2 Kings 24:3 - Ohiatonhseratokénti

³ Ki tsi nahá꞉wenhʼne ne tsi nihotenhnáʼon ne Roiá꞉ner, né nahón꞉ton né꞉ren ashakoiatenháwite nonkweʼshón꞉as ne Judah nón꞉we ne rahohénton tsorihwa né nó꞉rihwakwé꞉kon ne karihwanerahát꞉tsheras tsi nihotieránions ne Ronontí꞉io Manasseh,

2 Kings 24:3 ပူးပေါင်းရင်းမြစ်များ

Genesis 50:20

Eʼthó sá꞉ne wesewatenʼnikonhrón꞉ni nahskwakaré꞉wahte, ne Rawenni꞉io ne ne rotenʼnikonhrón꞉ni ne ioiánere tsi nahá꞉iere, ne ne iakentiohkowá꞉nen ahanónhstate tsi iakónhnhe, tsi kiʼ nón꞉wa nihoierenhátie nón꞉wa wenhniserá꞉te.

2 Kings 17:18

Ne Roiá꞉ner sakonákwahse ne Israerʼró꞉nons tánon éhren wasakoiatenháwite ne rahohénton, ne khók iateshonataténhron ne Judah.

2 Kings 17:20

Né Roiá꞉ner waʼshakokénron ratikwéʼkons Nisraeʼró꞉nons, sakorewathonhátie tánon thóh niesakohiaténhas tsi rónhnes ne ratiniakátste tehontátʼtions kwáh tsi nióre éhren waʼsakohiatenháwite ne rahohénton.

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

2 Kings 18:25

Í꞉sere ken tsi iekatsathóntion ne sanakerásera tánon wakeriwathónton iáh thahóten ne Roiá꞉ner tehatiénawase? Kwáh rahonhatsíwa ne Roiá꞉ner rakró꞉ri niakatsatónhti tánon nakerihwáthonte.”

2 Kings 21:16

Ne Manasseh tsi niʼiakotsokowánen sakononwariakónhnion ne iáh othènen teiakoníkon ne tsi tekanatokenhá꞉tons ne Jerusalem kwáh watneʼkwenhsíne; né kí꞉ken iahá꞉ieste tsi niesakosaríhnon nonkweʼshón꞉as ne Judah tsi nakonwatisénhnaien ne kaiatonhnisónhas, né wakarihón꞉ni wahatirihwánerake tsi nòkwah ne Roiá꞉ner.

2 Kings 24:20

Né Roiá꞉ner tsi nióre tsi wahotenakwawénhratʼtse tsi nòkwah ne Jerusalemró꞉nons ó꞉ni ne Judahró꞉nons kwáh éhʼren washakoiatenháwite ne rahohénton.

2 Chronicles 24:24

Né Syriaró꞉nons ronterí꞉ios iáh tehonahtsokowánen, ók kíʼ ne Roiá꞉ner washakoríhon nahonwatisénhni ne sénha rotinenhrowánen Judahró꞉nons ronterí꞉ios tsioríhwa nonhkweʼshón꞉as tsi ronhwatewenhtéton, né꞉ne Roiá꞉ner Sakoní꞉ioʼkwe ne sakotisotʼthonkonhkénʼen. Thóh kíʼ ní꞉ioht ne Ronnontí꞉io Joash tsi wahonwaré꞉waʼte.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Exodus 20:5

Tó꞉sa tesewaʼtiáket ahohénton ne kahiatónhni ó꞉ni ieʼtsishén꞉naien, tsioríwa tsi Í꞉i ne Watiá꞉ner Sewaní꞉io wakatekéffen, kherewá꞉tha tsi niháti ne hiónkswens ó꞉ni tsi nienʼhontwaʼtsiríne tsi nióre ne asénhaton ó꞉ni kaieriʼháton niaʼtewateresehráhseʼre.

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Jeremiah 32:31

Nonhkweshón꞉ʼa ne kenʼen kanató꞉wahnenh ionhkenahkonnihon tánon onhkatenahkwahwenhrátʼtse ne ne kwáh sonthontenahtónni. Hiaʼtewahkerihwahiénthaʼse ne akáhtonte

Jeremiah 52:28

Kén kahiáton tsi nihionkwétahkes nètho Ronnonhtí꞉io Nebuchadnezzar ieshaʼkohiaténha nahonwahtinhóton: ne꞉ne tsatákhaton sihiosehrahkehátie shihononhtí꞉io 3,023 niháti.

Ezekiel 22:3

Tsró꞉ri ne kanatowáhnen nahóten Ní꞉i, Wakenonhtí꞉io Watiá꞉ner, katónhnions: Sóhtsi iakotiokowáhnen sehiasehton ne shón꞉kwetasonha tánon tesahtatsatationston ne tsi sehsénhnaienskwe ne kahiatonhnisónhas, ne sáwenhk kawistáhets táwe.

Ezekiel 24:6

Né kíʼ tsi nahó꞉ten ne Ronhnontí꞉io Roiá꞉ner ráton: “Ne kanahtowáhnenhs ne iakonahséhtha kwáh enhatiriwahiatháton! Tsi ní꞉ioht ne ioskenraʼrah ónhtak ne iáh nonhwénhton tehiakonóhare. Tsakokonhtákwen owáhron iakothákwen, tánon iáh nénhska tsatehiothaténron.

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Micah 2:10

Téstan tánon wás; asè꞉ken iáh teká꞉ien nahiontoríhsen ne ken nón꞉we, tiorì꞉wa tsi iáh tehiotkwéniens tánon nahothatewenhnihió꞉sera enkonwáhkwa tánon enwatkarónhni né꞉ne tehiotenonhianì꞉ton kaʼnikonhratsénhtsera natkaronhniá꞉tshera í꞉ken.

Deuteronomy 28:63

Kwáh ki tsi ní꞉ioht ne Roiá꞉ner tsi wahawerientí꞉io tsi natsisewakwatsésten tánon tsi watsisewenhtiohkowá꞉nahthe, káti kwáh et nenhawereientí꞉io natsisewathón꞉te tánon nahontaháhawe ne karihwaieshátsheras ne tionháke. Etren enieʼtsihiatenhá꞉wite ne tsi ionhontsá꞉ien ne ó꞉nen thó꞉wa iahisewatiaʼtakwehní꞉ioste.

Deuteronomy 29:28

Tánon káti ne Roiá꞉ner wahotenakwawenhráʼtse, tánon ne kowá꞉nen rahonakwáhtshera é꞉ren washakohiaʼtenhá꞉wite ne rahononhontsá꞉kes tánon thihiohontsá꞉te nón꞉we iashakohiatón꞉ti, tánon tho nón꞉we nihatinákere nón꞉wa wenhniserá꞉te.’

Joshua 23:15

Kwáh ki tsi nihorihwaié꞉rihtons akwé꞉kon tsi nitsisewarahratstén꞉ni, káti akwé꞉kon é꞉tho nenháiere tsi nitsisewaronhkatén꞉ni.