2 Kings 3:3 - Ohiatonhseratokénti

³ Ethosàne, tsi nihiothónhne ne ronhnonhtí꞉ioʼkwe Jeroboam né꞉ne ronikénhen ne Nebat ne thóh hénton tsi ní꞉ioht ne rahónha, iashakosárihne nisraerʼró꞉nons ne karihwanerahakʼtseráke.

2 Kings 3:3 ပူးပေါင်းရင်းမြစ်များ

1 Kings 13:33

Né Ronhnonhtí꞉io Jeroboam shé꞉kon kíʼ iáh tehatkáwas tsi nihaweienhnák꞉sens ók iehokonhthákwen shaʼkohiatarakwenhátons né꞉ne thikánionk kawátsires né ahonterihwatsʼtérisʼthe ne ietsienharákwas rohsahánion. Waʼsakorihwaníratʼtse kwáh tsík ónhka náienre ahontʼtsihenstónhni.

1 Kings 14:16

Ne Roiá꞉ner enshakotewénhthete Nisraerʼró꞉nons tsioríhwa ne Jeroboam rorihwáneren tánon iashakosárihne Nisraerʼró꞉nons nahatirihwánerake.”

1 Kings 14:9

Í꞉se sénha iashohétsthe tehiotenonhianítons tsi ní꞉ioht tsi waserihwánerake tsi ní꞉ioht né thóh natserénton ronatkoráston. Wasekʼkénron tánon wasawénhrate nakenakwáhtsera né tsi washatsathonhniseronhniánions tánon karístatsis nahó꞉ten washehiatonhniánions nakonhwatisenhnaienthákwahke.

1 Kings 15:26

Tsi ki niʼiohthónhne ne roʼnikénʼen ne thohénton, waharihwánerake tsi nòkwah ne Roiá꞉ner tánon iashakosárihne Nisraerʼró꞉nons niahatirihwánerake.

1 Kings 15:34

Kwáh kíʼ tsi niʼiohtʼthónhne ne Ronhnontí꞉ioʼkwe Jeroboam né thohhénton tsi ní꞉ioht ne rahónha, waharihwánerake tsi nòkwah ne Roiá꞉ner tánon iashakosárihne Nisraerʼró꞉nons karihwanerahakʼtseráke.

1 Kings 16:31

Iáh tsatekaiéri tsi naharihwánerake tsi ní꞉ioht né Jeroboam; ishiʼnónwe niaháhaʼwe tánon ne wahotíniaʼke ne Jezebel, né shakoiénha ne Ronhnontí꞉io Ethbaal né Sidon nónhwe nihanákerekwe, tánon ne wahasénhnaien ne Baal ne Samaria nónhwe, wahahónhnien ne ientsenharáhkwah, tánon ononsatokentiʼkówaʼne iaháhionhte.

2 Kings 13:11

Rahónha ó꞉ni waharihwánerake tsi nòkwah ne Roiá꞉ner tánon né wahá꞉sere né karihwahetkénseraras tsi tonhtahateniéntenste ne Ronnontí꞉iokwe Jeroboam rahoweiénhna, tsi rahónha iesakosahríhnon Nisraeʼró꞉nons ne karihwanerenhaktsherákon.

2 Kings 13:2

Tsi kíʼ niʼiohtʼtónhne ne Ronnontí꞉iokwe Jeroboam nohénton tkènʼne tsi ní꞉ioht ne rahónha, waharihwánerake tsi nòkwah ne Roiá꞉ner tánon iashakosárihne Nisraeʼró꞉nons ne karihwanerahaktserákon; iáh kíʼ nonwénhton tehotsakwahríhsons tsi nihaweienʼnák꞉senhne.

2 Kings 13:6

Ók iáh kíʼ teonatsakwahríhshion ne karihwanerahák꞉tsheras tsi ní꞉ioht ne Ronnontí꞉iokwe Jeroboam tsi nieshakosarínon Nisraeʼró꞉nons, ók iahatikóntaʼkwe; thó nihatiʼiérahkwe; tánon ne kaiatón꞉ni ne Asherah thóh kíʼ kaiénthakwe ne Samaria.

2 Kings 14:24

Wahariwánerake tsi nòkwah ne Roiá꞉ner, né wahá꞉sere né kariwahetkénsera tsi thontahateniéntenste né thonʼnontí꞉iokwe Jeroboam né꞉ne ronikénhen ne Nebat, rahónha né iesakosarínon Nisraeʼró꞉nons ne karihwanerenhaktserákon.

2 Kings 15:18

Waharihwánerake tsi nòkwah ne Roiá꞉ner, Asèken kwáh tsiarénheie tsi né wahá꞉sere ne karihwahetkénsera ne thontahateniénhtenste ne Ronnontí꞉iokwe Jeroboam né꞉ne ronikénhen ne Nebat, rahónha né iesakosaríhnon Nisraeʼró꞉nons ne kariwanerahaktserákon.

2 Kings 15:9

Né Rahónha, kwáh kíʼ tsi nihiotónhne ne teshonakʼthakwénhni, waharihwánerake tsi nòkwah ne Roiá꞉ner. Né wahá꞉sere né karihwahetkénsra tsi thontahotheniéntenste ne Ronnontí꞉io Jeroboam né꞉ne ronikénhen ne Nebat, rahónha né iesakosaríhnon Nisraeʼró꞉nons ne karihwanerenhakʼtserákon.

2 Kings 17:21

Nó꞉nen ne Roiá꞉ner sateshakokʼkháshion Nisraeʼró꞉nons tánon ne Judahró꞉nons, Nisraeʼró꞉nons né꞉ne Jeroboam waʼhonwanontiʼiotserónhni né꞉ne roʼníha ne Nebat.

2 Kings 17:22

Rahónha wahonwásehre ne Jeroboam tánon iahontashón꞉teren thóh nihatiʼiéra akwékons ne kariwanerahátʼtseras tsi nihotieránions,

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

2 Kings 21:16

Ne Manasseh tsi niʼiakotsokowánen sakononwariakónhnion ne iáh othènen teiakoníkon ne tsi tekanatokenhá꞉tons ne Jerusalem kwáh watneʼkwenhsíne; né kí꞉ken iahá꞉ieste tsi niesakosaríhnon nonkweʼshón꞉as ne Judah tsi nakonwatisénhnaien ne kaiatonhnisónhas, né wakarihón꞉ni wahatirihwánerake tsi nòkwah ne Roiá꞉ner.

2 Kings 23:15

Ne Josiah kwáh ó꞉ni saharihsónhko tsi nonʼwé꞉sons nihonterénhnaiensʼkwe ne Bethel nón꞉we, Né꞉ne Ronnontí꞉iokwe Jeroboam rosahánionkwe né꞉ne roienkénʼen ne Nebat, rahón꞉a iesakosaríhnon Nisraeʼró꞉nons ne karihwanerahakʼtsherákon. Ne Josiah waʼharihsónko ne ietsienharákwahs, kénʼk ní꞉wahs tsi watharihthánion, tánon okènra iahón꞉ton; kwáh ó꞉ni wahát꞉tsahate tsi kaiátare ne Asherah.