2 Kings 8:9 - Ohiatonhseratokénti

⁹ Ká꞉ti ne Hazael waʼsakorienakéthaʼte kaiéri niwásen niháti iotiniakwáheʼre né꞉ne kwáh tsit niaʼtekonsónhas né kwáh tsoiáneres né Damascus nónhwe nikasahá꞉nions tánon Elisha wahotkénhsera. Nó꞉nen ne Elisha sathiatátʼken, wahénron, “Né sanʼnhátsera Ronnontí꞉io Benhadad tahakatóri nakonriwanón꞉tonhse tóh꞉ka kén khés ne iáh thaʼtahonthahioiánerenhne tsi rononwákʼtani.”

2 Kings 8:9 ပူးပေါင်းရင်းမြစ်များ

1 Kings 14:3

Oiéri nikanataʼráke iatsawíthen, tánon ostónha ká꞉ret, tánon skawísa otsinakonhthákwahne otsikhéta. Tierihwanón꞉tons onhnènhne nenhohiátawen ne tsi theʼniʼiénha, tánon kíʼ enhiaró꞉ri.”

1 Kings 15:18

Káti ne Ronhnón꞉tiio Asa iaháhaʼwe akwékon ne kawistaráhkens ó꞉ni nowistanoronhsónhas nononsatokentiʼkówaʼne tkaiénthakwe tánon ne ronhnontí꞉io tsi ronónhsohthe, tánon toʼkàra niháti ne rahonkwetaʼshónhas Damascus niahatíhaʼwe, tsi thénteron ne Ronhnón꞉tiio Benhadad né Syria nónhwe, né꞉ne roiénha ne Tabrimmon tánon ne rosótʼtha né꞉ne Hezion, né kí꞉ken ratirihwenháwi:

1 Kings 19:15

Né Roiá꞉ner wahénron, “Karákon nionhsáse ákta ne Damascus, ethòne iasenatháran tánon iatsató꞉kast ne Hazael tsi rononhtí꞉io í꞉ken ne Syrianke;

2 Kings 1:2

Né Ronhnonhtí꞉io Ahaziah ne Israerʼró꞉nonke tsi ioskwénhnonte ne karonhkwénake ne tsi ronónhsohte tahahiáthenhne né꞉ne Samaria nónhwe tánon kwáh thóh tsi nahokaréwathe. Káti tó꞉ka niháti ne ratirihwakaré꞉nies iashakotóri nahonwanikonhrisákʼkha ne Baalzebub, né sakoní꞉io í꞉ken ne Philistine ne tsi kanatowanénke né꞉ne Ekron nónhwe,

2 Kings 13:14

Né rotokenséhaʼkwe Elisha wahononwákten né꞉ne iáh tetieiewénhtas, tánon shiʼrenhéionsʼkwe, ne Ronnontí꞉io Jehoash Nisraeʼró꞉nonke wahonatenrénhsera. “Rá꞉keni, Rá꞉keni!” ratónnions tsi naʼtehasénthos. “Kwáh í꞉ken tsi teshé꞉neskwe Nisraeʼró꞉nons!”

2 Kings 16:7

Ne Ahaz ronónkwe iashakotóri tsítres ne Tiglath Pileser, ne rakó꞉ra í꞉ken ne Assyria, né kí꞉ken naterihwanothátsera: “Í꞉i ne wakerihwató꞉ten sanhátsera. Tá꞉se tánon saskeniákenk rahonháke ne ronnontí꞉io ne Syriaró꞉non tánon ne Israerʼró꞉non, tsi ronónha tionkatiatónhties.”

2 Kings 5:13

Né rahonhatserahókon tsítres niahónhne tánon wahonníron, “Sién꞉shon, tó꞉ka ne rotó꞉kense thé꞉nen wahiaróri ne waterihwenhtó꞉re tsi nashá꞉tsere, thóh kíʼ nahisaiérenhke. Káti nón꞉wa nonʼtsé꞉ren tsi iáh kíʼ teshatsatóhares, tsi kíʼ niháwen, tánon satseʼwén꞉tan?”

2 Kings 5:5

Né ronnontí꞉io wahénron, “Wáhs ronontí꞉ioke Nisraerʼró꞉nonke niaháse tánon thá꞉tion kií꞉ken kahiatónhsera.” Sók kíʼ ne Naaman thóh waré꞉the, tsáta tewenhniáwe nikakonhtseráke kawistaráken iahá꞉hawe tánon énska tewenhniáwe wísks-niwásen nikakonhtseráke owistanó꞉ron, tánon iaʼhahá꞉we ne rahothakwénia ne noiéri nihiorihwáke tsi tahonsahatá꞉ton tsi rotsherón꞉ni.

2 Kings 6:21

Nó꞉nen ne ronóntí꞉io ne Israerʼró꞉nonke wasakó꞉ken ne Syriaró꞉nons, wahoriwanóntonse ne Elisha, “Akhenonwariáʼkon kén, sién꞉shion? Akheʼnonwariáʼkon kén?”

Ecclesiastes 3:6

Rakwahthá꞉kwas nónen thén꞉nen ahietʼtshénri tánon tsi nienkáhewe nahiakótonse, tánon nónen ne iáh thén꞉nen tahiakótonse, tsi nienkáhewe naʼienónstathe tánon nienkáhewe ne í꞉seh iaʼhiakóti,

Philemon 1:14

Kwáh tsik nahiotónhake, tsi iáh tatewahkatonwenhtióni nahkonhiakwisrónhase nasheksnié꞉non; kek, ne akenonwéhne ne kwáh i꞉se thóh naeshaʼnikonroténhake. Ne káti ne kwáh iáh thé꞉nen thakátiere tsik enshewahriwahnónwehne.

1 Samuel 25:8

Sheʼriwanóntons ne kén nithotiʼiónsa, tánon kwáh eniesaró꞉ri. Ne káti aoríhwa ietsirí꞉hon nakonkweʼtashón꞉ʼahs kén nithotiʼiónshas nahotiʼianerenhseriʼióhake ne sahén꞉ton; asèken tsi wahákwahwe kwáh í꞉ken tsi wenhniserí꞉io nonkwahriwáke. Ahshathóntahte tashé꞉ion tsi nahisaién꞉tahke ne sanhatsheraʼókons ó꞉ni ne etʼtshièn꞉ʼa Táwit.’”

1 Samuel 9:7

Eʼthó꞉ne ne Saul watoriwaʼserákwaʼse nètho raksá꞉ʼa, “Ók tó꞉ka thóh iénteʼne, nahó꞉ten ientsiʼteniʼhawíthase nètho rón꞉kwe? Aséken ne kanátaro nonkeniʼiarákon ieiotʼtsaháhton, tánon iáh othènon teionhkení꞉ien natsiʼténon nètho Rawenni꞉io raonkwé꞉ta. Nahó꞉ten ionkeʼní꞉ien?”