se ohén꞉ton iésheʼte ne raotiʼtsiokwáhkon ne Israeronónhke? Ne ne Roiá꞉ner í꞉se iahiatarákwen nahisanontí꞉ioke Israeronónke.

1 Samuel 16:2

Ne Samuel wahén꞉ron, “Onhní꞉ioht tsi thóh iá꞉ke? Tó꞉ka ne Saul aharihwáronhke, ne raón꞉a kwáh kiʼ enhakenonwarhiákhon.” Tánon ne Roiá꞉ner wahén꞉ron, “Iatsaténhaf tionhnónskwaron owí꞉ra, tánon ensí꞉ron, ‘Tá꞉ke nahiʼiateskóntʼthase ne Roiá꞉ner.’

1 Samuel 9:16

“Nenʼióhrhenʼne tó꞉kaʼ kiʼ tonenkaʼhá꞉wiʼke kwáh entiʼiatéʼnié꞉te shonháke rón꞉kwe thóh nèntʼre tsi tionhontsá꞉ien ne Benjamin, tánon kwáh í꞉se entiaʼtaráko naʼsakokʼkóraste nakonkwetaʼshón꞉ʼa Israerʼró꞉nons. Kwáh Rahón꞉ʼa ensakonónsthaʼte tsi nòkwah ne raoʼtishastsʼténsera ne Philistines; asèken kwáh í꞉i wakatká꞉thon ne raoʼtironiakénhsera nakonkwetaʼshón꞉ʼahs, tsioríwa tsi naʼteotihenrétha ontiaʼtórenhne.”