2 Kings 22:9 - Ohiatonhseratokénti

⁹ Eʼthó꞉ne ronontí꞉ioke nionsá꞉re tánon waʼhát꞉rori: “Né sanhatsheraʼókons iehotíha nowístas nononsatokentiʼkó꞉wane kaiéntakwe tánon né thonwanáwi ne ronhnón꞉kwe né ronaterihwatsʼteríston tsi satinonsakwahthá꞉kwahs.”

2 Kings 22:9 ပူးပေါင်းရင်းမြစ်များ

2 Kings 18:18

Ethòne ó꞉nen iahonwénhnonke ne Ronnontiio Hezekiah, tánon náhsen niháti ne rahonkweʼtashón꞉as ratisenhnowánens thóh niahónhne iathonwanáterate: Eliakim né꞉ne roiénha ne Hilkiah, rahónha ne ranikonráhrakwe ne tsi kanontiʼiotseráien; ne Shebna, né꞉ne sakohiatónhnisʼkwe ne tsi teiehiatorethákwah; tánon ne Joah né꞉ne roienkenén ne Asaph, rahónha nènhne ranikonhrárahkwe ne kahiathonserasónhas.

2 Kings 22:10

Tánon eʼthó꞉ne waʼhénron, “Kénʼen í꞉khawe kaiatónhsera nètho Hilkiah tkakáwi.” Tánon iorakaʼréni tsi wahowenhnanóthase ne ronontí꞉io.

2 Kings 22:12

tánon taʼhá꞉wen ne iononteraʼtsétaʼne kaiatónhsera ne Hilkiah né꞉ne ratsihenstowánen í꞉ken, í꞉se ne Ahikam iaiénha ne Shaphan, í꞉se ne Achbor né iaiénha ne Micaiah, í꞉se ne Asaiah, né ronontí꞉io tiaʼterihwatsʼterísthaʼse:

2 Kings 22:3

Né shatekonháton shiʼioserakehátse shiʼhonontí꞉iokwe, ne Ronnontí꞉io Josiah iahoténieʼte ne teieiatorethákwah sakoiatónhnis né꞉ne Shaphan, né꞉ne roienkénʼen ne Azaliah tánon né rosotʼkénʼen ne Meshullam, Ononsatokentiʼkó꞉waʼne niaháre rarihwenháwi:

2 Kings 22:8

Ne Shaphan iaháien ne Ronontí꞉io raoiatónhsera tsi thénteron ne Hilkiah, tánon kíʼ ne Hilkiah wahoʼró꞉ri ne Shaphan tsi waʼhatʼtsénhri ne kaiatónhsera ne Rawenni꞉io raoianerénhsera í꞉ken thó ononsatokentiʼkó꞉waʼne. Ne Hilkiah tahá꞉wen ne kaiatónhsera, tánon ne Shaphan waʼhawenhnaʼnóten.

2 Kings 25:22

Ne Ronnontí꞉iokwe Nebuchadnezzar ne Babyloniaró꞉nonke Gedaliah wahokórasthe, né꞉ne roienkénʼen ne Ahikam tánon ne rosotkénʼen ne Shaphan, ne rakórahkwe ne Judah nón꞉we, tánon rahónʼa wahorihónten nasakotenhnikonhráhren tsi nihá꞉ti ne iáh Babyloniaró꞉nonke tsehonwatiʼiaténha.

Jeremiah 26:24

Ók ne tsioríhwa tsi niʼthakatswahnónhne ne Ahikam ne roʼníha ne ne Shaphan, iáh tiehionkatkáhwen tsi nòkwah nonhkweshón꞉a tánon naʼhionkenonhwarhiákonʼke.

Jeremiah 29:3

Elasah tahíhion ne kahiatónsehra ne roʼníha ne ne Shaphan ó꞉ni ne Gemariah ne ne roʼníha ne Hilkiah, tsi nikáien ne ronnonhtí꞉io Zedekiah ne Judah iehotenietenhni rahonháke ne ronnonhtí꞉io Nebuchadnezzar ne Babylonia nónhwe. Wáhton:

Jeremiah 39:14

thahiontsiatínekenhwe nahotenhénrahkon ne tsi kanonhtiʼiotsheráien. Tánon Gedaliah né shaʼhonwahrihónten nahonshaʼhakatenhnikonhráhren, ne roʼníha ne ne Ahikam ó꞉ni ne rosótʼtha ne ne Shaphan, rahónha oriwí꞉io enrónhni tsi kwáh skénnenhk tsi iénskewe. Tánon káti thóh nónhwe nahkahtserónhniaʼte skátke nonhkweshón꞉a.

Jeremiah 40:11

Tsi ki ní꞉ioht, rathikwékon ne Israerʼró꞉nons tsikʼnonhwésons nónhwe nihathináhkerehkwe ne ne Moab, Ammon, Edom, tánon ne aktésons tkanahkerahsehrahkérons, wahonatʼthónteʼne nètho ronnonhtí꞉io ne Babylonia nónhwe ótiakes shaʼkorihwáhwi ne Israerʼró꞉nons ne Judah nónhwe nahathiteróntahke tánon tsi Gedaliah wahokóhrasthe.

Jeremiah 41:2

ne Ishmael tánon ne oiéri niháti ne rathikwékon tahonsharohtsiaʼte tánon wahonwahnonwahrhiákon ne Gedaliah.

Ezekiel 8:11

Tsáta niwáhsen niháti ne ohénton iehonnéton ne Israerʼró꞉nonhke thóh rónhneskwe, thóh rahiatáhre ne Jaazaniah ne roníha ne꞉ne Shaphan. Ne shatihiatátʼtions ne ratíhawe ne kaienkwahráhkon ionhtekathákwah, tánon ioienkwahrakethothonhátse ne kaienkwahrákon.