2 Kings 7:9 - Ohiatonhseratokénti

⁹ Ók ethóhʼne waʼthontaténhase, “Iáh thaʼteiotonhontsóʼon thóh kíʼ naitewáiere! Karihwí꞉io ionkwáhien, tánon iáh thaʼteiothonhontsóʼon ne otsionháhak khók aionkwahteriéntarake. Tóh꞉ka entewaterá꞉rate tsitʼoronhkéne aitewatʼróri, kwáh siʼiorihwí꞉io tsi entewatréwaʼte. Á꞉nion ó꞉nenk thóh iétewe tsi tewaroriána ne ronnontí꞉io rahonhátsera!”

2 Kings 7:9 ပူးပေါင်းရင်းမြစ်များ

2 Kings 5:4

Nó꞉nen ne Naaman saharihwáronhke ki ken, ronnonhtí꞉ioke niaháre tánon wahoróri tsi nahó꞉ten wakénhron ne kaksáha.

2 Kings 7:10

Ká꞉ti éhren sahónhnete ne Syriaró꞉non tsi ronathatoseróte, Samaria nionhsahónʼne, tánon iahonwatínonhke ne ratinikónhraʼre ne tsi iotenhenrakarónhtons: “Iehiá꞉kweskwe tsi thonathatoʼserótons ne Syriaró꞉nons ók iáh ónhka tehiakhíken iáh ó꞉ni thènen tehionkwahtahonseniénhni nónʼka akénhake; né kosáhtens tánon ne tehonhóntes iáh tehonwanasáronhte, tánon nathó꞉seras thotʼtsèiot tsi éhren ronéton ne Syriaró꞉nons.”

2 Kings 7:3

Kaiéri nihá꞉ti né rotironiakénthakwe tsi rotisthá꞉wiskwe thóh nón꞉we niʼónhneskwe ástste nòkwati tsi iotenhenrakáronte ne Samaria, tánon waʼthontaténhase, “Nontséren tsi kénʼen aitewateráʼrahte tsi nió꞉re ientewénheʼie?

2 Kings 7:6

Né Roiá꞉ner né waʼrónhniate né Syriaró꞉nons ronhterí꞉ios tsi wahonatʼthóntene tsi ní꞉ioht ne tahotinenhríne rotiʼtsiokwatʼtsáni ronhterí꞉ios tahotisátenhtse tánon otsónkwah tahotihonwísere, ók né Syriaró꞉nons né꞉ne wahón꞉nere né ronnontí꞉io Nisraeʼró꞉nonke né wasakónaʼne ne Hitró꞉nons tánon ne Egyptró꞉nons rontinontí꞉ios ó꞉ni ne rahononkwetaʼshón꞉as ronterí꞉ios niaʼonwanatsatónhti.

2 Kings 7:8

Nó꞉nen ne kaiéri nihá꞉ti shiaʼhónhnewe ne tsi iehiótokʼte ne tsi wáʼthoseróton, athoserákon iahontáweiaʼte, wathontsʼkáon tánon wahatinekíra, waʼthónʼnekwe ne kawiatará꞉ken, nowistanórons, tánon natserónhnia ne wahatitsénri, tánon ionsahatíhawe tánon wahonsethánion; ethó꞉ne shé꞉kon thontahónne, né nón꞉wa nó꞉ia waʼthoʼseróte ionsahontáweiaʼte, tánon kwáh thóh nonsahatí꞉iere.

Proverbs 24:16

Iáh oʼthé꞉nen tewatsterístha tho niiotká꞉te ne thonnonkweʼtaié꞉ri tahatiʼnióhskenʼne, tiótkon tenhshatí꞉taʼne; nok ne iáh tethotirihwaié꞉ri enhontkarón꞉ni tókaʼ ó꞉ni enhontatáhtonʼte.

Isaiah 41:27

Né tewakatierénhton wakatró꞉ri ahonhàke ne Zion, né nahontiénawaste tánon tekheiáwi ne Jerusalem ne kariowanáton ne karihwí꞉ios.

Isaiah 52:7

Tsi niʼiorá꞉se né rasitàkes ne rarihwénhas tsi watanontí꞉iake rahónha rarihowanátas ne skénnon, rahónha tharihwénhas ne karihwí꞉ios, rahónha rarihowanáhtha ne kaiatakená꞉tshera, rénhni ne Zion, “Né Sahní꞉io rahónha raiataʼkwení꞉io.”

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Luke 2:10

Nok tanon ne Raronhiakeronon, ȣasakaȣenhase: Tosa seȣateronn: Aseken nonȣa neh kȣaroriane ne koȣanen aeseȣatonnharen, ok neh sakat tsinonkati nonkȣetakȣekon.

Philippians 2:4

Ietsiʼiénawas sathahióton tsi níse nathesewathatiénawaʼse.